في فكرة فدماغي بتراودني بقالها مدة طويلة ( اكتر من
في فكرة فدماغي بتراودني بقالها مدة طويلة ( اكتر من سنتين ) .. و بافكر ابتديها عشان تبطل تراودني 😅 ..
في فكرة فدماغي بتراودني بقالها مدة طويلة ( اكتر من سنتين ) .. و بافكر ابتديها عشان تبطل تراودني 😅 ..
[ ورشة عمل مستمرة لل ديجيتال ماركتنج .. و بالأخص performance marketing .. اللي هو افيلييتس بشكل كبير .. و شوية حاجات تانية معاه … زي الدروب شيبينج علي صغنن .. و المتاجر الإلكترونية .. و كل الكلام الحلو ده ] .
..
ورشة عمل …
مش كورس .. و مش دبلومة .. و مش اي كلمة من الكلام اللي بيضايقني ده ..
عدد محدود جداً .. ٦ بالظبط ..
٣ ولاد .. ٣ بنات .
مش مجانية .. لا.. بس بدل ما حتدفع فلوس .. حتدفع مجهود …
يعني حتيجي تشتغل معايا في المكتب فدمنهور .. و من بيتك كمان .. و حيكون ليك مرتب .. بس مرتبك حيكون بالكامل معتمد علي نسب المبيعات في شغلك .
..
مش حاشرح لوحدي .. الناس اللي معايا في المكتب حيشرحوا .. يمكن اكتر مني كمان ..
و احد اهم أهدافي .. هو إن الدفعة اللي بعدهم (ال ٦ اللي بعدهم ) يتولي معظم الشرح ليهم الدفعة اللي قبلهم .
…
…
عشان كدة اختيار الدفعة الأولى دول حيكون فعلا شيء صعب و مهم ..
و حيكون بناءاً على مقابلات و شروط صلبة شوية .. و باعتذر مقدماً لأي حد مش حينطبق عليه و لو حتي شرط واحد ..
..
من الشروط دي مثلاً …
تفرغ كامل للشغل … و أعني كامل لمدة ٢٤ ساعة يومياً .. تواجد لابتوب قوي و بإمكانيات نسبياً محترمة .. سهولة التواجد في دمنهور اي وقت .. ( ماعنديش مشكلة إنك ماتكونش من دمنهور ذاتها .. بس لو الشغل إحتاج إنك تيجي دمنهور بكرة .. أو خلال ساعات .. يكون ده ساهل بالنسبة ليك ) . تاوجد معلومات تقنية مبدئية مناسبة .. أو يكون في إستعداد كاااااامل إنك تتعلم بسرعة جداً الأساسيات دي ( و يفضل تتعلم عنها قبل ما تيجي المقابلة ) .. حاجات زي ( تسطيب برامج vpn , أو تظبيط إكستنشنز علي براوزرات , أو تنزيل ويندوز , أو مهارات جوجل شيتس , … ) .. كلها حاجات تعتبر تافهة جداً … بس مهم جداً إنك تكون متواجد عندك المهارات دي .. أو تتعلمها ( أو تتعلم عنها ) قبل ما تيجي المقابلة .
ورشة العمل دي .. مش كورس أو دبلومة .. يعني أنا مش حاشرح كلام نظري و أسألك عليه المرة اللي بعدها .. لا .. .. أنا حاشرح .. و حاطبق قدامك .. و حانتظر منك تطبق زي أى حد بيشتغل معايا منتظر منه ينفذ تاسك معينة .. و التاسك لو إتنفذت .. و طلعت ناتج .. حلو و حنكمل .. لو إتنفذت .. بس ماطلعتش ناتج … حنحاول نشوف المشكلة فين و نحلها .. لو ما إتنفذتش ( مهما كانت تافهة ) .. أو إتكروتت .. او ماطلعتش فيها كل المهجود المطلوب … حاضطر أعتذر ليك و أطلعك من الورشة . … يعني حعاملك بالظبط زي أى حد بيشتغل معانا في المكتب و بيتفحت و يتردم شغل معانا .. و حتشوف ده بنفسك .. و تتفحت و تتردم معانا .
من أهدافي من الورشة التالي :
build , grow and maintain digital assets . monetize such assets . implementing different types of performance marketing models , and scaling them accordingly . building a store ( shopify, woocommerce , … ) . learning needed media production tools to build and grow that store , and it’s social media outlets. و حاجات تانية أكتر حتيجي فوقتها ..
المقياس الوحيد بالنسبة ليا في قياس نجاح حاجة زي دي أو لا .. حيكون معدل الربح الخاص بيك مقسوم علي المجهود المبذول منك . ( المجهود المبذول منك = مجهود عقلي + بدني + مادي ) .
مش حيفرق معايا إنك تكون أحسن واحد بيتكلم بمصطلحات أو مفاهيم مختصرة .. و إنك تطلع من الورشة دي بتتكلم إنجليزي أحسن مني مثلاً .. إلا لو قرنت ده بشوية مهارات نيتوركنج و بيزنس تمكنك من تحويل الموضوع ده لوظيفة بمرتب محترم مثلاً .
من الآخر .. المقياس الوحيد اللي حاقيس بيه نجاحك في الليلة دي هو ال : فلوس .
و قدرتك تحويل وقتك و مجهودك الحالي .. لمهارات بيزنس .. و مهارات البيزنس دي ل فلوس .. و بعد كده الفلوس دي ل .. بيزنس أكبر .. وهكذا
باب التقديم للورشة دي يعتبر مفتوح من لحظة ما أنزل البوست ده .. لمدة 10 أيام بالعدد . التقديم بيكون عن طريق المقابلة الشخصية مباشرة .. مش عن طريق رسايل فيسبوك .. أو واتس .. او مكالمات تيليفون .. لا .. تقدر تتواصل مع زياد عن طريق الواتساب : Ziad Emara .. و ترتب معاه معاد .. و هو حيأكد معاك بمجرد ترتيبه معايا إن شاء الله . رقمه : 01065447244
أى حد حيتواجد معايا في الورشة دي .. و ينجزها إن شاء الله .. حيكون ليه ديلز و إتفاقات شغل أفيلييت خاص بيه ( لو عندك معلومات في عالم الأفيلييت .. حتفهم ده معناه إيه ) .
** ملاحظة أخيرة : لو برة دمنهور أو مش بإمكانك التواجد في دمنهور عشان الموضوع ده .. و حابب إننا نعمل الموضوع ده عن طريق ( zoom sessions ) مثلاً .. أنا بافكر إني أفتح جزء للموضوع بالمنظر ده .. بس لسة ماخدتش قرار .. حيعتمد علي حسب مهارات الناس اللي حتقدم .. لأني مش حاقدر أتابع بنفسي عن طريق زووم .. بنفس الطريقة اللي ممكن أتابع بيها في المكتب . .. فإبعت ليا وجهة نظرك ماسنجر .. و ححاول أرد قدر المستطاع إن شاء الله .