ههههههههههههههههههه .. احيي في اللي بعت الرسالة دي قوة ملاحظته

ههههههههههههههههههه .. احيي في اللي بعت الرسالة دي قوة ملاحظته ما شاء الله .. … هو في ردود كتير جات فبالي لما شفت الرسالة دي دلوقتي .. بس خلينا نوضح الموضوع للي يمكن معندوش معلومات .. ببساطة أنا منين ما بيتوفر عندي وقت .. و ألاقي نفسي مش قادر أقعد ثانية كمان عالمكتب .. باحط السماعات فوداني .. و أنزل أجري .. في الشارع .. فوسط الناس .. عادي خالص :) .. و باعمل سبرينتات كمان .. و لو الموسيقي اللى باسمعها جامدة أوي مثلاً .. ممكن أندمج معاها و أرقص عليها كمان .. … (مكسوف) من مين ؟! مين هو الشخص اللى فحياتي اللى لما يشوفني باجري في الشارع حيوقفني و يقول ليا ( إيه اللى إنت بتعمله ده ؟ ) .. و المفروض أحس قدامه بال ( كسوف ) .. أو ال ( خجل ) ؟؟!!!!! مين هو الشخص اللى فحياتك إنت اللى إنت بتديله السلطة الضخمة و الفظيعة دي عليك ؟ إنه يقيمك أو إنك تعيش حياتك أو تاخد قراراتك و إنت بتفكر فرأيه أو إنطباعاته عنك !!! .. و المصيبة الأكبر هو لو ماكانش ليه وجود أساساً .. يعني إنت مش خايف مثلاً تشوف حد معين و إنت بتجري زيي .. لا .. إنت خايف إن أى حد يشوفك و إنت بتجري زيي .. في الحالة دي إنت كأنك بتدي أى حد حواليك الحق إنه يوقفك إنتباه و يذنبك و يتدخل فقراراتك !!! . شخصياً .. الشخص الوحيد اللى ليه الحق ده فحياتي هو ( أنا ) .. و فعلاً باتكسف من نفسي .. باتكسف لما أكون نفسي أجري .. و ماجريش :) . و باتكسف جداً أساساً لما أضيع و لو ثانية واحدة فحياتي أدي فيها أى إنسان القدرة دي علي إنه يتحكم فقراراتي و هو مالوش أي وجود أساساً فحياتي .. … أقولك علي نكست أكشن ممتع في الموضوع ده تجربه .. إختار أى إنسان تعرفه .. أنا أو أى حد غيري .. ( فلان الفلاني مثلاً ) .. عايزك فكل تصرف تعمله فحياتك .. ( تاكل إيه أو إمتي أو إزاي .. أو تشرب إيه أو تلبس إيه أو إمتي أو إزاي .. أو أي حاجة تانية بتعملها فحياتك ) .. جرب تقف و تفكر ( همممم يا تري فلان الفلاني حيكون رأيه إيه ؟ .. و حيوافق ولا لا ؟ .. و حيظن عني إيه ؟.. و حاعجبه ولا لا ؟ … و حيرضي عني ولا لا ؟ … و … ) .. .. و شوف نفسك لمدة أسبوع .. مستريح ؟ .. و لا تحب تبقي حر ؟ .

تحديث بناءاً علي الكومنتات سريعاً : أنا ماضايقتش والله من الرسالة دي إطلاقاً يا جماعة .. و إطلاقاً مش شايف إن اللى بعتها يقصد يضايقني مثلاً بشكل شخصي .. أنا ظني إنه بيسأل بشكل إستفهامي فعلاً .. مش بيسأل بشكل إستنكاري .. أنا ردي في البوست ده علي السؤال الإستفهامي .. و باناقش في الإجابة فكرة ( ليه بنعمل حاجات معينة و مابنعملش حاجات تانية عشان خايفين من نظرة الناس لينا ) .. لكن إطلاقاً مش شايف إن اللى بعت كان يقصد يهينني مثلاً أو يستفزني ( ولد أو بنت ) :) :) .. أو ده كان فهمي الخاص و الله أعلم .

https://korionx.sarahah.com/