نادراً لما بقيت باعمل ترشيحات لأفلام مؤخراً .. " كنت

نادراً لما بقيت باعمل ترشيحات لأفلام مؤخراً .. ” كنت باعمل ده كتير زمان ” .. بس فعلاً الفيلم ده يستحق إني أرشحه لأكتر من سبب .. و أعتبره من أفضل الأفلام اللى شفتها علي مدار السنتين اللى فاتوا تقريباً . (ode to joy) مش حاحرق أى حاجة فيه .. و لكن فكرة الفيلم عبقرية فعلاً .. و من أكتر الأفكار و القصص رومانسية شفتها علي مدار فترة طويلة جداً . .. عبارة عن صراع شخص ( عنده حساسية للسعادة ) .. يعني منين ما يبدأ يحس بأى حاجة ممكن تخليه سعيد .. بيحصل ليه شلل مؤقت و بيفقد الوعي .. فبالتالي بيعيش طول عمره بيهرب من اي شىء ممكن يسبب ليه أى شعور بالسعادة .. ( ضحكة طفل جميلة , منظر حيوان أليف كيوت , مشهد طبيعي جميل , … ) أى حاجة من دول بتخليه يفقد الوعي .. فما بالك بالحب .. و حب واحدة بجمال (مورينا باكارين = فرانشيسكا ) .. اللى فعلاً من أكتر الممثلات اللى باحب تمثيلهم .. … تمثيل (مارتين فريمان) لوحده عبقري .. و ممكن اشوف أى فيلم هو فيه لمجرد إنه فيه .. من ساعة ما عرفته ف( شيرلوك ) مع بينيديكت كومبارباتش .. .. ناس كتير من اللى عندها وعي عالي بنفسها أو أفكارها .. بتعاني من نفس اللى البطل بيعانيه بقوة .. و لكن رؤية الصورة المبسطة الواضحة جداً للصراع ده في الفيلم .. أكيد بتخلينا نشوف نفسنا بشكل أوضح . … … و طبعاً لازم أصقف ل( ميليسا راش - بيثاني ) لوحدها علي آداءها في الفيلم ده