تقصد مكتبي الشخصي يعني ؟!
تقصد مكتبي الشخصي يعني ؟!
تقصد مكتبي الشخصي يعني ؟! من قلب الحدث .. (بس في أباجورة مكتب طالبها من سوق و لسة موصلتش الصراحة ) .. والله بافكر أعمل (desk tour ) للحاجات اللي باستخدمها و ليه و منين و كده .. بس سريعاً جداً : الكرسي ده ليه قصة صغننة .. أنا في المعتاد مابيعشليش كرسي مكتب أكتر من شهرين .. قبل ما تبدأ تظهر عليه علامات الشيخوخة المبكرة .. يزيق .. يلخلخ .. يعلق .. يهنج .. يكح .. يهرب .. المعتاد يعني .. لدرجة إني فعلاً كنت حأوردر كرسي ( ماكسنوميك ) بعد ما يأست من أماوزن .. و إذا بي ألاقي إعلان من فترة طويلة فيه صورة الكرسي ده .. طلبته و وصلني لحد البيت .. يومها الراجل صاحب الشركة نفسه هو اللي جابه .. و وراني كل تفاصيله .. و سألته عن شغله .. و وضح ليا إنه لسة بيبتدي في الدعاية لمجاله أونلاين .. وضحت له إن ده أحد أجزاء العالم بتاعي .. و لكني لا أتربح نهائياً تقريباً من أكاونتي الشخصي علي الفيس هنا .. و وضحت له .. إني حاجرب الكرسي .. و لو عجبني حاعمل ريكومنديشن .. رد عليا ( إنه عليه 3 شهور ضمان .. لو حصل فيه أى علامة من علامات الشيخوخة .. بتاعه ) .. و كان ردي إني حانتظر ماشي التلات شهور دول .. قبل ما أتكلم عن الكرسي أو أوضح جبته منين . … ربنا يعلم إن الكلام ده كان 15 أكتوبر اللي فات .. و الموضوع ده ( كتابة إن ال3 شهور تجربة عدوا بإمتياز .. و إنه أفضل كرسي إستعملته لحد دلوقتي ) .. أحد التاسكات اللي علي جدولي من يومها .. بدون أى تربح أو تسويق للراجل أو شركته إطلاقاً والله .. ولكنها شهادة حق فشخص إتقي الله في المنتج اللي باعه ليا . … لينك صفحة المعرض بتاع الإنسان الرائع ده في أول كومنت .. و فيها نفس الكرسي بألوانه .. و نفس السعر اللى إشتريته بيه .. أرشحه بكل قوة .. بقاله معايا أكتر من 5 شهور .. بدون أى مشكلة إطلاقاً بفضل الله .. و ربنا يحميه من العين و يحفظه و يحرسه 😆😆