فى صاحب منين ما تشوفه لازم تروحوا تاكلوا

فى صاحب منين ما تشوفه لازم تروحوا تاكلوا .. فى صاحب منين ما تشوفه لازم يبقى فيها بلاى سيتشن .. و فى : Ahmed Rahal 📷📸 الفنان الكبير اللى مابفتيش فى تلات حاجات جنبه ( السفريات .. التصوير .. النحت ) . بقالنا كتير بنحاول نرتب outing بال DSLRs بتاعتنا .. و نحاول كل واحد يعلى عالتانى (هو حيكسبنى وش متأكد … حسى الفنى بالسالب أساساً ) .. فبما إن اللى بيصورنا Ahmed Moussa .. من شريك سفر … فقررنا التالى 🤔: إن شاء الله حنطلع طلعة تصوير فى ( المنتزة - إسكندرية ) .. الدعوة مفتوحة 😃😃للى يحب يطلع معانا .. بس بشرط .. تكون بتحب التصوير .. و حتستحمل إن عمنا رحال حيقعد نص ساعة بس يظبط فى اللوكيشن و بعدين ممكن يغير رأيه فى الآخر و يقرر مايخدش الصورة . يا حبذا لو معاك ال dslr بتاعتك (الكاميرا البروفشنال يعنى ) ..

أينعم أنا باحاضر أحياناً فى ال digital photography .. بس أنا حاكتفى فى اليوم ده بكونى ميكانيكى كاميرات و حاسيب المجال الفنى بالكامل للفنان رحال .

و جارى ترتيب باقى المعلومات و برنامج اليوم و التفاصيل و ما إلى شابه من خلال شريك سفر .. كل التفاصيل حتنزل عليها إن شاء الله .. و أغلب الظن العدد حيكون محدود .. جداً .. للغاية .. والله أعلم .