” حصرى و شاهد قبل الخذف .. سعد باشا زغلول يطالب مارك زاكربيرج بحذف هذا الفيديو ” ..

** رد فعل رقم واحد على الدوشة بتاعت السعودية .

فاكر كويس جداً و أنا فتانية و تالتة إعدادى .. الكتب بتاعت العربى و الإنجليزى و العلوم و الرياضة كلها فكوم .. و كتب الدراسات الإجتماعية فكوم تانى خاالص .. و كانت دايماً المادة اللى مابفتحهاش إلا قبل الإمتحان بتلات أيام تقريباً .. … وفود سعد باشا و الثورات من أول عرابى و إنت طالع لحد 52 .. مصر حارة جافة صيفاً .. ممطرة دافئة شتاءاً .. أعشاب السافانا فى أواسط أفريقيا و صادرات أستراليا .. محمد على و مكرم عبيد و طلعب حرب … .. من سنة 2002 (تالتة إعدادى) … لسنة 2009 (تالتة كلية ) .. ماكنتش فتحت أيها معلومة فأى مجال فى التاريخ أو الجغرافيا .. و سنة 2009 .. قريت لأول مرة كتاب (48 laws of power ) .. و فجأة لقيت إن واو .. التاريخ ليه أهمية و الواحد ممكن يستفيد منه !! .. من سنة 2009 ل 2017 بقيت باتحرى نوعية الكتب اللى بتتكلم عن التاريخ اللى أقراها .. و إكتشفت (اللى كلنا عارفينه دلوقتى ) .. إن التاريخ اللى بيتم تدريسه للشعوب .. هو التاريخ اللى بيسهل تشكيل عقل الشعوب لهدف حكامها .. ( عم جوبلز و أيامه بقى ) .. .. بس بقى عندى حساسية تجاه أى شىء ليه علاقة بالسياسة و الإعلام المتحدث عن السياسة بكل أشكاله … بقيت باهرب إنى أسمع أو أعرف أى شىء ليه علاقة بأى شىء فى المواضيع دى … السبب ؟! : .. السبب إنى أيقنت إن أى حد قرا تاريخ (حقيقى) بتلاتة مليم .. و معاه شوية فلوس .. حيكون فهم ما يكفى إنه يتأكد ما يتم عرضه فى وسائل الإعلام ( تيليفزيون , إنترنت , صحافة ) .. حيخدم مصالحه بنسبة 100% .. حاجة ممكن يتم تلخصيها فى الجملة الرائعة من الفيلم الرائع I AM KAISER SOZE’ … بغض النظر عن فضيحة كيفن سبايسى حالياً … و إتأكدت إن أغلى ما يملكه الفرد .. مش الفلوس .. أو مش اللى فبالك برضو ;) .. الحقيقة إن أغلى ما يملكه الفرد هو وقته .. و كل ثانية الإنسان بيقضيها فتعاطى أخبار أو معلومات مكذوبة تحسس بالنشوة المؤقته لكن لا تسمن و لا تغنى من جوع .. فهى بالظبط ثانية أكتر بيتم “تعليفه” فيها .. تعليفه و تسمينه .. عشان فى وقت لاحق .. و لو شهية المسمن كانت مفتوحة شوية .. يتم دبحه و طهيه . … … ماقولتش هنا إطلااااااقاً إن المجال نفسه وحش .. أو إن اللى شغالين فيه وحشين .. بالعكس .. المجال ممتع و فقمة الإثارة .. بس لأى حد مستفيد بيه و فيه .. لكن سيادتك .. اللى ملكش أيها شىء تهتم بيه فى الليلة دى .. طول ما إنت حتتابع قشور و توابل الأخبار .. من مصادر إحترفت تتبيل الأخبار و نزع كل ما هو مفيد منها … طول ما حتحس إنك بتاكل … لكن .. و بكل أسف .. سيادتك بيتم تعليفك .. … و الله أعلم .