السؤال ده و الإجابات اللي عليه علي كوورا بيستفذ جوايا

السؤال ده و الإجابات اللي عليه علي كوورا بيستفذ جوايا عدد من أكتر الأفكار اللي عايز أبحث و أكتب فيها الفترة اللي جاية إن شاء الله .. … التربية في العصر اللذيذ اللي إحنا عايشين فيه ده .. تبقي إزاي ؟ .. و حتبقي إزاي ؟ .. و نستعد ليها إزاي ؟ّ! .. … السؤال ده مثلاً بتسأله ( أو بيسأله ) شخص عن إبنه اللي عنده 15 سنة .. و بيطلع و يدخل البيت براحته و مش عايز حد يحاسبه علي مواعيده .. الوالد بيسأل .. أعمل إيه معاه ؟ .. و إيه حقوقي اللي أقدر أنفذها معاه ؟! … الإجابات علي السؤال ده ممتعة جداً .. في مثلاً أخت جميلة شبه ( whoopi goldberg ) ردت بأسلوب ضحكني بصوت عالي .. إنك ( دغدغ ضلوعه لحد ما يطلب الرحمة من ربنا … و إعرف تضربه فين بحيث إنك ماتعلمش عليه أو تصيب أعضاءه إصابات بالغة 🤣 ) .. … … أنا فعلاً عايز أعرف آباء و أمهات الأطفال اللي حالياً سنهم ( 10 سنين ل 16 سنة ) مثلاً .. علاقتهم أخبارها إيه بأطفالهم ؟ .. ركزوا علي إيه فتربيتهم ؟ .. مدي السُلطة اللي قادرين يتحصلوا عليها فحياة ولادهم .. إيه ؟ … أسئلة كتير جداً ..