ليج أوف ليجيندز

ليج أوف ليجيندز … اللعبة جميلة فعلاً .. بغض النظر عن إنى بحب أفتى فأى حاجة بكلام رياضة و نظريات و كده .. بس مش هى دى الفكرة هنا يعنى .. الفكرة هى إن اللعبة دى من برة و لأغلب اللى بيلعبوها .. ملهاش أى لازمة فحياتهم .. يعنى ماتتكتبش فى سى فى .. أو يفتخر بيها قدام أهل مراته مثلاً … حاجة كده زى مهارة إنك بتعرف تسلك سنانك بسرعة .. حلوة و حتريحك و كل حاجة .. بس مش تقدم نفسك بيها يعنى .. فى ناس تانية (قلة قليلة عندهم نت سريع شوية) .. إحترفوا اللعبة و بما إنها بقى فى ناس كتير بتحبها .. فبقى فى بطولات و كده .. و اللعيب المحترف الواحد بيدخله فى الشهر بتاع 10 تلاف دولار بالميت يعنى .. بكرة إن شاء الله دور نصف النهائى على بطولة العالم .. و الكسبان حياخد إتنين مليون دولار .. إس كى تى إف تى دبليو ..

بس برضو مش دى القصة .

كل فترة كده .. لأسباب ما .. أروح منزل اللعبة .. و أندمج .. أوصل لليفيل فحيت (سيلفر واحد) .. و بعدين أكتشف إنى بقضى فيها بتاع 12 ساعة يومياً .

و ييجى هنا السؤال .. و بعدين ؟ و السؤال الأهم .. ليه ؟

اللى بيحب يقرا .. يبقى يقرا عن حاجة إسمها الجيميفيكيشن .. و هى إنك تحول أى نشاط للعبة .. و أى لعبة لازم تبقى أديكتيف .. يعنى تخليك تدمن .. … و ده ليه قواعد نضيفة الصراحة ..

مجرد إدراكك إن النشاط ده بقى .. اللى إنت بتقوم من نومك عشانه .. و تلبس هدومك و تاخد مواصلات .. و تقضى من يومك 10 ساعات فيه (مش ليج أوف ليجيندز قصدى طبعاً ) … إنه ملوش أى لازمة فحياة أى حد غير مديرك إنت .

يعنى عسكرى جيش بس مرتب أعلى .. و مابتعملش شاى لمديرك :) ..

الإدراك ده مهم .

زمان كان فى مسلسل إسمه لوست .

القصة بتاعته بسيطة فحت … طيارة وقعت باللى فيها على جزيرة مهجورة .. زى روبنسن كروزو بس على كتير فكرة إيه لازمة المجال اللى إتخصصت في حذافير حذافيره على مدار عشرين سنة من حياتك مثلاً .. بمجرد ما تطلع من اللعبة .. و تبدأ تعيش الحياة الحقيقية … فكرة مهمة جداً برضو .

الفكرة التالتة هنا بقى هى فكرة الهجرة … مش لكندا لا فكرة الهجرة بتاعت الأنبياء زمان أنبياء كتير كانت الهجرة مرحلة أساسية فحياتهم اللى هو سيب كل حياتك بما فيها .. و توكل على الله فكرة إنك مش عارف إنت مش عارف إيه .. و مش حتعرف إيه اللى إنت مش عارفه إلا لما تروح عنده

الفكرة إتكلم عنها باولو كويلو فمعظم كتبه … الناس عارفه الخيميائى .. بس أليف كان الفكرة فيها أوضح شوية .

الخلاصة بتاعت الكلام ده .. إنى بافكر أنزل ليج أوف ليجيندز تانى عشان بقالى أسبوع ماسحها :(