بمناسبة صلاح و أفريقيا و العرب و ما شابه

بمناسبة صلاح و أفريقيا و العرب و ما شابه ..

إزاى تفرق بين المغرور و الواثق بنفسه و الأحمق ؟ .. فوجهة نظرى :

1- المغرور بيدور على أى مناسبة عشان يتكلم عن نفسه و غالباً بتسمع منه أكتر ما بتسمع عنه . 1- الواثق بنفسه فأى مناسبة غالباً بتلاقى المغرور و الأحمق بيتكلموا عليه و غالباً بتسمع عنه أكتر ما بتسمع منه . 1- الأحمق .. ما بيعرفش يفرق بين المغرور و الواثق بنفسه و شايفهم الإتنين مغرورين و بيتكلم عليهم هما الإتنين.

2- المغرور بيشتكى من المشاكل كتير و ما بيقدمش حلول 2- الواثق بنفسه بيشتكى من المشاكل كتير و بيقدم حلول 2- الأحمق بيشتكى إن الإتنين بيشتكوا .. و مستفيد من وجود المشاكل .

3- المغرور غالباً مابيكونش حد طايقه أساساً و من البداية . 3- الواثق بنفسه بيكون ليه معجبين كتير .. و من المعجبين الكتير دول فى مغرورين و حمقى كتير . 3- الأحمق بيدور على قيمته فصورة غيره .. و إسم غيره .. فهو( أهلاوى قبل أن يكون فلان) .. أو ( منتسب لشىء قبل أن يكون شىء) .

4- المغرور لما بيغلط بيقاوح كتير و شايف نفسه مابيغلطش . 4- الواثق بنفسه لما بيغلط بيعتذر و يتعلم .. حتى لو خد وقت فده . 4- الأحمق مش فاهم إن الإتنين بشر من حقهم يخطأوا و بيقعد ينظر عليهم .

5- المغرور ممكن يكون عنده ولو حاجة بسيطة تديله حق إنه يكون مغرور . 5- الواثق بنفسه عارف قيمة اللى فيه و معاه .. و عارف هى أكبر من إيه و أصغر من إيه . 5- الأحمق ماعندوش أى شىء إطلاقاً … و مش فاهم ده .

6- المغرور سهل تستخدمه بس صعب جداً تتعاون معاه 6- الواثق بنفسه صعب جداً تستخدمه بس سهل تتعاون معاه 6- الأحمق مالوش لازمة و قلته معظم الوقت أحسن .. و لو إستخدمته فيكون بتمن و من خلف حجب و حواجز

الأحمق صوته غالباً أعلى من المغرور … خصوصاً لو لقى حمقى كتير زيه .

و الله أعلم .