لو حد من اللى متابعينى .. أو بيقرا البوست ده

لو حد من اللى متابعينى .. أو بيقرا البوست ده لسة بيدور على شغل .. ملحوظة صغيرة و معلومة و كده :

• لما تلاقى إعلان عن وظيفة ” خزعبلية , بمرتب خرافى , فقطر أو الإمارات , … ” و فى الآخر محطوط إيميل على الgmail عشان تبعت عليه السى فى بتاعك .. الله يكرمك .. عندك فى الجمجمة عضو إسمه مخ .. فيه خاصية إسمها المنطق .. شغلها شوية .. يعنى بالتأكيد إن الشركة اللوزعية الخزعبلية دى .. عندها 2.5 دولار تشترى بيهم دومين .. تحط عليه ميل سيرفر ليها .. مش تشتغل على yahoo ولا gmail ..

واحد يسألنى “طب و أنا خسران إيه لما أرمى سي فيهى فأى حتة ؟!”

الإجابة كالتالى : 1- لو إنت بنت .. خلى بالك من نوعية المعلومات اللى فى سيفيهك .

2- فى حاجة إسمها affiliates .. اللى هو تجمع بتاع “عشرميت ” إيميل .. فى list .. و تبعت لهم spam بالعبيط .. اللى بيحصل هو إن معظم الإعلانات بتاعت الوظايف دى بتبقى عبارة عن تجميع لإيميلات بمعايير معينة “مهندس , مصرى , ذكر , … ” .. و بعدين تتباع اللستة لأى شركة بتاعت كورسات أو منتجات مستهلكها الأساسى هو ال “مهندس , المصرى , الذكر , … ”

أنا عارف إن ناس كتير بتعامل إيميلاتها الشخصية بنفس الأسلوب بتاع أوائل الألفينات لما كانوا بيكتبوا إيميلهم على ضهر كراسى الأتوبيس و يدعوا إن يجيلهم إيميل .. بس still لعل حد يستفيد