فيدباك Atef Elsherbiny عن الكامب بعد إنتهاءه .. و إزاي

فيدباك Atef Elsherbiny عن الكامب بعد إنتهاءه .. و إزاي عمل 2700 جنيه فشهر .. من الصفر .

بسم الله قصتي للشغل عالنت او بمعني اخر Affiliate مكنتش مصدق ان ممكن حد يجيب فلوس من عالنت جربت كتير جداا خمسات - فايفر حاجات كتير زي اختصار الروابط وغيرهم وطبعا بلح (لانها بتاخد وقت كبير جدااااا عما تاخد حتي جنيه واحد) لحد اما عرفت حاجه اسمها افيليت وشوفت بوست استاذ اسلام عن المحاضرات وبدات اتابع لكن الي كان ديما بيوقفني انك عشان تبدا لازم يكون معاك راس مال بسيط فكنت بكسل واقول مش نافع لحد اما الباشمهندس نزل بوست عن الكامب الي هيتعمل اخويا شجعني وانا كنت محتاج اجرب لانه عالماركت من غير فلوس فعملت حساب علي جوميا وبدات انشر المنتجات حرفيا انا الماسنجر بتاعي مكنش بيسكت من الرسايل والحساب رفع عالماركت لدرجة ان واحد من جوميا كلمني وقالي احنا عاوزرنك تبيع المنتجات بتاعتك دي عندنا عالموقع وانا اصلا واخدها منهم 😂 بس كانت حاجه كويسه قبل ما ادخل الكامب
جه الوقت الي قدم في الكامب بدات اشتغل عادي بنفس النظام بس الفرق ان العائد من الكامب كان كبير يخلي الواحد يتشجع ويستمر انه يشتغل
الباشمهندس كلمني قالي عالشغل وقالي كل طلب ب 3 دولار** انا حرفيا اتصمرت من واحد كان بياخد عموله بالجنيه علي جوميا (اقصي عموله كانت 6 جنيه تقريبا ??) انا حاليا عملت مبلغ (في اقل من شهرين اسبوعين شغل فقط) 2700 جنيه مممكن تعمل مبلغ اكبر من كده بس تستمر صح نصيحتي : 1- لازم تكون صبور وانت بتكلم الناس عشان يثقو فيك 2- اي سؤال من العميل منتاش عارف اجابته انا كنت بروح ادور علي سوق وجوميا علي الاجابه مادام مش موضحه في نون 3- الموقع في شات تقدر تسئل علي حاجه هيردو عليك 4- في حاجه لازم تكون عارفها وانت بتشتغل عالماركت اوي تفكر تعمل حساب فيس بوك تاني علي نفس الجهاز وتشتغل عليه وتبقه فرحان ان عندك حسابين تشتغل عليهم لا هتلبس في الاتنين وولا واحد هيشتغل انا اتوقفلي الشغل بسبب ده وحاجه تانيه هقول عليها 5- هتكون مبسوط بالشغل فهتروح عالماركت وتنزل 3 او 4 منتجات ورا بعض لا غلط الفيس هيوقفلك الشغل حرفيا ومحدش هيشوف المنتجات بتاعتك لانها مش بتظهر غير ليك انت بس في حل للموضوع ده انك هتوقف شغل اسوع او اتنين متعمل اي حاجه عالماركت نهائيا وليها حل تاني انك هتمسح الكوكيز من عالجهاز والمتصفح مش فاكر استخدمت برنامج ايه وترجع تشتغل علي حساب فيس تاني خالص وتحاولش تفتح الحساب القديم عشان متتعورش تاني 😂 وخلي بالك من الكام نقطه دول عشان متخدش بان يا صاحبي هتقعد جنب الحاجه تقشر بصل 😂 انا عرفت الكلام ده منين انا حصلي ده روحت دورت عاليوتيوب عن حل لقيت ناس بتتكلم بس بالانجليش عادي وسهل هتفهمه
6- اوي تتكسف من الشغل والناس هتشوفني وانا ببيع وكده وهيقولو ما يقولو الي يستظرف اديلو بلوك 😂بس اما يجي يشوف الفيد باك بتاعت هيشوفك واحد تاني 7- بالنسبه للموقع في حاجه مهمه وانت بتاخد العنوان من العميل تاخد العنوان بالتفصيل لحد باب البيت ولو عرفت لحد الحمام او المطبخ كمان خد لان احيانا الشحنه مبتوصل وبكون كاتب العنوان لكن هوما عاوزين لحد باب البيت والعميل احيانا بيعصلج ومش بيعطيك العنوان للبيت قوله(شركة الشحن هتكلمك واكد معاها علي العنوان الي حضرتك هتستلم فيه) 8- لو محتاج (شغل+دخل سريع) هوا ده الشغل ابدا بيه والمبلغ الي يجي خليه معاك عشان تبدا بيه في عالم الافيليت العظيم الي انت مكنتش عارف تدخل فيه .
الشغل بسيط جداااا ومش محتاج جهد كبير بالنسبه للمقابل —اهم حاجه في النهايه حابب اشكر باشمهندس اسلام و اخويا (صاحب اكبر دعم في حياتي❤️❤️ ) الباشمهندس ناوي يعمل كامب جديد بناس جاده ومستعده للشغل

شكراً جزيلاً عاطف :) .. إنت و Mohamed Elsherbiny أخوك من الناس اللي باعتبر معرفتي بيهم مكسب حقيقي من نشري لأي محتوي أونلاين … و إن شاء الله نتقابل مرة تانية في المنتزة برضو 💪💪 ** : أنا رفعت الكل ل4 دولار بعد كده بس عاطف نسي يوضح ده 😉😆

الجزء التالي ده من البوست حاثبته مع كل فيدباك حينزل إن شاء الله : … للناس اللي حتسألني عن تفاصيل .. أو عن إمتي حاعمل الكامب مرة تانية .. و كل ما شابه .. 1- إنت مش مضطر إطلاقاً تنتظرني عشان تبتدي شغل أفيلييت .. شبكات أفيلييت كتييير متاحة دلوقتي مجاناً و تقدرتدخل فيها بمجرد إنك تبحث لمدة 15 دقيقة بالكتير أونلاين . 2- أنا فعلاً بافكر في تكرار الكامب ده .. بس الإعلان عن ده حيكون غالباً فأول أسبوع فشهر نوفمبر . 3- مافيش معلومة علي الإطلاق أنا أعرفها عن العالم ده مش موجودة أونلاين .. و باللغتين .. عربي و إنجليزي … بدل ما تسألني .. الأفضل إنك تتعلم توصل للمعلومة بنفسك من المصدر اللى وصلتلها أنا منه .. و السبب فده هو إن تفاصيل العوالم دي متغيرة دايماً .. و لو ماتعلمتش إنك تقضي ساعتين من يومك علي الأقل بتبحث و تدرس لوحدك .. نسبة نجاحك حتقل جداً .