10 نقط بالنسبة لمسلسل ( أعلي نسبة مشاهدة )

10 نقط بالنسبة لمسلسل ( أعلي نسبة مشاهدة ) . … أنا شفت المسلسل علي مدار اليومين التلاتة اللي فاتوا … و متفق مع كل النتايج اللي طلعت في الآخر .. و أكتر كمان .. .. 1- تقريباً كان في رهان مين يقول ( أقسم بالله ) أكتر حد في المسلسل بين الممثلين .. و سؤالي هو : هل فعلاً أى شخصية من اللي موجودين في المسلسل .. فاهمين يعني إيه ( الله ) ؟! . .. 2- عارف ليه السرطان إسمه المرض ال ( خبيث ) ؟! .. لأن ال ( خبث ) معناه إن الضرر بيفضل عايش و يتوغل و يتكاثر بدون ما حد يعرف بيه أو يحس بيه .. و فجأة تكتشف إنه متمكن من كل أوصال المريض .. .. 3- باشمهندس ( أيمن عبد الرحيم ) فك الله بالعز أسره .. ليه مقطع مشهور غاية في الروعة .. بيسأل فيه :

• إنت إزاي مش ملحد ؟! .. يعني إنت عمر ما حد درّس لك معني التوحيد . عمر ما حد علمك يعني إيه إلوهية . عمر ما حد كلمك عن البناء المجتمعي للإسلام و تفاصيله عمرك ما إتعلمت عن أساسيات الأساسيات .. اللي فوقيها أساساً بيتبني الإسلام . و بعد كل ده بنستغرب لما نلاقي حد ( ملحد ؟! ) .. لا .. ده العجب كل العجب .. إنك تلاقي حد مسلم بعد كل ده . … … 4- علي مدار المسلسل .. الشخصيات بيقسموا ب ( الله ) عز و جل كتيير فحت .. , و بيصلوا … , و بيدعوا ربنا طول الوقت . أى حد يشوف المسلسل .. حيقول إنه شايف ( مسلمين ) .. صح ؟ .. و هو ده السبب إني ذكرت في النقطة ( 2 ) .. السرطان . . معظم ال ” مسلمين ” اللي إسلامهم مشابه لإسلام أبطال المسلسل دول .. محتاجين إنهم يصحوا فأقرب وقت ممكن .. لأن متغلغل في نفوسهم سرطان غاية في الخطورة .. و مابيعلنش عن نفسه .. إلا لما بتيجي لحظته المناسبة … و حينها .. بيكون الإنسان خسر حاجات كتير جداً . … … 5- المسلم حر . حر من عبودية الكسل و الضعف و الوهن .. بيسعي و مابيستناش جزاء سعي غير من الرزاق الواحد القوي . . المسلم حر . حر من عبودية الخوف .. الخوف من مجتمع غلط .. خوف من أهل غلط .. و لما بيحس إنه لوحده .. بيستعين بالقوي المتين القادر العليم . . المسلم حر . حر من عبودية غروره .. و فاهم كويس إن جوة كل نفس إنسان .. في نور و نار .. نور يهدي و ينور الطريق لغيره .. العيون ماتبصش لمصدر النور .. و لكن تشوف النور منور فين و تهتدي بيه .. و نار .. بتطلب العين إنها تكون عليها .. و تولع أكتر و تتأجج .. كل ما النظر عليها زاد .. حطبها هو الإنتباه و الإعجاب .. مابتنورش طريق .. و لكن بتنور نفسها هي و بس … و تفضل تزيد لحد ما تحرق نفسها و اللي حواليها … ..... 6- أى أخلاق منتظرها من الجعان ؟ أى حكمة منتظرها من الفقير البردان ؟ أى فضيلة منتظرها من الخايف القلقان ؟ . أخلاقك و حكمتك و فضيلتك .. كلها عبارة عن مجرد كلام مكتوب بخط جميل علي ورق .. تمنه رخيص أوي .. ( بالظبط زي اللوحة اللي بيبيعها الأب فأول حلقة ) … تقدر تأكل الجعان لحد ما يشبع .. و بعدين تاخد منه إتيكيت و أخلاق . تقدر تإوي الفقير البردان لحد ما يدفي .. و بعدين تسأله يختار صح . تقدر تطمن الخايف القلقان لحد ما يهدي .. و بعدين تطلب منه الفضيلة . . لكن لازم تكون متأكد إن المرض الخبيث موجود و بيسري .. و مستمر .. طول ما إنت عايش .. مستني أى لحظة جوع و خوف و قلق .. و حيظهر بقوة . . بالظبط زي الست الغنية اللي خلت الأم تحط أعمال فبيت ست تانية .. … … 7- الإسلام مش مجرد ( ديانة ) .. هو الفطرة اللي بنتخلق عليها .. و اللي منها بيطلع كل ( حكمتنا و فضيلتنا و أخلاقنا ) .. الإسلام هو الدين .. هو الدين اللي كان عليه آدم عليه السلام .. و هو الدين اللي كان عليه عيسي عليه السلام .. و هو الدين اللي حيكون عليه الإنسان لحد نهاية الأرض و من عليها .. . الدين .. يعني الرسالة .. يعني الأمانة . يعني الفرق بينك و بين كل مخلوقات الكون ده .. ربنا عرض الأمانة دي علي كل المخلوقات .. و علي الإنسان .. و كل المخلوقات أشفقت منها .. و أخدها الإنسان . . الرسالة دي تؤخذ بقوة .. تؤخذ بسعي .. تؤخذ بعزم . … … 8- المسلم هو الحر الوحيد في كون كل من فيه إما يعبد الله بدون إختيار .. أو يعبد ما دون الله و العياذ بالله .. برضو بالإجبار .. .. المسلم هو الحر الوحيد في الكون .. اللي بيعبد الله بإختياره و فكره و عقله . .. أى حياة بدون عبادة ( الله ) القوي القادر العليم الجبار .. فهي حياة بتعبد فيها : مال رخيص .. كارير هزلي .. نفسك الجاهلة القاسرة الضعيفة . أو غيرهم .. … … 9- العبادة مش زهد .. العبادة مش إسدال و ضعف و دقون طويلة و كلام بالعربية الفصحي .. .. العبادة حياة .. حياة كاملة بتفهم فيها إن لا بشر يملك لك من الأمر شيء .. و إن الحياة الدنيا لعب و لهو .. و الآخرة خير و أبقي .. و إن أرض الله واسعة فيها من النعيم ما لا يُعد ولا يُحصي .. و إن أكثر الناس لا يفقهون . … … 10 - شفت المسلسل .. و كنت شايف أخبار اللي بيحصل فأهالينا في غزة فنفس الوقت .. و كل اللي كان فذهني .. مين .. مين من شخصيات المسلسل ده .. و الملايين اللي شبههم و عايشين وسطنا و قدامنا طول الوقت .. اللي في البطاقة ” مسلمين ” .. مين منهم فاهم إيه اللي بيحصل .. و فاهم هو مطلوب منه إيه .. و فاهم آخرة حياته دي إيه .. في الدنيا .. و في الآخرة … .. مشهد صلاتهم جماعة في المسلسل .. و كل واحد و واحدة منهم بيدعي .. بيجاوب علي كل الأسئلة اللي فوق دي … و الله أعلم .