2004 ... تانية ثانوي .. كنت إشتريت القلم ده (فيبر

2004 … تانية ثانوي .. كنت إشتريت القلم ده (فيبر كاسل - سنون - .7 مللي ) .. ب 9 جنيه … من مكتبة الحديثة بدمنهور عند سينيما النصر . .. و كان رفيق كل لحظات تانية و تالتة ثانوي .. و إعدادي و أولي كلية … لحد ما فقدته سنة 2007 في القطر 😰😰 و فاكر إني فعلاً حزنت و حسيت بفقدان كبير ليه … و دورت عليه بعد كده فمكتبات كتير .. و لكن مالقتش نفس الموديل و نفس النوع … لحد ما كنت نسيت … نسيت إني حتي أدور عليه فأى مكان رحت له بعد كده … … عديييييييييد من الأقلام بعد كده عدت حضنتها إيدي .. جاف و حبر و رصاص و سنون … عادي و رقمي … من أول الفرنساوي الجاف .. لحد أغلي أنواع الروترنج .. و لحد الواكوم اللي بيعدي تمنه لوحده ( القلم بس مش التابلت كمان ) تمن موبايل متوسط الفئة فوق ( 5000 جنيه ) . … و لكن أبداً .. ماكنش نفس الإحساس .. … النهاردة كنت في ( سمير و علي ) .. و لقيته .. نفس الموديل .. و نفس اللون .. تمنه وصل 95 جنيه 😆 .. و بمجرد ما مسكته … حسيت كإن فيض من الذكريات تدفق فعقلي فجأة .. ذكريات مسائل كتاب المثالي في الفيزياء .. و مسائل النماذج في رياضة تالتة ثانوي .. ذكريات أول الكلية .. و إن القلم ده كان الشيء الأول اللي كنت باتأكد إنه معايا قبل أى مشوار ..