بوست طويل فحت علي فكرة

بوست طويل فحت علي فكرة .. المبدأ الخامس : و اللي بيجمع الخمس مبادئ فبعض .. مصر يا أدهم … أو بالإنجليزي code of conduct

لما شفت السؤال لأول مرة فرسايل صراحة .. إجابات كتييير فضلت أفكر فيها .. لأن تلخيص 5 مبادئ و تمييزهم عن باقي المبادئ اللى باحاول إني ألتزم بيها أو أتبعها .. كان بيتطلب تفكير عميق جداً فحياتي لحد اللحظة دي .. و كل الأمثلة اللى أعرفهم عن أشخاص ناجحين … بمعنيين النجاح الأساسيين .. و خليني هنا أوضح يعني إيه ” معنيين النجاح = يعني نوعين من معاني النجاح ” الأساسيين . … النجاح نوعين أساسيين :

• نوع داخلي ( مهم جداً ) .
• نوع خارجي ( مالهوش أيها أهمية في الحياة ) . .. النوع الخارجي ده اللى هو بيتم تقييمه بناءاً علي رأي الناس اللى حواليك .. و هو ده اللي ((( بيتقارن )))
• يابا ده معاه موبايل أيفون أحدث حاجة .
• يابا ده معاه عربية مافيش منها غير 5 بس فمصر .
• يابا ده مرتب عالدفعة 3 سنين ورا بعض .
• يابا ده عامل جسم فتاك في الجيم .
• يابا ده ماشي مع بت جامدة فحت .
• يابا ده بيسافر كل أسبوع فحتة .
• يابا ده إترقي تلات ترقيات فسنة واحدة .
• يابا ده واسطة و عيلته فيها 4 شغالين قضاة و تلات لواءات .
• … و هكذا .. كل حاجة من الحاجات اللى فاتت دي بيتم تقييمها علي إنها نوع من أنواع النجاح في العالم بتاعنا الحالي .. للأسف . و فيهم حاجات فعلاً بتكون نتيجة عن مجهود الشخص نفسه ( زي جسم في الجيم مثلاً , أو ترقية فشغل نتيجة تميز , أو ترتيب عالدفعة نتيجة مذاكرة … ) .. و فيهم حاجات مالهاش أى علاقة بمجهود الشخص و بتبقي مجرد حظه في الحياة ( زي وضع عيلته المادي أو الإجتماعي .. أو جينات جسمه .. أو … ) .. بس كل حاجة من الحاجات دي .. مالهاش قيمة إطلااااقاً .. لو ماتقارنتش بشيء ما .. … يعني عشان تسأل عن أي نوع من الأنواع دي .. يعتبر نجاح داخلي ولا خارجي .. إسأل نفسك … مقارنة بإيه ؟ فيبقي :
• يابا ده معاه موبايل أيفون أحدث حاجة … مقارنة بموبايلات اللي حواليه
• يابا ده معاه عربية مافيش منها غير 5 بس فمصر … مقارنة باللي فمصر
• يابا ده مرتب عالدفعة 3 سنين ورا بعض … مقارنة بزملاءه
• يابا ده عامل جسم فتاك في الجيم … مقارنة باللي حواليه
• يابا ده ماشي مع بت جامدة فحت … مقارنة بباقي البنات
• يابا ده بيسافر كل أسبوع فحتة … مقارنة باللي حواليه
• يابا ده إترقي تلات ترقيات فسنة واحدة … مقارنة بزمايله
• يابا ده واسطة و عيلته فيها 4 شغالين قضاة و تلات لواءات … مقارنة باللي حواليه
• … و بالتالي … لو الشخص الناجح النجاحات دي كلها .. فجأة طلع الصحرا .. أو راح عاش علي جزيرة لوحده .. حيكتشف إن قيمة كل اللى فات ده = صفر . لأن مافيش حاجة تتقارن بيها .. و بالتالي حيبدأ يواجه لأول مرة فكرة إنه … عادي .. مش ناجح … و مش فاشل … عادي . … النوع التاني من النجاح … و هو ده الأهم جداً النجاح الداخلي : اللي ماينفعش يتقارن بأى شىء .. زي :
• إتزانك النفسي .
• نضجك العقلي .
• نضجك العاطفي .
• و الأهم .. هو … إيمانك . خليني أوضح : كل نقطة من الأربعة اللى فاتوا .. ماينفعش تتقارن إطلاقاً بأى حاجة .. إتزانك النفسي و إدراكك إن سعادتك و راحتك النفسية بتنبع من جواك مش من أى مصدر خارجي .. ماينفعش تقارنه .. و تقول مثلاً .. أنا متزن نفسياً أكتر من فلان … لأنك لو قلت كده تبقي لسة مش متزن .. و بتدور علي مصدر خارجي لتقييم نفسك . نفس الشىء بالنسبة لنضجك العقلي و العاطفي .. اللى بتوصل ليهم لما تفهم إن معاركك و جهادك و دنيتك و كل حاجة .. بتنبع من جواك