سبحان الله العلى العظيم

سبحان الله العلى العظيم .. مع كل حاجة جديدة بتحصل فى “البركة = pond” الصغيرة بتاعت السوشيال ميديا المصرية .. و بيحصل “ripples” و كومنتات و كده .. حالة الإستقرار الوهمى اللى عند الغالبية من ساكنى جدران البركة بتتهدد .. إستقرار عقائدهم اللى قايمة على التقاليد و الأعراف و ما وجدنا عليه آباؤنا .. و تبدأ حالة من الفوران المؤقت .. و كل طحلب من الطحالب دى بيبتدى يدور على وضع الإستقرار الجديد بتاعه .. و ب”طحلب” هنا أقصد كل “life form” إنتهى عقله عن العمل من فترة طويلة .. جداً .. ال”slippery slope” بتاع تحولك لطحلب بيبتدى لحظة ما يختلط على ذهنك مبدأ التأقلم بمبدأ الخوض مع الخائضين .. … الفيزياء و الرياضيات و الأحياء و .. مليانة كمية ضخمة جداً من الحقايق اللى “counter intuitive ” .. و اللى بيخوض غمار علوم زى دى .. بيفهم إن لو ماكانش فى أرض ثابتة واقف عليها من الأساس .. كل معادلاته حبتبدى و توصل لصفر = صفر ..

الأرض الثابتة المطلقة ضرورة مش إفتراض .. الأرض الثابتة و الحقائق و الصح المطلق .. ضرورة لإتزان كل معادلاتك ..

الأغلبية عمرها ما كانت ولا حتكون هى مقياس الصح و الغلط .. ماتنساش إن الأغلبية كانت مصدقة إن الأرض مستوية و بتنتهى عند الترعة .. ماتنساش إن الأغلبية دايماً من القرى كانت بتهلك بظلم أهلها .. ماتنساش إن أغلبية المراهقين فى العالم حالياً بيشجعوا بيبر ..

لو فرضنا إن المنطق سفينة فوسط محيط هائج من العبط و العبث .. يتفاوت قوة الأشخاص الجسمانية .. و العقلية أيضاً .. مش كل بحار .. يقدر ينسى مقدار قوته .. و يتشعلق فجدار السفينة بحبل هش .. و يقول أنا لسة عالمنطق .. و مش معنى إن شخص معين ذا قوة جبارة .. ماسك فطرطوفة السفينة بصباع .. إنه مش عالمنطق ..

أرضك الثابتة بغض النظر عن كل المتغيرات .. فين ؟