لأن مين بيحتاج النوم ؟!

لأن مين بيحتاج النوم ؟! because who needs sleep ?! … كان بقالي أكتر من تلات سنين ماشوفتش (one piece ) .. و كنت واقف عند الحلقة 760 .. و من 5 أيام قررت إني أرجع أشوفه و ( catch up) .. لسة قافل الحلقة 901 حالاً .. 141 حلقة .. فأقل من 5 أيام .. كنت بانام ساعتين أو تلاتة بس يومياً .. نزلت الحلقات علي اللاب و الموبايل سواء .. و حرفياً أى وقت ينفع إني أشغل فيه الحلقات خلال ال5 أيام دول .. كنت باشغل فيهم (وان بيس ) .. … … أنا حاولت فبوستات كتير أشرح تأثير الأنيمي عليا و تكوينه لجزء ضخم من شخصيتي .. و إزاي إني شايف إنه المفروض إن الأنيمي يكون جزء أساسي من التربية للإنسان .. مش الطفل فقط .. مش حاعيد الكلام ده أو أجزاء منه هنا دلوقتي .. و لكني حاكتفي بتدوين حاجة زي كده ( إني أخيراً و بعد 3 سنين .. caught up ) ل وان بيس .. و إن حاجة زي كده كانت تعتبر بالنسبة ليا أولوية عالية جداً .. و شيء أهميته تستحق إني أخصص له 5 أيام كاملين من حياتي .. بل و إني أشارك حاجة زي كده هنا :) .. … لو حاختار من كل ما شفته من أنيمي علي مدار حياتي ( أكتر من 5 تيرا تقريباً ) لحد دلوقتي أعز شخصيتين لقلبي .. و اللى أقول إني باعتبرهم قدوة ليا فحياتي و طريقة تفكيري و رؤيتي للعالم .. .. 1- ساكاتا جينتوكي - sakata gintoki من جينتاما . 2- مونكي دي لوفي - monkey d.luffy من وان بيس .