فقط بعض النقاط اللي مالهاش علاقة بأي حاجة

فقط بعض النقاط اللي مالهاش علاقة بأي حاجة

• لو انت مضايق ان البلد بتخرب : البلد خربانة من زمااااااااان
• لو انت مضايق ان اللي بيموتوا دول بشر مش حيوانات : يعني هي الفكرة ان جنسياتهم مصريين و هو ده اللي مضايقك ؟!
• لو مضايقك انهم مسلمين : المسلمين بيتقتلوا فبلاد العالم كل يوم من زمان و احنا كنا مطنشين
• لو مضايقك ان الجيش و الشرطة بيقتلوا : طب ما هي دي وظيفتهم .. ولا انت مفكر ان الجيش اسمه جيش اسلامي ؟!!! … اسمه جيش مصر … يعني لو السعودية ضايقت مصر .. نقتل السعوديين مافيش مشاكل .. مصر فوق الكل بالنسبه للجيش
• لو مضايقك ان ده بيحصل تحت بيتك … ماتنزلش يومين تلاته و كله حيبقي تمام
• لو خايف … معلش استمتع شوية بتغيير الجو ده ..اقوللك … اتفرج علي فيلمين تلاتة للسبكي
• لو مسيحي : افتكر اخوانك المسلمين المستضعفين في الارض و اتوسط لهم عند الجيش يحن عليهم
• لو مضايقك بقي مشاهد الدم و العنف اللي في القنوات و كده : … ده زي الافلام بالظبط .. كله جرافيكس .. و في الاخر كلهم حيقوموا و يسهروا مع بعض و كباريهات بقي و خمرا و كده
• لو مضايقاك ريحة الغاز : غطي عليها بريحة السجاير و الشيشة و الحشيش
• لو مضايقك صوت الضرب في الشارع : .. شغل اغاني مهرجانات و غطي عليها -لو مضايقك كلامي : اطفي ام الجهاز نام

اهم حاجة متضايقش … هو انت مش كنت مضايق من الاخوان برضو ؟ بكره متضايقش من حاجة خااااااااااالص