مين أشجع ؟! .. طول رقبة الزرافة .. ولّا إخضرار

مين أشجع ؟! .. طول رقبة الزرافة .. ولّا إخضرار الخيار ؟! 🙂 … إيه إحساسك دلوقتي ؟! لحظة ما قرأت السؤال .. حسّيت ب إيه ؟! .

• هل حسّيت بال ( أٌلفة - Familiarity ) لأنك عارف الإجابة من زمان .. ف جاوبت بدون تفكير .
• هل حسّيت بال ( تحدّي ) .. لأنك حاسس إنك عارف الإجابة .. بس محتاج تفكّر شوية .
• هل حسّيت بال ( نشوة ) .. لأنك بعد شوية تفكير .. فجأة عرفت الإجابة .. و حسّيت إنك إتعلمت ( أضفت لشجرة معلوماتك ) حاجة جديدة .
• هل حسّيت بال ( ملل ) .. لأن السؤال بعيد تماماً عن مجالات معلوماتك .. و إنت عارف إنه بعيد عن مجالات معلوماتك .. ( كإني باسأل طبيب عن معايير درجة إحتراق الألومونيوم المٌستخدم في بناء أجسام الطائرات مثلاً 🤣 ؟ ) . ولّا ؟! .. ولّا حسّيت بال ( إيه ؟!!!!!) .. اللي هو إنت عارف يعني إيه ( مين أشجع ) .. و إنت عارف يعني إيه إن رقبة الزرافة طويلة .. و أكيد عارف إن الخيار لونه أخضر .. . لكن إيه اللي جاب القلعة جنب البحر 🤣 … إزاي تقيس حاجات مالهاش علاقة ببعض .. علي مسطرة مالهاش علاقة بيهم هما الإتنين أساساً !!!! . . صح ؟! .. … إيه رأيك إن في أغلب الوقت .. أكثر الناس بيبقوا عايشين في الحتّة دي بالظبط .. عايشين في ال ( إيه ؟!!!!! ) .. و لكنهم مش مٌدركين . و مفكّرين نفسهم مش فال ( إيه ؟!!!! ) خاااالص 🤣🤣 … في نكتة قديييييييييييييمة جداً و مشهووووووووورة جداً .. و لكنها من أكثر النٌكت العبقرية اللي سمعتها في حياتي في أهميتها .. بتقول :

راجل ماشي بالليل في طريق ضلمة فيه عواميد نور بايظة .. و عواميد شغّالة .. لقي راجل تاني واقف تحت عامود من اللي منورين .. و بيدوّر في الأرض .. و بيقلب الحجارة يدور تحتها .. و يلف حوالين نفسه .. ف الأولاني وقف بيسأل التاني : خير ؟! .. أقدر أساعدك في حاجة ؟! .. انا شايفك قاعد بتدوّر علي حاجة . . التاني قال للأولاني : أيوة بالله عليك .. تعالي دوّر معايا .. أنا مفاتيحي وقعت مني و مش لاقيها . . الأولاني سأله بتلقائية : هي وقعت فين بالظبط ؟! . التاني شاور بعيييييييييييد .. و قال : هنااااااااااااك خالص .. في الحتت الضلمة البعيدة دي . . الأولاني سأله بتعجّب : و أما هي وقعت في الحتت الضلمة البعيدة خالص دي .. واقف بتدور هنا ليه ؟!! . التاني رد بكل بساطة : أصل هنا منوّر .. و هناك ضلمة . 🙂🙂 … الفوازير اللي كتبتها في البوستات اللي فاتت .. مش الهدف منها إطلاااااااااااقاً إني أتباهي ب ذكائي أو عبقريتي مثلاً .. ولا إني أختبر ذكاء و عبقرية أى حد يكتب الحل في التعليقات .. إحنا عايشين في أكثر عصر فاشل فيه فكرة فوازير رمضان دي أساساً 🤣 .. إنت بكل بساطة ممكن تاخد البوست بتاعي كوبي بيست في شات جي بي تي .. و تسأله عن الحل … و هو حيحله في ثواني ( ب نفس اللغة الحلمنتيشي بتاعتي دي 🤣 ) .. . الفوازير دي الهدف منها إني أساعدك ترفع راسك عن الأرض اللي إنت بتدور فيها .. و تبص حواليك .. تشوف فين العواميد المنورة في عقلك .. و فين العواميد اللي بايظة . . الفزورة الأولي : بتاعت ال12 كورة .. زي ما شرحت في البوست اللي فات .. تقدر تحلها بنوعين ذكاء .. ( نوع تنفيذي , و نوع إبداعي ) .. و لكنها أكثر ناحية التنفيذي . . الفزورة التانية : بتاعت ال 100 سجين .. بنسبة أكبر بكتير .. هي محتاجة ذكاء إبداعي .. مش تنفيذي . . الفزورة التالتة : بتاعت ال 3 سرسجية 😅 بتتطلّب ذكاء إبداعي عااااااااالي أوي .. أو معرفة مٌسبقّة ب علم المنطق الثنائي ( Binary Logic ) + شوية ذكاء تنفيذي صغيرين جداً . … و مهارة إنك تبقي عارف :

