الأنجيوجينيسيس بتاع مدام نهى ... و كاس العالم !.. و

الأنجيوجينيسيس بتاع مدام نهى … و كاس العالم !.. و لما يميتيستيسايسوا كمان ..

(1) مرة تانية بافتكر معلومات من أيام فريق بحث الجينيتكس .. و بتتربط فدماغى بحاجات كتير من اللى باشوفها دلوقتى .. كلمة أنجيوجينيسيس Angiogenesis .. معناها بالحلمنتيشى الفصيح برضو .. لما الورم السرطانى يبدأ يمد قنوات للأوعية الدموية للأنسجة و الأعضاء المحيطة بيه عشان يتغذى عن طريقها .. و ده بيعتبر أحد أكتر الأسباب اللى بتخلى الأورام السرطانية مخيفة .. إنها بتقاسم باقى أعضاء الجسم فى الدم و الغذا اللى رايح لها .. بل و بتستولى عليها بشكل مخيف .. و بعد فترة .. بتبقى هى المستفيد الأساسى من نظام الدم و النظام الغذائى فجسم الإنسان . .. يعنى زى ما الست الحامل بتاكل أكتر عشان تغذى إبنها .. جسم الإنسان كمان بيودى كل غذائه للكائن الجديد اللى متواجد فى مكان ما و بيكبر بشكل متزايد . .. و بعدين يحصل الشىء المرعب : metastasis - ميتاستاسيس ده لما تنقسم و تسافر أجزاء صغيرة من الورم ده لأماكن تانية فى الجسم .. و تنشأ مستعمراتها هناك .. يعنى الورم اللى فى القدم مثلاً يسافر و يبقى فأنسجة تانية فأنحاء الجسم .. و هكذا .. .. و على حسب المريض الورم إنتشر فجسمه لحد فين .. و مد لأوعية دموية و إستولى على قد إيه منها .. بيتم تحديد المرحلة اللى فيها المريض .. … (2) فمحاضرة مشهورة لريتشارد دوكينز (فيلسوف مشهور) .. عمل كويننج coining - يعنى كان أول واحد يقول الكلمة المشهورة - ميم meme . هو ماخترعهاش .. بس أعاد إحيائها و هو بيوصف الظاهرة الحالية فى الإنترنت . .. ميم - meme : معناها فكرة إنتشرت بشكل فيرال فعقول الناس .. بالظبط زى الفيروس .. لكن دوكينز شرح .. إزاى إن الفكرة نفسها بتصبح كيان بيسعى للبقاء عن طريق إنه يعدى عقول ناس أكتر .. و كل ما ناس أكتر بتفكر فى الفكرة دى .. كل ما بتبقى أقوى و أصعب إنها تموت .. بل و أحياناً .. بتخلد . … أساطير كتيير فتاريخ البشرية أصبحت ميمات ..

