1- شخصياً فعلاً أول مرة أعرف إن في خلاف علي

1- شخصياً فعلاً أول مرة أعرف إن في خلاف علي صحة وجود الشخصية نفسها ( القعقاع بن عمرو) تاريخياً . 2- عملت شوية سيرش .. و عرفت إن في خلاف فعلاً .. و سمعت الآراء اللي بتقول كان موجود .. و سمعت الآراء اللي بتقول ماكنش موجود . 3- فكرت شوية . … … 4- وصلت إلي التالي :

• هل فأى من القصص اللي أحفظها ظهر قلب عن ( القعقاع ) .. أى شيء يخليني إنسان أسوأ ؟ .. إنسان أجبن ؟ .. أضعف ؟ .. أوهن ؟ .. = إطلاقاً .. بل إن القصص اللي أحفظها ظهر قلب عن ( القعقاع) كانت و ما زالت و ستظل بالنسبة ليا بوصلة أهتدي بيها .. و أفكر فيها لما باكون فمواقف تتطلب مني ( شجاعة و قوة و نبل و فروسية ) .. … …
• هل لو فعلاً هو ماكنش ليه وجود … أنا المفروض إني أعتبر إن ما يرمز ليه من قيم هي كمان مالهاش وجود ؟! .. يعني أعتبر فعلاً إن ( الشجاعة و الفروسية و النبل و القوة و … ) كل الحاجات دي هي كمان مش موجودة ؟ . = إطلاقاً .. بل إني شخصياً باعتبر من ضمن قدواتي في قيم كتير من القيم دي .. شخصيات أنا مدرك إنها مجرد تأليف بشر .. زي : ( ساكاتا جينتوكي , رورونوا زورو , روك لي , ناروتو , لوفي , سانجي , … ) و غيرهم كتير من أبطال الأنيميات اللي باتفرج عليها . … …
• هل ده يأثر علي إيماني أو إسلامي أو عقيدتي بالسلب ؟ = إطلاقاً .. أنا مدرك و واعي جداً بمدي ضعف النفس البشرية .. العقيدة و الرسالة و الإسلام .. عقيدة للبشر أجمعين .. نوجه وجهنا لله سبحانه و تعالي جميعاً .. مباشرة مننا إلي الله .. و ب( كثير ) من الدراسة و التفكير.. حنفهم إن الأنبياء و الرسل مش محل للخلاف إطلاقاً .. و إن في فرق ضخم ( لا وجه للمقارنة أساساً ) بين علماء البشر ( الشرعيين و الماديين ) المعتمدين فكلامهم علي التفكير … و بين الأنبياء و الرسل المعتمدين فكلامهم علي ال ( وحي ) .. .. فبالتالي أقدر دايماً أتلقي أفكار و معلومات ( زي اللي وضحها بوست دكتور أحمد خيري العمري ده ) .. بدون ما أحس بصدمة أو خلل فعقيدتي أو إيماني .. بل أتقبلها بصدر رحب .. و أتعلم منها ( بارك الله له في علمه ) .. و أحاول إني أراجع نفسي و حديثي و أثري شخصياً في العالم .. و أتقي الله في كلامي و ما أتركه في العالم … بحيث إني أحاول أكون قدر المستطاع مش مصدر فتنة مثلاً و الناس مختلفين علي صحة كلامي زي ( كتب سيف بن عمر الضبي ) . … … … و الله أعلم .