شوية أفكار مبعثرة متصلين ببعض

شوية أفكار مبعثرة متصلين ببعض :

1- كنت باسمع إمبارح بودكاست ل سام هاريس مع نيل ديجراس تايسون .. ” و لو مش عارف الإتنين أو حد منهم .. أنصحك تعرفهم من كلامهم مش كلام الناس عنهم ” .. و فى البودكاست ده كانوا بيتناقشوا فأكتر من موضوع .. منهم نقطة إن ” تايسون ” بقى أيقونة فى ثقافة البوب أكتر من إنه “عالم” .. و إنه بالمنظر ده بيهين قدسية العلم و مكانته .. لأنه هبط لمرتبة الممثلين و مذيعي التيليفزيون و ما شابه .. و إزاى إنه كده بيعدى بزى اللى عدى بيه “كارل ساجان .. لو ماتعرفوش برضو .. إعرف منه مش عنه ;) ” .. من معاناة . .. سام هاريس هنا راح قايل “بوء ” يكيف الصراحة .. ” إن بنفس المنطق .. العالم اللى بينشر كتاب معدى ال300 صفحة .. هو كمان بيـ sell out .. يعنى بيبيع نفسه بالرخيص عشان الفلوس ولامؤاخذة … لأن الإكتشاف الخذعبلى بتاعه المفروض إن آخره يتنشر فصفحتين تلاتة بحثيين أو مقال فمجلة علمية متخصصة .. لكنه بيدش الدش الكتير ده عشان يبيع و يجيب فلوس ” .. .. 2- كنت دايماً أناقش أحمد أخويا فإنه إزاى بيستمتع أو بيستحمل إنه يقول نفس المعلومة 10 مرات ف 10 كورسات مختلفين .. و أنا صغير كان دايماً عندى إحساس ضخم بالشفقة تجاه كل اللى درسولى .. اللى هو إحساس إنى حتحرك من هنا و أوصل للمرحلة الدراسية الجاية و أعرف معلومات جديدة .. فى حين إنكم حتعيدوا نفس السيناريو من جديد من ناس جديدة . … .. 3- كنت إتكلمت قبل كده عن هوسى بالمعادلة الultimate .. فأى مجال و كل مجال .. إنى أوصل للخطة الأعظم عشان أقفل لعبة الشطرنج مثلاً .. أو إنى أوصل للجينيريك فورميولا اللى تحل أيتها مشكلة .. و إنى إتعلمت بعد فترة طويلة إن الكون مش مصمم بالطريقة دى .. ولا يُعاش بالطريقة دى .. فوجهة نظرى . … .. 4- من أفضل الطرق إنك تنتصر على خصمك فماتش ملاكمة .. هو إنك إما تصد كل ضرباته فأول جولتين أو تتفاداهم .. لحد ما يشحر و يجيب جاز .. و بعد كده تبدأ تشكله .. 5- من أفضل الطرق إنك تنتصر على الطريقة اللى فاتت لو حد بيلاعبك بيها .. إنك ضرباتك و لكماتك ماتبقاش مشتتة مكررة .. و لكن مدروسة و متخطط ليها .. يعنى واحد تفك الجارد بتاعه .. التانية تهوش .. التالتة بادى جات أو مجاتش تربك .. الرابعة هوك تنيم .. و هكذا … .. .. دى مجرد الأفكار اللى فدماغى اللى ليها علاقة بالعالم الواقعى اليومين دول :)