(ده مش الرد ... لسة حاعمل فيديو عن الرد و

(ده مش الرد … لسة حاعمل فيديو عن الرد و عن التأمل و اليوجا و الطرق المختلفة إنك تحاول تسيطر بيها على عقلك .. إن شاء الله ) … ده بوست ما قبل الفيديو .. و مجرد دعوة للنقاش . الرسايل اللى فيها المحتوي ده مش أول مرة تيجي ليا على صراحة .. أو الفيسبوك .. أو يسألني مثلاً أحد أصدقائي بيني و بينه .. الموضوع شائك ” للأسف ” بالنسبة لناس كتير .. الموضوع محرج ” للأسف ” بالنسبة لناس كتير .. و ” للأسف” بيكون الردود المنتشرة فى عالمنا المسلم علي أسئلة من النوعية دي .. معظمها عن ” الصلاة تنهي عن الفحشاء و المنكر ” .. و تقرب إلي الله أكتر .. بدون شرح لـ :

• ليه الصلاة المفروض تنهي عن الفحشاء و المنكر … و بتنهي عنهم إزاى .
• ليه التقرب إلي الله حل .. و بيساعدك إزاي . … فبتكون نتيجة الحلول الدينية الغير مشروحة دي .. هي إن بيتبني فعقل اللى عنده المشكلة دي .. مشكلة أكبر ..
• لأنه بيصلي
• و بيصوم
• و بيتعبد بس لسة عنده نفس المشكلة .. فبيظن إن مشكلته أكبر من الحلول اللى ساعدت كل الناس .. .. و بيعاني أكتر . … أنا مش شيخ .. و ححاول فى إجابتي النهاردة إن شاء الله قدر إمكاني إني ماتكلمش بصبغة دينية أوي .. لأن كتير بيعانوا من نفس المشكلة .. بس مش مسلمين . و ححاول أتكلم عن الموضوع بالظبط زي أى نوع تاني من الإدمان .. … فالفيديو اللى حاجاوب فيه عن الموضوع ده إن شاء الله .. قدر إمكاني حيكون فيه إجابتي العامة على أى نوع من الإدمان تكون بتعاني منه .. … البوست ده للنقاش .. لو في حد عنده آراء شايف إني المفروض أحطها فحسباني قبل الفيديو .. و ممكن تساعد .. يا ريت أشوفها فى الكومنتات .