1- من أكتر المبادئ العلمية و الكونية اللى بحبها ..

1- من أكتر المبادئ العلمية و الكونية اللى بحبها .. هو التفاعل المتسلسل .. chain reaction . اللى هو ببساطة جداً زى لما تحط قطع دومينو قدام بعضها و تزق واحدة وتوقعهم كلهم و هكذا .. و ييجى بعده علطول مبدأ تأثير الفراشة “لو تعرفه” . . 2- لما كنت فى المدرسة .. و بعدين فى الكلية ..و … .. و بعدين فى أى مكان فيه شخص ما ظروف المكان ده فقط لا غير أعطته سلطة وهمية و أوهمته إنه ليه الحق إنه يعظ أو يفضل يحاضر فى المجموعة اللى قدامه من البشر .. تلامذة أو طلبة أو .. .. كان فمعظم الأحيان يبدأ خطبته العصماء بصب اللعنات على الجيل اللى قدامه .. و إن لو الأمر بيده لتغيرت الأحوال و لزقططت الدنيا بإنجازاته .. . 3- فى 100% من المرات اللى كنت باسأل فيها هذا الواعظ الفتاك .. “طب إحنا نعمل إيه سيادتك يعنى ؟! ” .. كانت الإجابة عبارة عن مزيد من صب اللعنات على الجيل .. مع التوصية بالطاعة المطلقة له و لأمثاله من المعصومين عن الخطأ و إمتلكوا مفاتيح الحكمة من عند الست أم حكمة … بدون إجابة واضحة صريحة ل “أيون اللى هو أعمل إيه يعنى عشان الدنيا ماتبوظش أكتر ” . . 4- عندى إعتقاد شخصى معضدد بأدلة علمية و فلسفية و دينية .. بإن طالما الكون فى حالة إتزان “نسبى” .. إذن .. مافيش مشكلة ملهاش حل .. أياً كانت طبيعة المشكلة .. . 5- يتوقف حل المشكلة على مقدار المجهود المبذول ممن أدرك وجود المشكلة فى حل تلك المشكلة . . 6- طالما سيادتك (قارئ البوست ده ) أدركت إن فى مشكلة … عدم سعيك فى حلها .. بيساعد فإن المشكلة تتفاقم . . 7- مما سبق … كل مرة حضرتك فضلت تتفرج فيها على برنامج أهبل .. أو ماتش لشوية ناس مابيضيفوش أيها حاجة للبشرية .. أو فيلم “برضو أهبل” .. أو بأى شكل من الأشكال كنت مستهلك للكم الضخم من إنتاج ماكينة الهراء الكبرى اللى بيمولها كل من هو مستفيد منها .. سيادتك كنت العنصر الأكبر فوجود المشكلة من الأساس .

8- “برضو لقارئ البوست ده أياً كان هو مين ” .. بالله عليك .. قبل إستهلاك أى شىء فعصرنا الحالى “فرجة على فيلم . أو قناة أو برنامج تيليفزيون .. أو … ” إسأل نفسك .. مين اللى مستفيد .. إنت .. ولا حد تانى .. . 9- لو الإجابة على السؤال السابق هى إنت .. يبقى من حقك تشتكى من المشكلة و يبقى عندك عذر إن حلها مش فإيدك ..

والله أعلم