الفيدباك بتاع Nour Eddin Mostafa و إزاي عمل 1500 جنيه

الفيدباك بتاع Nour Eddin Mostafa و إزاي عمل 1500 جنيه ف 5 أيام :) في الدفعة الأولي من الكامب .

• السلام عليكم ، الحكاية بدأت في ديسمبر 2016 ، قابلت بشمهندس إسلام بالصدفة في event ICT في القاهرة ، واتعرفت عليه وعملت له إضافة ومتابعة علي الفيسبوك ، كنت وقتها في سنة تالتة اتصالات هندسة المنصورة
• في أكتوبر 2016، حضرت تدريب في ريادة الأعمال والتسويق واكتشفت أني متهم بالبيزنس وريادة الأعمال والتسويق وكل العلوم دي ، وبدأت اقرأ وأكون معرفة عن العالم ده بجانب دراستي للهندسة ، كنت وقتها في رابعة اتصالات ومهتم أكتر حاجة بمشروع التخرج
• بعد ما خلصت الكلية ، مكنتش حابب فكرة أني أشتغل عند حد أو أشتغل في شركة ، فكنت مهتم أني أبدأ حاجة تكون مصدر دخل كويس بجانب شغلي اللي بدأت فيه من الكلية ) شغل تدريس Freelance ، بشرح فيزياء و physics لطلاب الثانوي ( في يوليو 2018، كنت خلاص اتخرجت وخلصت مشروع التخرج ، وخلال كل الفترة اللي فاتت كنت - متابع بوستات بشمهندس إسلام وكنت بستني لما ينزل بوست عشان اقرأه ، وبعدها بدأ البشمهندس ينزل سلسلة فيديوهات الفريلانس ، تابعتها من الأول لحد الفيديو التاسع ، وفي نص الفيديو التاسع ، لقيت البشمهندس بيقول لو كنت بتتفرج عليا ولسه منفذتش أي حاجة ، أرجوك وقف فرجة علي الفيديو وقوم نفذ وطبق بايدك ، وبالفعل قفلت الفيديو وقمت أطبق وأنفذ
• أول حاجة عملتها ، عملت صفحة تخدم شغلي في الفيزياء اسمها ) المهندس في الفيزياء ( ، والحمد لله استفدت منها وما زلت بستفيد منها كشغل تسويق ودعايا شخصيين ، الحاجة التانية ، بدأت أدور أكتر عن عالم ال affiliates وبدأت أدور وأعرف الناس بتعمل ايه
• أول مرة سمعت عن كلمة ال affiliates كان في الفيديو رقم 4 في سلسلة فيديوهات الفريلانس ، وبدأت أدور بالعربي وبالانجلش ووصلت لبعض الجروبات اللي بتتكلم أكتر عن الموضوع
• انشغلت فترة كبيرة ونسيت الموضوع ، وكنت كل أسبوع بقول هبدأ وأكسل ، لحد ما لقيت واحد صاحبي بدأ شغل تبع سوق دوت كوم ، فبدأت أنا كمان وجبت landing page وبدأت شغل والمحصلة كانت أني عملت بيعة واحدة خلال أول أسبوع ، وكان شئ محبط جدا بالنسبة لي ، وبعدها حاولت كذا مرة والدنيا مظبطش
• قبل العيد الكبير ، في أغسطس 2019، لقيت البشمهندس نزل بوست بيتكلم فيه عن affiliate camp ، فقولت ابدأ الموضوع من تاني ، يمكن تظبط ، وبدأت شغل بجد ومشيت علي Strategy معينة في الشغل ، وخلال 5 أيام ) الوقفة و 4 أيام العيد الكبير ( اشتغلت وعملت حوالي 20 بيعة خلال الفترة دي والشغل كان مجرد 4 ساعات يوميا
• كنت في بعض الأحيان اصحي من النوم ألاقي أكتر من 80 رسالة مبعوتين لي علي ال Marketplace وكنت برد علي كل الناس وبتواصل معاهم تليفونيا واعمل معاهم deal
• بعد العيد كنت انشغلت لأني كنت بعمل business جديد خاص بيا ، ويعتبر وقفت شغل ، وقولت الأيام اللي اشتغلتها تعتبر كأنها test للموضوع كله واشتغلت حاجات بسيطة بعدها النهارده وصلني - 1500 جنيه مقابل الشغل اللي اشتغلته في فترة ال 5 أيام اللي كانوا في العيد ، وفي الحقيقة الواحد لو كان موقفش كان جاب 10 أضعافهم بالمرتاح خالص ، بس الفكرة أن الواحد ) بتكلم بشكل شخصي ( مش بيعرف يدي مجهود غير لما يبقي متأكد من وجود النتيجة
• الفترة اللي جاية إن شاء الله الواحد هيعمل scaling للموضوع بحيث الدنيا تبقي أحسن
• وأخيرا حابب أشكر البشمهندس علي المستوي الشخصي ، لأن وجوده وفيديوهاته فرقت معايا جدا جدا علي المستوي الشخصي مش علي اد البيزنس بس .

---

شكراً جزيلاً نور .. ربنا يعلم الكلام ده بيحسسني بمسئولية قد إيه .

كنت نوهت إني حابتدي الدفعة التانية من الأفيلييت كامب ده فأول نوفمبر .. و بالفعل إبتدينا النهاردة . بشكل أكثر كفاءة و بإدارة أكثر متابعة .. باشمهندس Ahmad Sherif Etman حيكون هو المدير المباشر للكامب .. و حيتابع كل التفاصيل مع الناس .

لو حابب تقدم في الدفعة التانية من الكامب : 1- إبعت ليا و لـ Ahmad Sherif Etman رسالة فيهم ( سابق خبراتك و معلوماتك عن الأفيلييتس ) . 2- لو معلوماتك صفر عن العالم ده … إعمل سيرش لمدة 24 ساعة .. و بعدين إبعت رسالة برضه ليا و ل Ahmad Sherif Etman باللي فهمته عن الموضوع .. و حابب تشتغل في العالم ده ليه . 3- باشمهندس أحمد هو اللي حيتواصل و حيتابع مع الناس .

ملحوظة : 1- الكامب ده كامب شغل .. مش تعليم .. بمعني إنه مش محاضرات و ورش عمل مثلاً .. لا .. ده عبارة عن كامب مستمر و شغل بفلوس . 2- دورنا في الكامب ده .. هو إنك لو مبتدئ جداً .. أو عديم الخبرة في عالم الأفيلييتس .. إننا نحطك علي أول الطريق .. و إنت تكمل .. كتير .. لوحدك .. و تسيرش و تدور علي المعلومات بنفسك . 3- لو ماعندكش معلومات خالص .. و حابب إنك تتعلم عن الموضوع .. في عدد ضخم من الفيديوهات .. ليا و لناس كتير أفضل و أعلم مني .. أونلاين .. رجااااااء سيرش و إتعلم .