لصديقى / صديقتي اللى بيمتحن ثانوية عامة و قلقان :

المستوى الإجتماعى أصبح اللى بيحدده (ليك واسطة جيش أو شرطة ؟ .. شغال فين ؟ .. بتقبض كام ؟ .. عربيتك ؟ .. بتصيف فين ؟ ... صورك على إنستاجرام مع مين ؟ .. موبايلك نوعه إيه ؟ .. نضارتك ماركة إيه ؟ ... ) .

AR 7 د

لصديقى / صديقتي اللى بيمتحن ثانوية عامة و قلقان : ( 10 أسئلة ؟؟… و نصيحة ) . … 0- عايز نتيجة عالية عشان تغيظ إصحابك أو ماتحسش إنك أقل منهم لو جابوا أعلى منك ؟ حاديك من عندي ورقة أكتبلك عليها إنك جايب 115% .. و لو حد منهم قالك دى حتة ورقة مالهاش معنى مش شهادة ثانوى .. قول لهم ( هى ورقة كتبها إنسان بناءاً على نظام مالوش أى منطق .. و إنتوا شهاداتكم ورقة بيكتبها إنسان برضو بناءاً على نظام مالوش أى منطق ) . … 1- عايز تدخل كلية قمة عشان مستواك الإجتماعى ( او مستوى أهلك الإجتماعى ) ؟ أجب أقولك إنك قديم ف^#$خ … و لو أهلك بيفكروا كده برضو يبقى قدام ف$^$خ … المستوى الإجتماعى أصبح اللى بيحدده (ليك واسطة جيش أو شرطة ؟ .. شغال فين ؟ .. بتقبض كام ؟ .. عربيتك ؟ .. بتصيف فين ؟ … صورك على إنستاجرام مع مين ؟ .. موبايلك نوعه إيه ؟ .. نضارتك ماركة إيه ؟ … ) . و كووووووووول ده من هري .. برضو لا يساوي أى شىء فى ميزان البشر .. اللى هو لو إنت بتلبس براندات من أم عشرميت جنيه للحزام .. و بتصيف فى المالديف .. و أوضتك ليها حمام مشترك مع أوضة محمد صلاح مثلاً … برضه مش حيديك قيمة لو إنت ماعندكش قيمة بالفعل . عايز تعرف يبقى ليك قيمة إزاى .. كمل قراية . … 2- حتسألنى إن ( يعنى عايز تقنعنى إن دكتور و مهندس و صيدلى ألقاب مالهاش تمن ؟ ) . أقسم لك إن فى ناس حتتفاوض معاك على التمن ده و تبيع لك لقبها ده ة شهادة كليتها مقابل إنها ترجع فى الزمن و ماتغلطش اللى إنت بتغلطه دلوقتى .. و توفر فلوسها و وقتها و صحتها الجسدية و النفسية .. و تدرس حاجة ليها لازمة و معنى . … 3- عايز فلوس ؟ أغنى خمسة و تلاتين فرد أعرفهم معرفة شخصية .. مافيهومش ( دكتور , صيدلي , مهندس) . أغنى خمس أشخاص أعرفهم معرفة شخصية معاهمش غير ثانوى عام .. بمجموع أقل من 70% بالمناسبة ( يعنى لو حب يبطل شغل النهاردة .. يعيش مستريح فأى دولة يحبها لحد ما يموت من عوائد ثروته فى البنك ) . و ثروته دى عملها بنفسه من الصفر بالمناسبة .. و منهم تلاتة أصغر منى فى السن بالمناسبة كمان ( يعنى تحت تلاتين سنة ) .. … 4- عايز حياة أكاديمية نضيفة ( ماجستير و دكتوراة ؟ ) . لو فمصر .. حنصحك نصيحة واحدة لوجه الله .. خد أول ميكروباص لحد أقرب كلية لبيتك .. أدخل قابل عشر معيدين .. و عشر دكاترة جامعة .. و أسألهم عن تفاصيل حياتهم .. و تفاصيل الحياة الأكاديمية فمصر .. و وضع مصر فى البحث العلمى و الأكاديمى … و بعدين إطلع من الكلية على مصلحة الجوازات و إسألهم عن الأوراق المطلوبة عشان تحضر جواز السفر بتاعك ( و توفر خمس أو سبع سنين من حياتك ) . … 5- عايز المنح اللى ممكن تقدمها ليك الكلية و الأكاديميا المصرية ؟ برضو إسأل نفس العشر معيدين و العشر دكاترة بتوع النقطة اللى فاتت .. حيدلوك على 5 طرق أسهل و أسرع عشان تاخد المنح دي قبل ما تضيع وقتك و مجهودك و فلوسك و صحتك . … 6- عايز النتيجة عشان تلاقى شغل ؟ إنزل على أقرب قهوة لبيتكم .. و أسأل القهوجى على زباينه المستمرين .. أو إفتح جروبات الفيس بتاعت الوظايف و شوف مين اللى بيدور على شغل و مش لاقى .. يا صديقى / صديقتى .. أقسم لك .. أنا أعرف مهندسين من العشرة الأوائل على دفعاتهم .. شغالين كاشيرز .. إما عشان مالاقوش شغل بشهادتهم .. أو عشان يقدروا يجيبوا تمن الموبايل اللى نفسهم فيه .. لأن مرتب شغلهم ( اللى بشهادتهم ) مش مكفى . … 7- عايز ترضى أبوك و أمك ؟ البلد دى العيال فيها بتحاول ترضى أهاليها بقالهم 60 سنة .. شفت حالها إتغير ؟ خلينى أوضح لك إن رضا أهلك مش حييجى بإنك تبيع أحلى و أقيم سنين عمرك و مجهودك .. مقابل شهادة إنت مش عارف إنت خدتها ليه . رضاهم حييجى ب : ( إنك تبقى راجل/بنت يعتمد عليه , ناجح فى الحياة مش الكلية ولا المدرسة , محترم , قادر تميز بين الصح و الغلط , .. قادر تختار الصح .. حتى لو الغلط أسهل مليون مرة ) . .. و صدقنى .. إنك تفهم ده من دلوقتى .. أحسن ما تحاول ترضيهم دلوقتى .. و بعد خمس/سبع سنين من حياتك تفضل تنتقم منهم فنفسك فكل سجارة تحرقها .. و تفضل عايش بعقدة ( أهلى هما اللى غصبوا عليا ) . .. مش باعصيك عليهم .. بس هما مش حيفهموا ده إلا لو إنت كمان فاهم الصح فين ؟ عايز تفهم الصح فين ؟ .. كمل قراية . … 8- عايز تدخل هندسة عشان حابب دراسة هندسة و نفسك تطلع مهندس ؟ عايز تدخل طب عشان حابب دراسة طب و نفسك تطلع دكتور ؟ عايز تدخل صيدلة عشان حابب دراسة صيدلة و نفسك تطلع صيدلى ؟ .. بص يا حاج/حاجة .. اللى بيتجوز .. بيسأل على اللى حيتجوزه ده .. و أهله .. و يروح الشارع بتاعهم و يسأل عليهم .. مش يمكن إنت شايف البت حلوة و هادية .. بس لما تسأل عليها يقولولك دى مجنونة و بتمشى تحدف العيال الصغيرة بالطوب فى الشارع قدام البيت . .. خد بعضك و دور فجروبات الفيس عن الكلية اللى عايز تدخلها .. و خريجينها .. و أسألهم عن دراستهم .. لو هو ده اللى إنت حابه .. و شايف حياتك فيه .. عيييييييش .. بس فى الأغلب حتلاقيهم بيحكولك عن خازوق .. طويييل .. و مغري .. و كل واحد حيكلمك عن الخازوق بأسلوبه الخاص … إسمع ماتعارضهوش . و بعدين إسأله ( طب أدرس اللى عايز أدرسه إزاى ؟ ) .. لو قالك على الطريق الصح .. يبقى هو قدر يستفيد من الخازوق بدري .. لو قالك (ماعرفش ) .. أو ( فكك ) .. أو ( عيش عيشة أهلك ) .. إسأل نفسك .. حابب تبقى شبهه ؟ … 9- طب تعمل إيه ؟ … بالترتيب : 1- إنت عايز تدرس و حابب البحث و العلم ولا عايز تشتغل و تجيب فلوس ؟ حدد 2- عندك حاجة ماكنتش موجودة على أيامى لما كنت قدك .. عندك فيسبوك و نت .. على أيامى كان آخرنا إيميلات و إم إس إن ماسنجر ( مش حاتعرفه إنت) . دور على اللى ناجحين فى الحاجة اللى إنت نفسك تعملها : إكتب ( business success stories) و شوف مين اللى نجح فعمل بيزنس .. و إبتعله آد .. و إسأله … كلهم بيردوا والله . إكتب فى السيرش أى مجال بحثي أو دراسى حابه .. و شوف الناجح فيه و إبعتله إسأله .. ده أهم ملايين المرات من إنك تقرر مصير حياتك بالشبه .. 3- بتاع البزنس .. و بتاع البحث .. الإتنين حيقولولك .. إدرس عن كذا .. سيرش عن كذا .. دور على كذا .. إسمع كلامهم .. و إتعلم تسيرش الأسئلة اللى ماينفعش تسألهم عليها .. لأنهم ناجحين عشان مابيضيعوش وقتهم .. فمحدش فيهم فاضى يشتغل جوجل عشان سيادتك . .. فلما تسأل .. ماتسألش أسئلة من نوعية :