هو إنت لما بتشرب مياه .. مابتفرقعش ليه ؟!
هو إنت لما بتشرب مياه .. مابتفرقعش ليه ؟! .
هو إنت لما بتشرب مياه .. مابتفرقعش ليه ؟! . … أى طفل صغنن في إبتدائي لسة بادئ ياخد علوم .. بيعرف إن المياه مركب كيميائي إسمه ( H2O ) .. بتتكون من ذرتين هيدروجين .. و ذرة أكسجين . . الهيدروجين .. ده مش بس بيشتعل أو بيساعد عالإشتعال .. ده بينفجر و بيساعد عالإنفجار سيادتك . و الأكسجين .. ده المكون الرئيسي فأى ولعة و حريقة و متفجرات و كل اللي نفسك فيه .. . و مع ذلك … لما بيبقوا مع بعض .. بيبقوا المياه .. اللي هي منها كل شيء حي .. و بتطفي النار بيها .. … الدين .. زيه زي المياه .. عبارة عن حاجات كتير .. أوي .. كل حاجة منهم لوحدها .. مش بس تولع .. لا .. دي تفجر و تهد و تهدم و تدمر و تهلك أمم .. . و لكن لما بتجتمع الحاجات دي مع بعض .. بالظبط زي المياه .. بيكون أهم شيء في الحياة .. و بيه بينمو و يحيا كل شيء . … فبالتالي .. و علي مدار التاريخ .. تم إكتشاف إن الأفضل من إنك تعطش عدوك لحد ما يموت .. هو إنك تسممه أسهل .. يعني .. عدوك لو بدأ يعطش لأنك شلت المياه من قدامه .. حيهجم عليك و هو كل هدفه إنه يدور علي مياه يشربها .. و حيبقي مركز عليك كويس أوي .. و يإذيك . لكن .. لو سممت مصادر المياه بتاعت عدوك .. لو فضلت واهمه إنه رويان كويس أوي .. و إن الأنهار اللي حواليه مليانة خير .. و كل يوم الصبح … تسقيه من مياه الأنهار دي لحد ما يكرع .. . عمره ما حيفكر يإذيك .. بل .. حيفضل يحاول يحميك إنت شخصياً .. لأنك بتحافظ له علي ( أهم حاجة في حياته ) . … ال دين المسمم بالظبط نفس الشيء .. عبارة عن دين .. و لكن منقوص .. متاخد منه حاجات مهمة جداً جداً جداً .. و زائد عليه حاجات غاية في الخطورة و القذارة .. . و متصمم بحيث … إنك تفضل تشرب منه .. لكن ماتستفيدش أى شيء أبداً .. تتمزج أوي .. تستمتع أوي .. لكن بتضعف و توهن و تتوه … لحد ما تموت .. و إنت حاضن زجاجته .. و مفكر إنك بتداوي بيها .. في حين إنك بتموت نفسك بيها . … علي مدار العقود اللي فاتت .. من أيام نجيب الريحاني و اللي قبله .. و صورة رجل الدين تم تصديرها بشكل معين جداً .. متجهم طول الوقت .. مكشر .. شايف كل حاجة حواليه حرااااااااام .. شايف كل اللي حواليه عُصاااااااة .. .. و تم تدريجياً تكبير مهابة و قدسية المخلوقات و الأشياء و الأماكن .. و تهميش و العياذ بالله مهابة و قدسية الله عز و جل . … فأصبحت تلاقي صورة معتادة جداً دلوقتي .. و هي واحدة ماشية من غير هدوم عادي .. لكن تيجي تدخل الجامع .. فإحتراماً و توقيراً و تقديساً للمسجد تلبس طرحة شيفون تغطي بيها خصلتين من شعرها !!!!!!!!! .. و الناس تشير الصورة و تقول .. شايف ؟! .. شايف إزاي عملت إحترام للجامع ؟!! .. .. اللي هو أنا بابقي عايز أشد شعري و أتصلع بدري و أنا شايف الناس بتتعامل بكل طبيعية مع المٌفارقة المنطقية الفظيعة دي .. .. اللي هو إنت بتدي قدسية و إحترام لإيه بالظبط ؟! .. وليه ؟!! … أصلك لو بتدي قدسية و إحترام للمسجد .. يبقي بالأدعي و الأولي .. إنك تدي قدسية و إحترام لسبب وجود المسجد في ذاته .. … اللي هو مش منطقي