هو أنا مابشتمش ليه ؟!!!

هو أنا مابشتمش ليه ؟!!! … كالمعتاد بعد أول مج قهوة بالزعفران يومياً .. و مضغ لبان النعناع المفضل بالنسبة ليا .. الحياة بتكون ألوانها زاهياااااااااااااة .. و وااااااضحة .. و باحس إني علي أتم إستعداد أدخل ماتش شطرنج ضد ماجنس كارلسن مثلاً .. و هو بيساعده هيكارو ناكامورا فنفس ذات اللحظة .. و أعلم عليهم هما الإتنين 🤣🤣. … طبعاً كلامي ده دليل واضح علي مدي إن حالتي العقلية في اللحظة دي علي قد ما بتكون رايقة و ذهني صافي .. علي قد ما إن ده بيوهم عقلي ( اللي أغلب الوقت مشتت ) إني عندي قدرات خارقة فوق قدراتي الحقيقية .. و بابدأ أشوف علاقات بين حاجات لا علاقة بينها ( أحد الخصائص المميزة لل ADHD بالمناسبة ) . و لكن .. في الوقت ده بالمناسبة .. باكتب أغلب البوستات اللي بانشرها هنا .. و اللي ده منهم ( حيث إني لسة منتهي من مضغ لبان النعناع المفضل ليا حالاً 🤣) … … إمبارح كان يوم ليا تعامل كتير مع أدوات ذكاء إصطناعي مختلفة .. و بعدين شرحت حاجات كتير من اللي إتعلمتها علي مدار الأسابيع اللي فاتت لزميل .. و إذا به بيوريني بعد كده تعامله مع الأدوات دي .. .. منذ بداية تعاملي مع أدوات الذكاء الإصطناعي ( Chatgpt ) و غيره .. ماشتمتهوش إطلاقاً .. بل إني في أغلب ردودي و محادثاتي معاه .. كلامي مليان بحاجات زي ( Great work, amazing job, well done , fantastic, awesome , … ) و غيرها من كلام الثناء و المديح اللي مش محتاج إطلاقاً إني أقوله له .. اللي هو أنا فاهم كويس إنه الكلام ده هو مش بيدي له أى قيمة حسابية تحسن من آداؤه .. بل أحياناً ده بيستهلك بعض القوة المعالجية من قدرته بدون داعي أو فائدة ! . … و لكن .. لما شفت إستخدام زميلي لأدوات الذكاء الإصطناعي الخاصة بيه .. لقيتها مليانة حاجات زي :

• ” النتايج اللي طلعتها ليا غلط يا إبن ال**^%^ ” .
• ” الشغل ده غلط و مش اللي عايزه يا إبن $%#%& . ”
• ” يا $@$@^ إعمل اللي باقول لك عليه و ماتخلينيش أطلّع $^@^ أهلك ”.. و أكثر 🤣🤣🤣 من اللي خيالك يخجل إنه يتخيله .. أو مايخجلش .. يا قليل الأدب 🤣 . … … الموضوع ده خلاني أسرح شوية بذاكرتي .. أنا طول عمري بارتبط جداً بأشياء مادية معينة في ممتلكاتي ( برضو أحد الخصائص المميزة جداً لل ADHD ) .. يعني .. من طفولتي و أنا كان في قلم رصاص معين مثلاً باعتبره صديقي المفضل .. لحد ما إندثر .. و بعده براية صفرا إشتريتها في رابعة إبتدائي في يوم شتا زي النهاردة .. و عمري ما نسيتها .. برضو لحد ما إندثرت .. و الموضوع ده مستمر لحد النهاردة .. مكتبي اللي قدامي ده عليه أقلام معينة .. و أدوات معينة .. باعتبرها أصدقائي .. بل و لها أسماء في ذهني واضحة .. بحيث إنها ( في ذهني ) بترتقي عن مرتبة الحاجات العادية اللي ماليش علاقة بيها . .. و لما سرحت بأفكاري .. لقيت إني إطلاقاً عمري ما شتمت شيء من أدواتي الكتييييييير جداً في لحظة غضب مثلاً .. . عمري ما شتمت مفك إتبري مني أثناء صراعي مع مسمار مصدي مثلاً .. عمري ما شتمت منشار إتكسر مني أثناء نشر ماسورة عنيدة .. عمري ما شتمت أى جهاز كهربي فصل أو باظ مني أثناء إستخدامه .. . بل إن أغلب الادوات دي أثناء شغلي بيها .. بانهال