في خلط ضخم و لخبطة بين حاجتين المفروض إننا بنعلم

في خلط ضخم و لخبطة بين حاجتين المفروض إننا بنعلم ولادنا من لحظة ولادتهم الفرق بينهم :

• الرغبة … - و السيطرة . .. معظم الكلام اللي منتشر عن ( إزاي يا جدع في حاجة إسمها تحرش بمراتك تتعاقب عليه لو عملته ؟! ) .. ( إزاي يا جدع البنت اللي لابسة لبس مثير مش عايزاني ألاغيها .. أنا دمي حامي و عروقي فيها رجولة ولامؤاخذة ) . .. يا عم ال ( راجل ) .. مش معني إنك يتقالك سيطر علي رغباتك .. إن رغباتك ضعيفة أو قليلة لا سمح الله .. أو إنك ولامؤاخذة بترفرف العلم الناحية التانية .. بل معني كده إنك قوي .. القوة الحقيقية .. اللي بتتعلم تسيطر فيها علي نفسك .. مش علي حد تاني . تسيطر فيها علي رغباتك .. و مش بس تغض بصرك .. لا .. تسيطر علي مشاعرك .. و تتعلم إنك تتحكم في ( غضبك , نرفزتك , حزنك , ألمك , … ) و كل المشاعر اللي عليها دوشة حالياً بسبب ( السنجلة اللي مغصوب عليها كل من لا يستطيع الزواج ) . … … الدين اللي أمرنا ( بغض ) البصر .. أمرنا بال( تفكير ) في الأمور دي .. الغض .. معناه إنك تتحكم .. تسيطر .. علي بصرك .. علي إنتباهك .. و إن طالما مش حتبص علي اللي إنت مش عايز تبص عليه … طيب .. حتبص فين ؟! و أى تحكم في الدنيا .. اى سيطرة .. أى قوة … زي العضلات .. بتيجي تدريجي .. بالتمرين .. مستحيل .. بل من رابع المستحيلات إنك تبقي برنس في التحكم فغرائزك و إنتباهك و عينيك بين يوم و ليلة .. و لكن بالتمرين .. تتعلم إنك توجه إنتباهك تجاه حاجات تانية كتيييييير محتاجة إنتباهك .. محتاجة بصرك .. … … إنتباهك لو رخيص .. بتدفعه ببلاش مقابل أى حاجة ( سهلة , متاحة ) و معروضة للجميع .. حتفضل دايماً قيمتك .. و قيمة عقلك .. و قيمة مشاعرك و أفكارك .. رخيصة .. سهلة .. … إنتباهك لو إتعلمت تتحكم فيه .. و توجهه بمزاجك و بإرادتك إنت .. مش بمزاج و إرادة أى ( إثارة ) سهلة و متاحة .. حتلاقي إنك معاك ثروة و مورد .. يجيب لك أى ثروة أو مورد تاني تحب تحصل عليهم من الدنيا دي ( فلوس أو علم أو أى شيء تاني ) .. … بصرك .. إنتباهك … هو ( إبرة ) البوصلة بتاعتك .. لو إتعلمت توجهها صح .. عمرك ما حتتوه .. … … و اللي حتلاقيه .. إنك بتتحول كل يوم لشخص مش رخيص … لشخص قيمته أعلي .. لشخص اللي تحب تجذب إنتباهك .. حتخاف تقلل من قيمتها .. عشان تقدر تستحقك .. … … عايز تلعب يومين ؟ .. تهزر يومين ؟ .. تتنطط يومين ؟ .. و بعدين لما تكبر تبقي محترم ؟ بالظبط كإنك بتقول أنا حافضل فقير بمزاجي … لحد ما أكبر و أعمل فلوس .. .. مش معني إن غيرك ربنا إبتلاه بماضي من ( قلة القيمة ) بيعكنن عليه كل مرة بيبص لنفسه في المراية فيها .. إنك تضمن إنك حتقدر تعمل ده إنت كمان .. كتير جداً ضيعوا سنين شبابهم بدون ما يستثمروها .. و كانت النتيجة … كانت النتيجة هي أجيال و أجيال من كبار السن .. و قليلين القيمة .. … … مالكش دعوة بغيرك .. مالكش دعوة بمين لابس إيه أو بيعمل إيه أو عايش إزاي .. عينيك .. و إنتباهك .. هما تاني أغلي مورد عندك بعد وقتك .. .. أسهل و أرخص ما يكون دلوقتي ( بالذات عالإنترنت ) .. إن حد ياخدهم منك ( عينيك و إنتباهك يعني ) .. لو إنت بترميهم علي عتبة أى شيء مثير ( جنسي بقي أو غير جنسي .. ) .. … … إتحكم فقيمتك .. … … و الله أعلم … … الصورة لأحد قدواتي في التحكم فنفسه .. و اللي كانت الفاتنات من كل شكل و لون يتمنوا نظرة منه .. بس هو كان … أغلي ..