إننا نحترم الشنطة و مانوقعهاش عالأرض عشان فيها كتاب دين .. و لكن نسب الدين لبعض عادي 🤣🤣🤣🤣🤣 . … اللي وصّل الناس حالياً لكده كان سنين و سنين طويلة من البرمجة .. الموضوع ماحصلش لوحده والله العظيم .. و لكن حصل ببرمجة فعّالة جداً .. و ماكرة جداً.. و صبوووووووورة جداً جداً .. .. و دي وظيفة الشيطان الأولي و الأخيرة و الوحيدة في الحياة .. إنه يبرمجك .. بحيث إنك تتوه .. و يختلط عليك الأمر .. و ماتعرفش دماغك من ولامؤاخذة رجليك فين .. .. أصل الشيطان مالوش عليك سلطان .. إنت أساساً في لحظة لو قررت و أخدت نية إنك تخلص وجهك لله وحده .. الدنيا كلها بتتسخر عشان تشوف الحقيقة فين و إزاي .. و لكن .. هي دي الفكرة .. إني عشان أمنع إنك تشوف الحقيقة فين و إزاي .. أعلمك إنك حتي لو شايفها قدامك .. تكون أعمي عنها .. بإني أملي لك وعيك و كيانك و دماغك و قلبك بمفاهيم بديلة .. .. بالظبط زي المياه .. اللحظة اللي بتعطش فيها للدين زي أى إنسان خلقه الله في الأرض منذ بداية التاريخ .. آجي أنا لك فيها .. و أعبي لك في بطنك و قلبك خلطة من الفلسفات الروحية علي الموسيقي اللي تمزجك علي القصص المؤثرة علي المٌقدسات البديلة .. لحد ما تتكرع و تشبع .. لكن تصحي تاني يوم الصبح تايه و مشوش و تعبان .. تقوم تشرب من الخلطة دي زيادة .. لأنك عطشااااااااااااان .. روحك عطشانة للدين اللي ربنا خلقك عشان تعتنقه .. و أنا ك شيطان ماقدرش أمنع تشرب .. . لكن أقدر أفضل أملي بطنك بالبديل . … و أحد أكتر المكونات قذارة في الخلطة البديلة اللي باتكلم عنها دي .. هي : إعتبار المساجد معابد . … و قسماً بالله الفرق بين المسجد و المعبد .. ضخم .. جداً .. مافيش أساساً وجه مقارنة .. … المعابد وجودها ضروري جداً في موضوع الخلطة البديلة دي .. لأن الخلطة البديلة هدف أساسي منها هو إنك ماتفكرش في العبادة أطول وقت ممكن .. و لو فكرت فيها تفكر فيها غلط . فبالتالي .. أحد أفضل الطرق إني أعيشك في الحالة دي .. هي إني أقول لك إن العبادة لها مكانها الخاص بيها جداً .. اللي له معايير خاصة جداً .. . فبالتالي .. إنت تبقي قاعد في بيتك عادي .. و لما تحس إنك عايز تعبد الله .. تقوم تحس إن الأفضل هو إنك تعبد الله في مكان خاص مخصص يضاعف قيمة عبادتك دي … تقوم تقول طيب .. حاستني أروح الجامع أعبد الله هناك . فتأجل .. و تكسل .. تلغي و تكنسل . . و بعدين تبص حواليك .. تلاقي إنك في بيتك عادي .. أو في شركتك .. أو في الشارع .. يعني مكان عادي .. مالوش أهمية .. مالوش قيمة .. مالوش تقديس .. و مالوش ( أستغفر الله العلي العظيم ) إله .. يبقي أعصي عادي بقي .. و لما أروح الجامع .. أستغفر الله هناك . … شايف التصميم قد إيه تصميم شيطاني ؟! . … المعابد دايماً كانت هي نواة المجتمعات المشركة بالله .. لأن فيها كان يسكن الإله البديل .. قبلة المشرك . … فلما جاء سيدنا محمد صلي الله عليه وسلم .. قالها صريحة : ما أمَرْتُ بتشييدِ المساجدِ. قال ابنُ عباسٍ لَتُزَخْرِفُنَّها كما زخرَفَتِ اليهودُ والنصارى. الراوي : عبدالله بن عباس | المحدث : الألباني | المصدر : صحيح أبي داود … ليه ؟! .. لأن الإسلام .. هو الدين اللي نزل بيه سيدنا آدم عليه السلام .. و بعده كل الأنبياء و الرسل بلا إستثناء حتي سيدنا محمد صلي الله عليه وسلم .. دين للحياة كلها .. ( و علّم آدم الأسماء كلها ) .. . مش دين كهنوت .. مش دين عبادة بلا عمل .. مش دين ملائكة يسجدون لا يقومون .. . و لكن دين حياة بشر .. دستور حياتهم اللي فيه قوانين و تفاصيل كل شيء بلا إستثناء في حياتهم .. لتنتظم بيه حياتهم . … هممممممممممم !!!! .