عليها بالثناء و المديح .. لدرجة إن أهلي بيسخروا مني كتير لما بيشوفوني باصلح أى شيء و أنا قاعد في حوار راقي مليان بعبارات ال ( شكراً يا حاج مفك , تسلم يا حاج مفتاح , الله ينور يا حاج مسمار , .. أعذريني يا أخت صامولة ) 🤣🤣 . … … أى حد إتعامل معايا بشكل شخصي برضو يعلم عني ده .. و بالخطأ بيظن إن ده بسبب تربية مُغلقة إتربيتها مثلاً .. أو إني ماشفتش كتير من الحياة .. لحد ما يبدأ يعرف شوية عن حياتي .. و يعرف إني من أولي إعدادي .. الزمايل في الفصل كانوا بيشيلوا مطاوي والله العظيم 🤣 .. .. ده إطلاقاً برضو مالوش علاقة بحاجة زي ال ( عصبية ) أو ال ( نرفزة ) مثلاً .. .. أي حد ركب جنبي العربية و أنا سايق .. بيكتشف إني عصبي جداً .. و صوتي عالي جداً جداً جداً جداً .. و دائم الزعيق و الخناق مع أى تصرف غبي أو متخلف باشوفه .. . و لكن هي دي أقصي الكلمات اللي باستخدمها فعلاً في نهري أو زعيقي لشخص ما إتصرف تصرف غلط .. و حاجات زي :
• يا أخيناااااا
• يا حاااج
• ياااااا بني آدم .. هي الألفاظ اللي بازعق بيها فقط . … … سبب تذكري لكل الكلام ده .. و كتابتي للبوست ده .. مش إطلاقاً عشان ألاقي ناس بتثني عليا و علي ( أدبي ) أو ديني أو أخلاقي .. و لكن البوست ده عن .. المنطق … أنا فعلاً مابلاقيش أى منطق أو سبب مقنع إني ( أشتم ) .. و لكن الموضوع مش بيتوقف في عقلي عند النقطة دي .. . أنا عقلي بيفضل يتتبع أى منطق من أقصي بدايته .. لأقصي نهايته … و إمبارح .. في أخبار منتشرة عن أحد الصفحات علي الفيسبوك لمجموعة متخصصة في مساعدة المرأة عن تعاونها مع أشهر موقع إباحي في العالم عشان يشيلوا الفيديوهات المتسربة بغير رضاء أصحابها . … الموضوع ده كان زي لغز أو فزورة منطقية مثيرة جداً لعقلي .. اللي هو : مين غلط و مين صح و إزاي ؟!! .. . أصلك لو قلت هما صح 100% .. يبقي إنت بتقبل في منطقك بوجود الموقع الإباحي الأشهر ده ك فئة مقبول التعاون معاها !! .. و ده بيقودك لنقاش غاية في التعقيد في منطق الإباحيات و صناعتها بالكامل . . و لو قلت إنهم غلط 100% .. يبقي إنت بترفض أى قشة بتحاول تتعلق بيها بنت مسكينة إنضحك عليها و أصبح لها فيديوهات فاضحة علي الإنترنت !! .. و ده برضو بيقودك لنقاش غاية في التعقيد في ما له علاقة بتربية الإناث في مجتمعاتنا .. العلاقات بين الرجال و النساء … كنت باتمشي لما شفت الخبر بالصدفة … و عقلي إتحرك في ألف إتجاه و إتجاه فنفس الوقت .. . لحد ما بعد رجعت بكام ساعة .. شفت فيديو ظريف ( اللينك بتاعه في أول كومنت ) . الفيديو عن مجموعة من مشجعين نادي في مدرسة تقريباً .. و بيعملوا عرض جماعي غاية في التنسيق .. واضح منه جداً إنهم إتدربوا عليه فترة طويلة . … الفيديو ده خلاني أفكر .. هل أى فرد يقدر يعمل حاجة زي كده لوحده ( عرض جماعي معقد بالمنظر ده ؟! ) .. منطقياً مستحيل . .. طيب .. بنفس القياس .. هل في مجتمع ممكن يقوم و ينمو و ينجح يدون تحرك جمعي كامل منسق له قيادة واضحة و محددة ؟!! .. . برضو مستحيل .. أى مجتمع أفراده كل واحد فيهم ماشي علي مزاجه .. مصيره إلي السبهللة 🤣 . .. طيب .. إزاي تنشئ مجتمع ؟! .. .. متخيل إن السؤال اللي من تلات كلمات ده … من أعقد الأسئلة في