أنا لسة ماشربتش القهوة بتاعت النهاردة .. بس ما علينا

أنا لسة ماشربتش القهوة بتاعت النهاردة .. بس ما علينا : about politics .. here and there

1- أمراض النفس البشرية كانت موجودة و مازالت و ستزال موجودة . الأمراض دى هنا أقصد بيها (غباء , أنانية , عند , نرجسية , غرور , كراهية , عنصرية , كبر , … ) . 2- دائماً و أبداً فأى مجموعة من البشر .. حيكون فى أشخاص إما مرضى بالأساس .. أو حيمرضوا أثناء آداء أى تجربة عليهم .. لأن الأمراض دى نفسها هى اللى بتدفع بقاء البشرية بشكل أو بآخر .. بمعنى .. إن الإنسان البدائى فى المجتمعات البدائية كان بالنسبالهم الإغتصاب هو السائد .. و بالتالى .. القوى . المستبد .. القادر على السيطرة و إذعان الآخرين لرغباته .. هو اللى كان بينشر جيناته .. فى حين إن المؤدب الرومانسى .. فى الغالب كان بياخد فوق دماغه . 3- عملية elevating .. أو رفع مستوى الحوار العقلى بشكل عام فى الميديا .. و المناظرات .. و الحوارات و كل النشاطات اللى بتعتمد على التفكير .. حاجات بت appeal للرومانسى المؤدب الهادى .. “اللى أساساً جيناته نادرة دلوقتى ” .. لكن الطبع الهمجى اللى مليان أمراض بشرية ده .. بيطنش الليلة اللى فوق دى كلها و برضو بيعمل اللى على مزاجه بغض النظر عن العواقب . 4- تقدم البشرية .. فعلاً محتاج الإتنين .. النوعين .. لكن الغلط من وجهة نظرى هو إعتبار أصواتهم متساوية .. أو إنهم هما الإتنين ليهم نفس الحقوق .. 5- الديموقراطية : بتحاول تحقق التساوى ده .. و بالتالى بتدى صوت للكائنات اللى سيطرت عليها أمراضها دى .. و بتكون النتيجة إنهم بيمتلكوا المبرر الأكبر لهمجيتهم و طباعهم .. من منطلق إن ده حقنا إننا نعمل اللى على مزاجنا حتى لو غلط .. زى ما العاقلين كمان بيعملوا اللى على مزاجهم . 6- الغباء الأكبر .. هو إنك تتخيل إن الكائنات اللى مسيطرة عليهم أمراضهم .. حيقعدوا معاك على ترابيزة نقاش واحدة .. … هما أساساً مش فارق معاهم النقاش . 7- لأول مرة فى التاريخ .. يبقى المؤدب الرومانسى عنده القدرة على التواصل مع المؤدبين الرومانسيين اللى زيه فى age of the geek baby على رأى هارديسون فليفيريج . 8- فبيحس نسبياً إنه كبير و قوى .. بالرغم من الصورة الرقمية للفئة المريضة دى .. متمثلة فى ال trolls . 9- فوجهة نظرى مافيش وسيلة تغير الصورة دى بشكل كلى .. بل أكاد أجزم إنه مستحيل .. و إلا كده يبقى فى وسيلة نحول الأرض لجنة .. 10 - لسة ماوصلتش لحل