• إنت نوع ذكاءك المٌسيطر إيه ( تنفيذي ولّا إبداعي ) .
• مجالات معلوماتك و أدواتك العقلية إيه … و مقدار علمك في كل مجال منهم . . ده بالظبط زي إنك تبقي عارف خريطة عقلك و الطريق اللي إنت واقف فيه .. و أنهي عواميد فيه منورة .. و أنهي ضلمة .. . و الأهم .. تبقي عارف إزاي تقدر تشغّل العواميد اللي طافية دي .. لو حبّيت . … النوع ده من المهارة بقي .. هو نوع مختلف من ال ذكاء .. و إسمه : ( الذكاء الذاتي - Intrapersonal intelligence ) . . و فوجهة نظري الخاصة : ده أهم نوع ذكاء عقلي علي الإطلااااااااااااااااق . … تعريف الذكاء الذاتي ده هو : إنك تكون عارف بشكل كبير جداً قدراتك , و إمكانياتك الحالية , و أهدافك , و مسئولياتك , و حدودك , و إمكانياتك المستقبلية ( ال Potential يعني ) . … الشخص اللي عنده الذكاء الذاتي ده عالي .. مش بالضرورة إطلاقاً إنه يكون عارف حل أى فزورة من التلاتة اللي فاتوا بسهولة . و لكنه .. مش بيقف عند النقطة دي … هو بيكون عارف إنه مش عارف .. و بيتسائل هو مش عارف ليه .. و بيكون عارف إنه المفروض يعرف .. و يحاول يعرف هو المفروض يعرف إزاي .. و بيعرف أهمية إنه يعرف . و بينتهي بيه المطاف .. إنه بيعرف الحل .. لكن الأهم .. هو إنه بيعرف : إمتي يحاول يحل . … يعني مثلاً : بما إن ماتش مصر و السنغال بكرة .. عايزك تتخيل لو الشناوي ( حارس المرمي ) .. طلع يهاجم كل مرة مصر تمسك كورة 🤣 .. و لما حسام حسن يبدأ يتعصّب مثلاً .. و الجمهور يبدأ يشتم .. تلاقيه بدأ يزعّق و يقول : الجون سلطة .. حد تاني يقف جون بقي .. إحنا متفقّين من أول البطولة إننا حنبدل عالأجوان .. أنا واقف بقالي كتير .. أنا مش حادفع معاكوا في الحجز ده .. أنا مالعبتش أساساً 🤣🤣🤣 . … متخيل الهزلية ؟! كل اللي فات ده بالمناسبة حقيقي جداً .. و بيتقال فعلاً .. و بيحصل علي أرض الواقع .. لكن .. لا في المكان ده .. و لا بالطريقة دي .. ولا بالشكل ده .. اللي فات ده مقبول فقط إنه يحصل .. لو إنت و أصحابك بتلعبوا حجز خٌماسي .. و كمان وقتها لازم تكونوا متفقين إن ده مقبول 🤣 . … لكن .. زي ما ( الواقع ) هو اللي بيجبر الشناوي علي إنه يفضل قاعد في الجون .. الواقع هو كمان .. بيجبر ناس كتير جداً إنها تلتزم بأماكن و أوضاع معينة في الحياة .. مش عن إقتناع إطلاقاً .. مش عن فهم لدورها و مسئولياتها و إمكانياتها إطلاقاً .. و لكن لأن الواقع بيقول إنهم لو طلعوا من الجون يهاجموا .. الجمهور غالباً حينزل يضربهم في الملعب 🤣 . … طيب .. إزاي تعرف ؟! .. إزاي تعرف إنت عندك ( ذكاء ذاتي ) ولا لا ؟! .. و عندك قد إيه ؟! .. . الإجابة سهلة في فكرتها .. صعبة جداً جداً جداً في تنفيذها .. . سبب إنك قاعد بتدور في الحتة المنورة فعقلك .. علي حاجات وقعت منك في الحتت الضلمة .. هو إن عقلك ( عضوياً ) متصمم إنه يعمل السهل .. مايحاولش يبذل أى مجهود قدر المستطاع .. عشان يوفر الطاقة للبقاء .. . لكن ( سبحان الله ) .. الإنسان هو الكائن الوحيد اللي ( تحمّل الأمانة ) .. لأنه ( ظلوم جهول ) . في سورة الأحزاب : إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ ۖ إِنَّهُ كَانَ ظَلُومًا جَهُولًا (72)

. فاهم يعني إيه ( ظلوم جهول ) ؟! ظلوم يعني : بتحكم و بتقيس غلط .. جهول يعني : ناقص العلم و المعلومات .. . فهمت ؟! . . تكوين الإنسان ( دينياً ) .. إنه ( نفس أمّارة بالسوء لو مرضت ) .. و ( فطرة سليمة زكية ) . . النفس الأمّارة بالسوء دي .. بتشجعّك طول الوقت إنك ( تتكاسل , ماتحاولش تتعلم جديد , ماتحاولش تفهم , … ) . . و تقنعك إنك مش محتاج تتعلم ولا تحاول .. عن طريق إنها تستخدم أحد الأمراض الأساسية جداً في تكوين نفس الإنسان .. و هي : العند و التكبّر . . تقول لك كل ما تيجي تتعلم أو حد يواجهك ب جهلك : إنك جامد أوي .. فاهم كل حاجة .. حلو جداً .. رائع .. إنت ماحصلتش أساساً .. . و بعدين بعد ما تختلي بيك .. تقول لك : يا جاهل يا ناقص يا غبي .. إشرب شوية المٌسكرات دي عشان تنسي نقصانك ده . … الذكاء الذاتي … صعب جدا ً… جداً .. في السعي له .. لأنه بمجرد ما تفهم ده .. حتفهم إنك محتاج تجبر نفسك .. علي إنك تروح تنور الضلمة في عقلك .. و بعد شوية .. تدور عليها في عقل اللي جنبك .. و تروح تنور له شوية عواميد عنده هو كمان 😅 .. . و ده مش سهل .. مش سهل إطلاقاً .. ده محتاج تسأل نفسك : مين أشجع 🤣 ؟! .. … و الله أعلم .