الحياة كلها .. مجتمع كامل .. نجاحه .. يضمن نجاح أفراده بشكل أكبر من قدرتهم علي النجاح ك أفراد بيتصرفوا كل واحد منهم لوحده . … تسلسل التفكير في الجزئية دي .. خدني فرحلة كاملة مع كل تعاليم الإسلام و القرآن و السُنة .. .. كل التعاليم اللي كتير من ( راغبي التحرر لمجرد التحرر ) بيرفضوها لأنها مش علي مزاجهم ( الشخصي ) .. . كل التعاليم اللي بتقنن ( لبس المرأة و حشمتها ) , ( عدم الغش في البيع و الشراء ) , ( أحكام الإختلاط بين الرجل و المرأة ) , … و غيرها من تعاليم دين ال ( مجتمع ) . . التعاليم دي .. مزعجة جداً لأي إنسان منطقه فردي بحت .. . لو إنت فرد عايش لوحدك ولا تعبأ بالمجتمع إطلاقاً .. مافيش أى منطق إنك ماتسرقش .. إنت أهم . مافيش أى منطق إنك ماتغشش .. إنت أهم . مافيش أى منطق إنك ماتشتمش .. إنت أهم . مافيش أى منطق إنك ماتزنيش .. إنت أهم . . لكن .. بمجرد فهمك إنك بالمنظر ده ماينفعش تعيش ضمن ( مجتمع ) .. لأنك حتكون وسطهم ك حيوان مفترس شايفهم كلهم فرائس .. و دائماً و أبداً نهايتك حتكون :
• إن حيوان مفترس أقوي منك يفترسك ..
• أو إن المجتمع بالكامل يتجمع و ينبذك أو يلفظك أو يفترسك برضو . … ده المفروض يقودك لفهم معايير كتيييييييييير من معايير بناء المجتمعات اللي مش بتتماشي مع مزاجك ك ( فرد ) لوحدك . … … طريقة التفكير المعقربة في كل ما سبق ده .. مش طريقة تفكير جديدة إبتدعتها إمبارح مثلاً أثناء ما باتمشي .. إطلاقاً .. دي طريقة تفكير معتمدة بشكل أساسي و واضح علي ( فلسفة الرياضيات ) .. في الرياضيات .. في أحد فروعها الأثيرة لقلبي .. فرع معين إسمه حساب المعادلات التفاضلية .. في النوع ده من الرياضيات .. إنت بتتعرض لمعادلات حرفياً مالهاش حل في عالمها الخاص بها .. اللي هو مهما حاولت تحلها بقواعدها في مجالها .. مستحيل تتحل .. . فبالتالي .. بنلجأ لحاجة إسمها ( محولات - Transform ) .. من أشهرها مثلاً أسامي زي ( تايلور .. أو لابلاس .. أو فوريير ) .. . اللي هو بتاخد المعادلة من عالمها .. و تحولها لعالم تاني تعرف إنت تحلها فيه .. و بعد ما تحلها هناك .. ترجعها عالمها تاني محلولة 🤣 . … … اللغز أو الفزورة المنطقية بتاعت ( تعاون الصفحة إياها مع الموقع الإباحي إياه ) ده .. فعلاً مستحيل تحلها في عالمنا الحالي المعقرب المشقلب السبهللة اللي كل واحد فيه ماشي علي مزاجه .. مستحيل … مالهاش حل . . و لكن .. في عالم واضح … مفهوم فيه إن الهدف الاول و الأخير في الحياة دي هي النجاة .. النجاة بشكل فردي و شكل مجتمعي .. و بالتالي العالم ده له دستور و عقيدة و … دين .. الحل بيكون واضح .. واضح جداً .. جلي .. … … من فترة .. إنتشر تريند معين علي تيكتوك ( بتاعي .. مش اللي مليان رقص و هري ) .. التريند هو : بتفتح أكاونت جديد جداً مع ذكاء إصطناعي مايكونش سبق لك الكلام معاه إطلاقاً قبل كده عشان مايعرفش إنحيازك أو أفكارك قبل كده . و تسأله : ” من كل الأديان و الفلسفات اللي موجودة في العالم حالياً .. لو كان لازم و لابد إنك تختار دين معين تؤمن بيه و تلتزم بيه … حتختار إيه ؟! ” . . كل اللي عملوا التريند ده .. بلا إستثناء .. شافوا نفس النتيجة المنطقية بحتة . . و الله أعلم .