في خبر طالع بقاله كام ساعة .. مثير لل

في خبر طالع بقاله كام ساعة .. مثير لل : تساؤل ؟! , تعجّب , كوميديا , غضب ؟! , … و شوية حاجات تانية .. و هو : إن ماتش مصر و إيران في كاس العالم القادم بإذن الله .. حيكون ماتش إحتفال بال ( رينبو 🙂 ) .. يعني الشذوذ . .. اللي فهمته حتي الآن .. هو إن كان متحدد إن ميعاد كاس العالم عموماً .. حيوافق ميعاد الإحتفالات ب ( شهر ال رينبو ) في أمريكا .. و إن كان متحدد إن أحد مباريات المجموعة الأولي ( بشكل عشوائي .. و بدون ما يتعرف مين الفرق اللي حتلعب ) .. حيتم إعتبارها مباراة الإحتفال الرسمية اللي بتقام علي شرف ال ( رينبو ) ولامؤاخذة .. . و لجل الحظ و الكوميديا .. طلع ( بالقرعة العشوائية ) إن طرفين المباراة هما : مصر و إيران 🤣 . ف دلوقتي أنا فعلاً مستني أشوف :

• هل حترضخ لجان ال ( رينبو ) و كاس العالم و أمريكا و العالم الغربي .. لرغبات مصر و إيران في إن إسمهم مايقترنش بشيء زي ده ؟! . .
• هل حتقرر مصر أو إيران .. أو الإتنين .. إنهم يعملوا نفسهم مش فارق معاهم .. و إن حتي لو تم إذاعة المباراة عالمياً ك إحتفال رسمي بال ( رينبو ) .. إلا إن لسان حال الفرق المشاركة هو : العب بجسمي و مش حالعب بقلبي 🤣 ؟! . .
• طب مين اللي حياخد أكشن الأول ( إذا كان الأكشن ده خناق أو موافقة عموماً ) … مصر ولا إيران ؟! كل طرف مستني يشوف الطرف التاني حيعمل إيه ؟! .. … … الموضوع ده عبارة عن أحد أوضح سيناريوهات ال ( Game theory ) علي نطاق عالمي .. و ضخم .. و شعبي .. . و حقاً .. حتي الآن .. لسة مش قادر أتوقع النتيجة .