فيلم "Stanford experiment"
اللى مؤلم أكتر من كده هو إن فترة الجيش و العياذ بالله كانت بنفس التأثير على 90% من الأغلبية اللى قضوها معانا
فيلم “Stanford experiment”
شفت كذا فيلم وثائقى عنها
قريت عن التجربة زمان
شفت كلام ألشخانجى عنها
بس الفيلم … مؤلم …
اللى مؤلم أكتر من كده هو إن فترة الجيش و العياذ بالله كانت بنفس التأثير على 90% من الأغلبية اللى قضوها معانا من الضباط و العساكر
حتى العسكرى اللى كان بيلاقى سلطة ولو بسيطة فإيده كان بيستغلها بنفس الطريقة
و كان بيحصل “feeding” لإحساس السلطة الغاشمة ده من السلطة اللى فوقيه .. و هكذا ..
فى التجربة و الفيلم .. كان سهل نسبياً إن ال”subjects ” يكسروا وهم التجربة لأن الحافز كان مجرد 15 دولار فى اليوم ..
المصيبة هى لما يكون الحافز هو ال “higher purpose” اللى عايش فيه كل فرد فى الجيش ..
إحساس العريف البسيط إنه بتكديره للعسكرى و كسره .. يبقى بيخدم بلده … إحساس بيوصله للبطش بكل شىء آدمى ..
الحمد لله على كل ورقة كتاب علم نفس قريته قبل ما أقضى الفترة بتاعتى .. و ربنا يكون فعون كل من فى أشد الحاجة للعون