بالنسبة للرسالة الأولى (بتاعت أنا غتت)
بالنسبة للرسالة الثانية .. بتاعت (كيف تربح ملايين الدولارات يوميا بدون عمل ابدا الان ؟!!!) .
💔💔💔😂 بالنسبة للرسالة الأولى (بتاعت أنا غتت) :
بارك الله لك .. حقاً إنت معاك حق .. أنا راجعت الفيديوهات الأخيرة سريعاً .. و لقيت إنى فعلاً باعيد معلومات أكثر من مرة .. و قد يرجع ده لسبب .. و هو إنى إتعودت أسأل الجلوس قدامى فى محاضراتى العادية بعد ما باقول أى معلومة .. و لما كنت بالاقى إن عدد منهم ماكنش منتبه .. أو مافهمش بالشكل الكافى .. كنت باعيد المعلومة بأكثر من شكل و طريقة و تشبيه .. فلما بتكون محاضراتى على هيئة فيديوهات لايف .. مش باقدر آخد فيدباك من وشوش المشاهدين بكل تأكيد إذا كانوا فهموا قصدى أو لا … فبالجأ للإعادة .. من باب الإحتياط . .. و لكنى أعدك بتصحيح أكيد لده .. و تقليل عدد مرات تكرار المعلومات بدون داى إن شاء الله . … بالنسبة للرسالة الثانية .. بتاعت (كيف تربح ملايين الدولارات يوميا بدون عمل ابدا الان ؟!!!) .
بارك الله لك .. 1- إنت معاك حق إنى مقصر فى الإهتمام بعنوان الفيديوهات .. ححاول أخلى العناوين أوضح و أكثر تفصيلاً لمحتوى الفيديوهات إن شاء الله .. و لكن بكل تأكيد مش حاستخدم الطريقة بتاعت (كيف تربح ملايين الدولارات يوميا بدون عمل ابدا الان ؟!!!) 😂😂.. السبب :
- إنى شخصياً لسة بدرى عليا على ما أربح بنفسى ( ملاييين) الدولارات .. فبالتالى مش حاقدر أنصح أو أشرح حاجة ماجربتهاش بنفسى .
- إن أى شىء باشرحه بيتطلب عمل شاق و متعب و دراسة و أصعب من الوظايف العادية فى المعتاد … فبالتالى .. أكون باكذب لو إدعيت موضوع ( بدون عمل ) ده . … 2- جزئية إنى أبتسم : واضح إنى فى إجماع إنى المفروض أعمل كده .. مش أول مرة تجيلى رسالة فيها الموضوع ده .. فبالتالى حاحط ده محط إختبار بكل تأكيد إن شاء الله .. و حاسجل عدد المرات اللى حابتسم فيها فى الفيديوهات القادمة .. و أعملها مقارنة بالفيديوهات السابقة .. و حاشوف منحنى التقدم فى الموضوع ده مع الزمن ” صدقنى مش باهزر .. حاعمل كده فعلاً ” إن شاء الله . … 3- هبل المشاهد العربى ؟!!! : يا صديقى الهبل لا يمتلك جنسية :) :) .. و ينتشر فى جميع أنحاء العالم .. بالتساوى .. و لكن كثيراً ما يتم إتهام الجهل خطأ بأنه “هبل ” .. و هذا إتهام باطل .. فالجهل يمكن معالجته بسهولة .. و هو ليس تهمة طالما تسعى للتعلم :) .. أما الهبل فصعب جداً معالجته .. .. أتفق معك أن نسبة جهل عالية بين المشاهدين العرب .. و لكن تحت أى ظرف .. أنا ضد إستغلال الجهل ده .. او المتاجرة به .. و لكنى باحاول .. ولو بحجمى الضعيف حالياً .. معالجة الجهل ده .. …