• حوريات البحر
• النيش عند المصريين فى الجواز .
• الصراحة إن معظم تقاليد الجواز عند المصريين عبارة عن ميمات
• معظم التقاليد و العادات بشكل عام عبارة عن ميمات . .. بتشعر لما بتحب إنك تفكر بشكل مستقل .. إنك بتحارب كيان قوى .. جوا عقلك و براه .. كيان بيسعى للبقاء بشكل شرس .. لدرجة إنه ممكن يقتلك أو ينفيك … لأنك حاولت تحرر عقلك منه . … (3) فجأة الناس إكتشفوا (للمرة السادسة على التوالى ) إن المصريين هما أكتر فئة بتبحث عن البورنو على الإنترنت .. فى العالم . . كل مرة مواقع البورنو المشهورة تطلع إحصائيات .. يطلع العرب و خاصة المصريين متصدرين بجدارة . بس المرادى .. الموضوع كان أكثر وضوح .. الفكرة كانت أكثر وضوح .. الكيان الفيروسى فعقل البشر سقط عنه جزء من قناعه .. لا .. ماقصدش مدام نهى لسة … أقصد الجهل … و كمان مش الجهل اللغوى أو العلمى .. بل الجهل الغريزى نفسه … جهل فوجهة نظرى أخطر فقسوته بكتييير .. … (4) عايزك تتخيل إنسان مايعرفش غير الجوع .. مايعرفش إزاى ياكل .. و هو فى إنسان مايعرفش إزاى ياكل ؟!!! … آه فى .. إنسان بدائى عمره ما شاف فرخة مطبوخة فصينية خضار مثلاً .. أو لحمة عالسيخ .. أو أى فاكهة ناضجة حتى .. إنسان مايعرفش غير الجوع … بس .. إحساس بدائى همجى … عقله ماكونش أى خطوات منطقية فدماغه عشان يشبع إحساسه ده … لأن عقله جاهل بنوعية الخطوات اللى المفروض تتاخد . … تتخيل الإنسان ده حيعمل إيه ؟ بالظبط .. ممكن يعض أى شىء قدامه عشان يحاول يرضى الإحساس الهمجى اللى جواه .. اللى ماحدش جرب يعلمه إزاى يرضيه . (تحرش , إغتصاب ) … إتخيل بقى لو قدمتله عبوة جيلي كولا ؟ فجأة لقى شىء طعمه حلو .. ينفع يتمضغ … لكن مالوش أى قيمة غذائية إطلاقاً … بدون ما يحاول حتى يفكر فقيمة الجيلى كولا الغذائية … حيفضل ياكل منه لحد ما يملى بطنه .. يرضى إحساس جوعه .. و بعدين يدمنه .. و يقرن إحساس الشبع فدماغه .. بال … جيلى كولا … بس . … (5) مصر من الدول القليلة جداً جداً .. اللى و ببراعة قدرت إنها تكون أكثر أرض خصبة لفيروس فكرى من أخطر الفيروسات الفكرية فوجهة نظرى .. فكرة : إننا مقتنعين إن الحرمان أصبح هو الصح .. و إن الرغبة الجنسية عموماً بكل أنواعها حرام و غلط . .. طبعاً حاجة زى كده ناس كتير حتقول إزاااااى ؟ .. و تبدأ تجيب آيات من القرآن ( إلا على أزواجهم أو ما ملكت أيمانهم ) .. . و هنا براعة الفيروس .. إنه ماحرمش الحلال مباشرة .. لا .. ده وضعه فمكان بعيييييييييييييييييييييييييييييييييييد …و وضع قدامه عواقب و صعوبات كتييييييير … و أجبرك تدريجياً على إعتناق فكرة إنك لو ماسعتش إنك تتخطى العواقف و الصعوبات دى .. يبقى إنت اللى مش عايز تعمل الصح … و عيش بقى يا معلم . … حارب مجتمع كامل عشان تتجوز من غير نيش و شبكة و ميزانية شركة متوسطة الحجم .. آه شركة متوسطة الحجم .. لما ولد و بنت يحتاجوا فى المتوسط 100 ألف جنيه عشان بس يرضوا غريزتهم … و مش بس كده .. لااااا ده لازم يستنوا لحد سن 21 سنة !!!!! اللى هو ليه بالظبط ؟!! عشان يخلصوا تعليم طلع برا الترتيب من سنين ؟!!!! … ال 100 ألف جنيه دول أكبر من ميزانية شركات كتيير أعرفها بدأت بخمس الميزانية دى و دلوقتى تخطوا حاجز المليون فى العوائد . … (6) كنت عايز أكمل بإزاى إن الطاقة اللى الإنسان المفروض يطلعها فى إشباع الغريزة بشكل طبيعى و بعدين تحسين حياته بشكل ملحوظ .. لو ماعملش كده .. بتفضل موجودة و تحاول تدور على أى مخرج … مخرج زى : التشجيع بشكل جنونى لشىء ملوش أى قيمة فحياته أو أهمية … و التعصب لحاجات ملهاش أى لازمة .. لكن حلاقى ناس بتتكلم عن إزاى إنجلترا مثلاً بتشجع منتخبها و أنديتها … فحاقوله إن فى فرق لما تشجع شىء ناجح و تديله 15 من 100 إنت تملكهم … و ما بين إنك تشجع شىء فاشل و تديله 14 من 15 هما كل اللى حيلتك … و تقول ده غيرنا بيدى 15 .. … و الله أعلم