انا مابحبش اكتب بالعربي عن الانيمي لان كل حاجة المفروض

انا مابحبش اكتب بالعربي عن الانيمي لان كل حاجة المفروض انها تتكتب بلغنها الام .. بس ما علينا انا عايز اعرف ليه الناس متعاطفة مع “لوفي ” و القراصنة و كدة … فرأيي ان المارينز هما الابطال الحقيقيين للقصة … الطرفين عايزين يحكموا الناس .. لان الناس من غير حكم حيبقوا ففوضي … بدليل ان الوايت بيرد مثلا كان حاكم بلاد كتير و حاميها .. و لما حد بيهجم علي حاجة من الحاجات اللي هو حاميها كان بيدافع عنها و في السبيل ده كل طرف بيحاول يقوي نفسه اكتر و يقضي علي الطرف التاني … مين اعطي القراصنة الحق في انهم يغيروا من نظام العالم حتي و لو كانت الحكومة بتحمي الناس اللي اسمهم “سيليستيال دراجونز” و مخليينهم اعلي من بقية الناس و كده … طب ما هو دايما اللي معاه الفلوس بيتحكم في الفقير .. بس الفقير لو قتل الغني ايه اللي حيحصل ؟ حيسرق كل فلوسه .. و دايما حيبقي في غني و فقير لان مش كل الناس كويسين … و دايما ناس حتسيء استعمال ثروتها

يبقي احنا دلوقتي عندنا ناس اغنيا متحكمين فكل حاجة حتي الحكومة و الجيش “المارينز” و ناس مذلولين بينضربوا علي قفاهم و تستباح كل املاكهم و اعراضهم عشان هما فقرا “زي قرية لوفي الاصلية” بس من الناس المذلولين دول طلع ناس رفضوا الذل و قرروا انهم يعيشوا حياتهم احرار “لوفي و ايس و القراصنة ” فطبيعي ان الحكومة بتاعت الناس الغنية تحاول تقضي عليهم .. فتطلع اشاعات كتير ان كل القراصنة وحشين و انهم هما اللي بيبوظوا كل حاجة في العالم عشان كده ناس كتييييييييير اتعاطفت مع قتل ايس و الوايت بيرد

لان مش كل الناس عندها الرغبة انها تعيش احرار … ناس كتير بتحب تعيش في الذل و المهانة

لكن الاحرار عليهم عبئ كبير اوي عبئ انقاذ المظلوم عبئ تنبيه المذلول انه مش لازم يعيش مذلول زي ما كانت “نامي” عايشة مذلولة الاحرار بيحاربوا عشان هما فاهمينها صح لكن عشان هما معاهمش سلاح زي المارينز و لا فلوس زي بتاعت الناس الاغنيا …بيخسروا و بيموت منهم احلي شباب portgas D ace فاكرين عيطنا قد ايه ؟

انا بادعوا كل الناس انهم يقولوا انهم بيحبوا ايس و يفهموا ان لوفي و القراصنة بيقاتلوا عشانهم و ان الذل مش استقرار و ان الحياة فيها حاجات احلي بكتير لو بس قرروا يقاتلوا الظلم

و بادعي كل الناس انها تبطل تسمع الدندن موشي بتاع حكومة العالم عشان الحكومة بتروج اشاعات علي لوفي و القراصنة

طبعا اي تشابه بين اللي قلته و اي احداث في الواقع فهو من سبيل الصدفة البحتة