أُمال إحنا عندنا مساجد و جوامع فكل شارع و بيت و حارة ليه ؟! .. .. المسجد و الجامع في الإسلام مش معبد .. و لكن نواة مجتمع .. قلب للمجتمع ده … من إسمه .. هو جامع .. يعني يجمع الناس . . و عشان يختلف عن أى مكان تاني .. من رحمة ربنا علينا إنه هو المكان اللي بنجتمع فيه لفرض الصلاة 5 مرات .. عشان فكل مرة نفتكر .. نفتكر بالظبط أصل الحياة الدنيا إيه . .. فبالتالي … حديث الناس في الجامع في غير مواعيد الصلاة .. عادي .. بل دي كانت حياة الصحابة أساساً .. رضي الله عنهم و رضوا عنه .. لعب الأطفال في الجامع .. عااااااااااااااااااادي جداً .. بل محبوب جداً .. بل في مشاهد كتير جداً في السنة ل لعب الأطفال في مسجد النبي صلي الله عليه و سلم . حياة الناس العادية .. في المسجد .. في غير مواعيد الصلاة .. عااااااااااااادي جداً جداً جداً .. و دي برضو كانت حياة الصحابة رضي الله عنهم و رضوا عنه . … و لكن .. لما أبدأ أُضفي علي المسجد قدسية منفصلة عن قدسية رب المسجد .. يبقي في الحالة دي أنا و العياذ بالله باعبد المسجد .. اللي من حجر .. … يعني أنا بالعب في الشارع عادي .. و أهزر في الشارع عادي .. لكن أدخل المسجد .. أتجهم و أكشر و أسكت ؟!!!! هو رب الشارع غير رب المسجد و العياذ بالله ؟! … في مواعيد الصلاة .. و أثناء الصلاة .. نصمت و نسكن عشان نخشع .. و نفكر و نتدبر في معاني ما نقرأ .. لكن في غير مواعيد الصلاة .. و أثناء ما المسجد فاضي .. نصمت و نسكن و نخاف و نكشر ليه ؟!!!!!!!!!!!!!! … المساجد مش معابد … رحمكم الله .. .. و في الدنيا دي كلها .. الأماكن اللي لها قدسية خاصة بيها .. هي ( المسجد الحرام و المسجد الأقصي و المسجد النبوي ) .. و قُدسيتهم مقرونة بنصوص .. و حتي فيهم … ماتكشرش .. ماتتجهمش .. و إضحك و إلعب و عيش حياتك بالظبط زي ما بتعيش حياتك في الشارع .. .. و لكن .. إستحي .. و كما قال رسول الله صلي الله عليه و سلم .. إذا لم تستحي .. فافعل ما شئت .. .. الحياء هنا المقصود منه .. إنك تخجل من أن تعصي الله .. فطالما لا تعصي الله .. فافعل ما شئت .. … و الله أعلم .
الصورة اللي عالمين .. دي شخصية شفيق نور الدين في فيلم ( مراتي مدير عام ) .. و أحد أكتر الصور اللي باكرهها اللي تم تصديرها للجمهور إنه إنسان محافظ متدين .. و حسبنا الله إدعاءات كاذبة علي الحنبلية و باقي المذاهب . … الصورة اللي عالشمال .. دي من البوست اللي قبل ده اللي شيرته علطول لفيديو عجبني لشيخ بيDUNK بكل إحترافية علي الأطفال في الجامع .. الراجل الله يبارك له .. عليه Three pointer خرافية 🤣🤣 .. و لكن تعليقات الناس علي الفيديو ده عندي هي اللي أثارت الأفكار اللي في البوست ده فدماغي