صاحى من الفجر (فى سؤال تانى على صراحة بيسأل عن

صاحى من الفجر (فى سؤال تانى على صراحة بيسأل عن تفاصيل نومى .. حجاوب عليه النهاردة إن شاء الله حاضر) .. و ناوى أخلص حاجات كتييير و جدولى مليان و “مبطرخ” .. و بيبتدى بتفنيش شوية تعديلات بسيطة على بروجكت بريميير .. المفروض إنه كان حيترندر فساعة و نص .. أخلص فيها تحضير محاضرات و فيديوهات النهاردة و بكرة .. مثلاً .. و بعدين أبعت الشغل للعميل و أدخل عالنقطة اللى بعدها .. .. و بعد ما تقريباً خلص 99% من التعديلات .. باعمل بريفيو .. و … بريميير قرر إنه يكراش .. و مايفتحش .. … و ها أنا ذا من الساعة 6 صباحاً حتى الآن حائم على وجهى بين الفورامز المختلفة .. و الثريدات بتاعت الإيرورز .. و رسائل اليوزرز .. و أربع نسخ مختلفين .. و الكثير من المحاولات .. و ما زال البحث مستمراً … … بتحصل :) .. كتير .. الحمد لله .. … فى المعتاد باكتب أو أتكلم عن شىء مشابه بعد ما باحله فى المحاضرات بتاعتى .. و أشرح إزاى إن الساعات اللى باقضيها فمحاولة حل شىء مشابه .. بتزودنى و تزود معلوماتى و تخلينى أشطر فيما بعد .. .. و لكن حبيت أكتب بوست قبل ما أحل المشكلة :) .. كإعتذار على تأخير المحاضرات و الفيديوهات لحين حل المشكلة دى … و كدرس لأى حد حابب إنه يعرف إزاى يبقى أفضل فمجال ما .. بإنك لما يكراش معاك البريميير و إنت على حفا تسليم شغل … تبتسم إبتسامة عريضة و تاخد نفس عميق … و …