بعض الملاجظات المتفرقة

بعض الملاجظات المتفرقة

• احترم جدا النموذج الافلاطوني بتاع الانسان = عقل + جسم + روح ناس كتير بالنسبالها روح يعني رومانسية و مشاعر و كلام من ده … و لنفرض اذن الناس دي يرون ان الانسان = عقل + مشاعر و احاسييييس + جسم الفيس بوك اداة رائعة عشان توري الناس نفسك غير شوية … مش لازم دايما تقعد موجهها علي المشاعر و الاحاسيس علطول .. جرب شوية تورينا عقلك و افكارك … عارفين انك بتحب و ولهان مع طوب الارض … صدقني غيرك لما حايشوف ده حيتعدي و يبدأ يحب علي نفسه هو كمان و هكذا … المشكلة هي ان الاغلبية من الناس دول < 20 سنة … بتحب .. او عايز و نفسك تحب .. او بتتحب .. او ايا كان مشكلتك العاطفية ايه … اهدي اسبوع كده و فكر قبل ما تكتب ستاتس تهوي بيها قلبك نفس الكلام موجه للناس اللي عايشين لحظاتهم الايمانية العالية علي الفيس .. “يا سلاااام ام انا صليت حتة صلاة دلوقتي .. عجب , يا سيييدي علي النورانية اللي في قلبي , و هكذا و هكذا ” القليل من ده جميل و محفز … الكثير بيأثر علي اخلاصك . """"" انا لا استثني نفسي من الملاحظة دي .. لحد فترة قريبة كنت كده و اكتر """"

• الملاحظة التانية : للناس اللي شافت اتاك اون تايتان حتفهم كلامي بشكل افضل الناس كانوا عايشين جوا حصن جوا حصن جوا حصن و كل ما يتم اقتحام حصن يهربوا للي جواه و يظنوا انهم كده في امان و عمرهم ما حاولوا يواجهوا الخطر النهاردة الصبح شفت بوست دفاعي بريء عن احد الحصون المنيعة في كيان بيتهاجم بكل ضراوة مش حاقول معلومات عنه عشان الدفاع عن شيء مش في موقع دفاع بيقوي الهجوم عليه و ده احد انجح الاساليب اللي تم استخدامها ضد الاسلام في ال 300 سنة اللي فاتوا ببساطة اقف جنبك و اقول بأعلي صوت … اللي قال علي فلان الفلاني انه حرامي كداب … “ماحدش اساسا قال عليك كده .. بس الناس تؤمن ان مافيش دخان من غير نار ” عشان كده بأرجو من كل الناس المتحمسة المخلصة انها تهدي و ماتزعقش و تقول “اللي قال ان فلان الفلاني كذا و كذا يبقي ابن كذا و كذا ” … لان الناس اللي سمعتك حتصدقك 50%.. و تصدق عكسك 50%… انت اللي قدمت المعلومتين عايز تعمل حاجة مفيدة ؟ … هاجم متدافعش و الهجوم مش معناه انك تشتم و تتخانق … لا .. الهجوم معناه انك تلتزم و تطبق تعليمات الشرع و الشريعة صح .. معناه انك تحفظ من العلم اللي بيهاجم ده “علم الاسلام ” في صدرك و تنشره و تقويه فصدور غيرك .. اسلوب التهويش احد اوائل الاساليب اللي بتتعلمها في فنون القتال … اهوش وشك و اضربك فبطنك … احنا بنتهوش و بناكل ضرب بقالنا سنين ولسة ناس كتير ماتعلمتش .

بس كده .. نسيت الباقي