فكرة … و ملاحظتين :

نتيجة إني طبقت علي ( تيك توك ) نفس اللي طبقته علي الفيسبوك من سنة 2010 تقريباً .. و هو إني ( أتفاعل , فولو , لايك , … ) بس مع نوع المحتوي اللي يهمني فعلاً .. و أتجاهل أى نوع تاني من المحتوي مش مهم بالنسبة ليا و أهرب من ال ( attention snacks and candies و attention seekers ) = اللي هو المحتوي السهل السريع و المسكر و الجذاب زي أى شيء ( فيه قلع أو رقص أو تحدي مين يضرب التاني علي قفاه أكتر و ما شابه .. ) . .. إن أصبح 90% تقريباً من المحتوي اللي بيظهر ليا عن : ( الشغل أونلاين , tech hacks , cool information , investment , … ) و ما شابه من المحتوي المفيد فعلاً . .. و لكن في ناس كتير باشوفهم بيحطوا محتوي مخادع أو غير كامل أو نصب أو .. بيكون هدفه هو إن اللي يتابعه يدخل في ( قمع = funnel ) ينتهي إنه يشتري كورس هري مثلاً أو ياخد أكشن معين .

فالفكرة هي إني أطلع لايف عالفيس هنا … و أفتح التيك توك .. و لما ألاقي فيديو مفيد فعلاً .. أشرحه بالعربي هنا .. ( لأن معظم المحتوي النضيف إنجليزي طبعاً ) .. و لو لقيت فيديو نصب ( أشرح ليه هو نصب ) .. و لو لقيت فيديو رقص أو قلع او ما شابه .. حاعمل نفسي مش واخد بالي 🤣

الملاحظة الأولي : أنا لسة باتمرن فيولين يومياً قدر الإمكان , بس الإنترنت كان حصل فيه مشكلة من أول الشهر ( إتحلت بفضل الله ) خلاتني ماكنتش أقدر أطلع لايف .. و مواعيد نومي متلخبطة جداً ( شيء معتاد فرمضان ) ..

• إن عشان باحاول أراعي الجيران .. طلبت ( electric violin ) من نون .. و مستنيه يوصل .. بمجرد ما يوصل حارجع أطلع أ ( زيق ) تاني و أ (حشرج ) بالفيولين إن شاء الله . ======= الملاحظة التانية : هي كالمعتاد إعتذار لكل من ( لسة ماتعودش علي كيفية تعاملي مع الماسنجر ) .. و إني باتعامل مع الماسنجر و الواتسآب و ما شابه .. بالظبط زي الإيميل .. اللي هو ممكن أشوف الرسالة .. و لكن أرد عليها في وقت لاحق … لاحق جداً … لاحق أوي .. . لاحق فالفوز مؤكد … لاااا .. لن يُهزم أبداً من سعي .. نحو الإنتصاااااار .