حاجة بادور عليها بقالي فترة , و لو مالقيتهاش ..

حاجة بادور عليها بقالي فترة , و لو مالقيتهاش .. غالباً ممكن أعملها أنا .. ADHD personal assistant

عبارة عن خدمة بيقدمها الناس اللي بيعانوا من ال( ADD ) للناس اللي بيعانوا من ال ( ADD) 😅

عبارة عن إنك بتدخل في زووم ميتنج مع شخص بيعاني زيك لمدة معينة ( ساعة مثلاً ) . .. وظيفته كلها إنه يفضل يسألك ( و إيه كمان ؟ , و بعدين ؟ , أما بعد ؟ , … ) . و مش مجرد بيسألك بشكل آلي أو بزهق مثلاً … لا .. هو فعلاً لازم يكون مهتم بمجالك ( إنترن مثلاً .. أو جونيور ) .. و حابب إنه يكون وظيفته عبارة عن ( SOUND BOARD ) … تتكلم معاه و يرد عليك بكلمات مفتاحية تساعدك إنك تفضل مركز علي الموضوع اللي عايز تركز عليه .

السبب إنه لازم يكون هو كمان بيعاني من ( إضطراب تشتت الإنتباه ) . .إنه حيكون بيماثلك في الزهق و سرعة التفكير المشتت و التنطيط في الكلام .. بحيث إنه حيقدر يتابع معاك لو نطيت من النقطة أ للنقطة ض .. و بعدين النقطة ي .. و بعدين رجعت تاني للنقطة ب .

و إنه حيفهم بشكل كبير طبيعة إحتياجك للنوع ده من الخدمة . … و ممكن جداً يبقي في درجة أعلي من الخدمة دي ( بلس مثلاً ) .. و هي إنك يدخل لك إتنين أو أكتر … وظيفتهم كلها إنهم يكونوا مشاهدين و مراقبين عليك أثناء شغلك .. و يسألوك كل شوية عن تفاصيل اللي بتعمله .. و تناقش معاهم مراحل البناء .

… أنا ما زلت بابحث عن Personal assistant .. تكون أولي و أهم مهامه الوظيفية .. هي دي .. إنه يفضل يسألني ( و بعدين ؟! .. و أما بعد ؟ .. ) .. و هكذا