سبويلرز أليرت *** :( :( :( :(
https://www.youtube.com/watch?v=Z-ouLX8Q9UM
سبويلرز أليرت *** :( :( :( :( التلات 17/أكتوبر اللى فات .. كان اللقاء اللى ناس كتيير كانوا مستنيينه من 3 سنين .. MegaBots VS Suidobashi Heavy Industry القصة مشهورة فى الأوساط بتاعتنا .. بس لو كنت لسة ماسمعتش عنها .. شركة يابانية إسمها سويدوباشى .. عملت روبوت قتال ضخم شركة أمريكية إسمها ميجابوتس .. عملت روبوت قتال ضخم الإتنين بصوا لبعض بصة ( المكان مايسعناش إحنا التنين ) .. و أعلنوا التحدى .. الكلام ده كان من 3 سنين .. القتال بتاعهم كان يوم التلات اللى فات .. أيون اللى هو ده : https://www.youtube.com/watch?v=Z-ouLX8Q9UM
لو شفته .. كمل الكلام براحتك بقى : اللى جاى spoilers
- حسيت بإحباط ؟
- حسيت إن المستوى ده بيفكرك بتكنولوجيا العشرينات من القرن اللى فات ؟
- حسيت إنك إستنيت تلات سنين … و فى الآخر الموضوع طلع أونطة ؟! .. أحب أقولك لا .. ماتفقدش الأمل .. اللى إنت شفته ده مش قمة صناعة الروبوتكس أبداً .. الموضوع ببساطة إن فى فرق ضخم بين إنك تبنى شىء للإبهار .. أو إنك تبنيه للكفاءة .. او إنك تبني الإتنين مع بعض .. يعنى إيه ؟.
يعنى القتال ده كان عليه قيود كتير إنهم مايحطوش حجات معينة فى الروبوتس ممكن تنهى الموضوع فثوانى .. زى ما إنت شفت الطلقات كلها طلقات بوية و ألوان .. ماكانش ينفع يحطوا قاذفة لهب مثلاً أو أى شىء مشابه .. السبب ؟ .. إن لو حد عمل كده .. التانى ممكن فعلاً يعلى عليه .. و الموضوع يتخطى كونه مجرد قتال روبوتس برئ .. على سبيل المثال :
- emp gun
- electronic fryer ultra high voltage shocker
- hacking its electronics (and all whats good in that field …)
لكن الناس العادية ماكنتش حاتستمتع و هى بتتفرج على إتنين شغالين على كيبوردات و بيشربوا أورانج صودا .. الناس عايزة شغل زى بتاع المصارعة الحرة .. .. و عشان كده حاجات كتير من اللى فيها functionality عالية أوى .. مش بتشغل بالها بالإبهار .. و على ده أمثلة كتيييييير فأكتر من مجال فى العلوم و التكنولوجيا . … حاتكلم على ده أكتر إن شاء الله فى المستقبل … والله أعلم .
إقرا أكتر عن الموضوع من هنا : https://techcrunch.com/2016/05/10/megabots-raises-2-4-million-to-create-league-of-human-piloted-giant-fighting-robots/