مش من برة .. و إنك لو إتحكمت فأفكارك و عواطفك .. مش حيفرق معاك أى حاجة تحصل برة كيانك .. .. و كل ده بيحصل بناءاً علي أهم شىء فحياة أى إنسان فوجهة نظري .. ألا وهو : الإيمان .. أو : code of conduct . … الإيمان هنا ماقصدش بيه الإيمان بدين معين … لا .. و لكن الإيمان بحاجة ما .. أكبر من كيانك الدنيوي .. و أكبر من حياتك .. و أكبر من كل ما يمكن إنك تحصل عليه بشكل مادي أو معنوي في الدنيا دي … … ببساطة إنت بتربط وجودك ذاته بحاجة ما مش موجودة في الدنيا الناقصة اللى إحنا عايشين فيها … و بالتالي .. مهما حصل في كيانك المادي هنا في الدنيا … عادي بالنسبة لك .. ولا يفرق معاك .. لأن وعيك كله مشغول طول الوقت بحاجة أكبر من كيانك ده .. … مثلاً .. إنت ليه مابتكتئبش لو فشلت فلعبة موبايل .. و لو زعلت .. بتزعل مدة بسيطة و تنسي و تكمل حياتك عادي .. لأنك دايماً فاهم إن حياتك أهم و أكبر من مجرد لعبة موبايل … … نفس الموضوع بالنسبة للإيمان بأى دستور أكبر من حياتك . code of conduct = دستور = عقيدة مثلاً samurai code of conduct = عقيدة الساموراي إن الساموراي يموت نفسه و يشق بطنه .. لإيمانه بحاجة أكبر من حياته ذاتها .. أو إنك تموت نفسك و تضحي بكل ما هو رخيص و غالي فسبيل فكرة .. الفكرة قد تكون ( وطن .. نادي كورة .. أو حتي بنت مستعد تنضرب مطوة عشان بتحبها مثلاً .. ) … … و هنا نبدأ نسأل .. الفكرة دي بقي .. تبقي إيه ؟ ما هو طالما النجاح اللى بيتقارن ده مالوش لازمة .. و المهم هو النجاح التاني .. اللى مابيتقارنش .. و النوع التاني ده معتمد علي الإيمان بفكرة معينة .. يبقي لازم الفكرة دي تبقي تستحق .. ..
• تقدر تؤمن بشخص .. تحبه و تؤمن بيه و تضحي بكل و أى حاجة تانية عشانه .. و يبقي النجاح هو سعادته هو بس ..
• تقدر تؤمن بمجموعة أشخاص .. زي فريق أغاني مثلاً ( باك ستريت بويز ) :) :) ..
• تقدر تؤمن بقصة و إسم و تاريخ … زي إيمانك بالنادي الأهلي أو الزمالك مثلاً ..
• تقدر تؤمن بقصة و إسم و تاريخ أكبر شوية … زي إيمانك بوطن .. أو هوية دنيوية ..
• تقدر تؤمن بفلسفة ..
• تقدر تؤمن بدين .. و يذوب كيانك جوة الدين ده .. .. و تقدر تؤمن بنفسك .. جوة إطار عقيدة معينة .. كرمت نفسك دي فوق كل ما هو دنيوي .. تؤمن بنفسك .. جوة إطار عقيدة معينة .. بتخلي رقيك النفسي و العقلي هما الشيء اللي توصله فكل مراحل سعيك جوة العقيدة دي … … و العقيدة دي بالنسبة ليا هي الإسلام . … … هنا أنا مابشطرتش إنك عشان تحس بالنجاح إنك تكون مسلم .. ده لو إنت علي ديانة تانية بالفعل مثلاً … أو غير متدين بأى شىء علي الإطلاق . .. و لكني أجزم لك ( من خلال خبراتي و معلوماتي الحالية علي الأقل ) .. إن أعلي أنواع علي الإطلاق … و اللى بيحررك فعلاً من كل القيود الدنيوية .. هو الإسلام . … و داخل عقيدة الإسلام دي بقي .. في كل المبادئ اللى إتكلمت عنها قبل كده … و غيرها كمان .. زي الكارما مثلاً .. … … . و هو ده المبدأ الخامس و الأهم و الأشمل لأي حد ناجح فوجهة نظري .. نجاح نوع أول .. أو نوع تاني .. إنه عنده عقيدة ما .. أكبر من كيانه لوحده … بتخلي ( تعبه , كسله , ألمه , مخاوفه , … ) كل الحاجات اللي بتوقف ناس كتير دي .. بتخليهم صغيرين أوي .. و مالهومش قيمة .. و بالتالى بيقدر يقوم .. و يتحرك … و ينتج … و يوصل لنتايج معينة .. بتخلينا نشوفه ناجح .. في حين إنه هو مش فارق معاه هو وصل فين .. هو فارق معاه بس طريقه .. و عقيدته .. … و الله أعلم … . . المبادئ الأربعة الأولانييين في الكومنتات .. . https://korionx.sarahah.com/