محتاج ( Content Developer ) .. بمواصفات خاصة

محتاج ( Content Developer ) .. بمواصفات خاصة .

مرتب : 2000 جنيه شهري . المكان : دمنهور أو إسكندرية . الشغل : من المكتب و من البيت ( علي حسب ظروف كورونا :) ) .

للتقديم : إبعتلي إيميل فيه cover letter .. تشرح لي فيه إمكانياتك .. و تفاصيلك علي : me@eslamosama.com و لو من دمنهور .. تقدر تيجي مقابلة مباشرة بكرة الإثنين .. 16/نوفمبر .. من الساعة 2 ظهراً للساعة 7 مساءاً في المكتب . ( دمنهور - أرض الميري - أمام مركز هاني عبادة للآشعة - فوق تنمية - مكتب تشكر ) .

مواصفاته :

1- ديفيلوبر مش ( creator ) .. يعني مش عايزه معتمد علي الشغل الإبداعي .. و مش تركيزه يكون علي ال ( كيف ) … و لكن محتاج يكون تركيزه علي ال ( كم ) . 2- الجزء الأضخم من شغله حيكون ( Automation ) .. و تظبيط خطط تشتغل أوتوماتيك علي مدار الشهر .. و متابعتها . 3- لازم تفرغ كامل . 4- لازم إنجليزي متوسط علي الأقل . 5- مش محتاج أى خبرة في جرافيكس .. و لكن لو عنده يبقي مفيد .

ملاحظات :

1- حايستلم لابتوب للشغل . 2- 100% من شغله حيكون علي كل منصات السوشيال ميديا .. فلازم يكون حابب الحياة علي السوشيال ميديا ( إنستجرام , تويتر , لينكدإن , تيك توك , … ) . 3- لازم يكون (Geek ) جداً .. و بيعرف يتصرف .. و بيسلك لوحده .. و بيسأل جوجل أكتر ما بيسأل نفسه … ( يعني قبل ما يتصل بيا عشان أساعده فحل مشكلة .. يكون حاول بكل الطرق الممكنة إنه يدور علي حلها بنفسه ) . 4- حيتعلم كتير جداً … جداً .. عن ( Social media management , marketing ) … و شغله حيكون معايا بشكل مباشر .

ملاحظات تانية :

1- أول سؤال باسأله تقريباً لحد بييجي يشتغل معايا في حاجة تقنية هي ( إمكانيات جهازك إيه ؟ ) .. رجاء ماتقدمش لو كانت إجابتك من نوعية ( جهازي لونه كذا … أو نوعه كذا .. أو شاريه من فترة قد كده … أو شاريه من المكان الفلاني ) .. .. يعني رجاء تكون إجابتك ( رامات كذا , بروسيسور كذا , storage كذا , فيجا كذا ) . … 2- رجاء … رجاء كمان مرة .. لو بتروح تخلي حد ينزل لك ويندوز علي جهازك مثلاً .. و مابتعملش ده بنفسك .. ماتقدمش . … لو بتخلي حد يسطب لك برامج إنت محتاجها .. او ” ينضف لك جهازك من الفيروسات ” .. و مابتعملش ده بنفسك … ماتقدمش . … الشغلانة دي بالذات .. من نوعية الشغلانات اللي محتاجه حد بيعمل كل حاجة في جهازه بنفسه .