جزء كبير ... جداً .. من شغلى بيتطلب إنى أقعد

جزء كبير … جداً .. من شغلى بيتطلب إنى أقعد لمدد طويلة .. باصص فى الركن البعيد الهادى .. و أفكر فى حلول لمشاكل و أسئلة لسة ماتسألتش .. و مواقف و سيناريوهات بالظبط زى أى ماتش شطرنج نضيف .. تفكر فى كل الإحتمالات المتاحة و الغير متاحة عشان تفكر فى خطة مواجهة ..

المشكلة هى إن الأجوبة على أسئلة و أحتمالات زى دى .. مش موجودة فى تكست بوك .. أو فى بيبر على سكولار مثلاً … و لو موجودة .. فتبقى أجزاء باحتاج أجمعها زى أى بازل نضيف برضو ..

أى حد إشتغل و لو لفترة بسيطة ريسيرشر أو ريسيرش أسسيستانت حيفهم المتعة و المعاناة دى .

إنك تحتاج بقى تستخدم ريسورسز عجيبة .. و معلومات من “الشمخ الجوانى ” .. تبقى هوردر معلومات محترف .. بيخليك تعرف معنى “السكرامبلد ميش ماش ” .. على رأى جيريمى لو تعرفوه .

و ده أحياناً بيكون ليه فيزيكال مانيفستيشن هو كمان … يعنى لما أصلح ماوس وايرليس أصلى بايظ عندى من شهرين .. و أغيرله إتنين بوش بوتون .. من أول ماوس كومبيوتر جبته ف 2003 و أنا فأولى ثانوى (أبو بلية) .. و كنت شايله فكرتونة جوة كيس جوة كرتونة فى مكتبة فى الورشة المصغرة بتاعتى .. بس عارف إنه موجود … هو ده بالظبط نفس الإحساس اللى باتكلم عليه .

و مع ذلك مافيش فأى ريسورس فعقلى يخلينى أقدر ألتمس العذر للكائنات اللى الفرح عندها إنها تشغل أغانى و @^@#% بأعلى صوت فى الشارع .. و حسبنا الله و نعم الوكيل .