هو أنا مش من هواة البحث عن كلمة "محمد" فقلب

هو أنا مش من هواة البحث عن كلمة “محمد” فقلب طماطماية أو الكلام الفاضى ده .. و بالتأكيد مش من هواة إصباغ الهيئة الدينية على أى شىء ينفع .. لمجرد إنى أحاول أطمن نفسى بالإيمان كل شوية .. و لكن .. من و أنا صغير كل ما كنت أقرا الحديث بتاع “أرحنا بها يا بلال” .. عقلى بيفضل يسأل .. إزاى ؟ طبعاً بعد كده فهمت إن اللعب مش هو الراحة .. و إن التيليفزيون مش هو الراحة .. و إن مفهوم الراحة أعمق من كده بكتير ..

التأمل .. عنصر أساسى من عناصر الصلاة اللى باتمنى إنى أوصلها .. الصلاة اللى الرسول صلى الله عليه و سلم قال “أرحنا بها يا بلال ” إنك تدرب نفسك إنك """تفصل"""" نفسك بالكامل عن الدنيا بكل ما فيها من لعب و لهو .. و توصل نفسك بشىء أكبر .. أعمق .. أشمل ..

الخلاصة يعنى .. لا .. أنا مش حميديتيت 40 دقيقة يومياً الصبح .. أنا ححاول إن وقت صلاتى فعلاً .. يكون راحة