الدفتر

القيد 15 من 20

قصة مارتين لوثر 6 دقيقة قراءة

طيب .. خليني دلوقتي إذن أكتب الجزء ال2.5 من القصة ( قصة مارتين لوثر ) ..

الصورة التي نشرها إسلام مع هذا المنشور
309تفاعل 28تعليق 40مشاركة المنشور الأصلي على فيسبوك

طيب .. خليني دلوقتي إذن أكتب الجزء ال2.5 من القصة ( قصة مارتين لوثر ) .. اللي هي عبارة عن ( قصة مشتقة = spin off 🤣 ) من قصة عصر النهضة بالحلمنتيشي اللي كتبت فيها 7 أو 8 بوستات حتي الآن .. و لسة فاضل فيها أجزاء و بوستات كتير إن شاء الله .

التسلسل حتي الآن ( لو مش متابع بقالك كتير ) ..

إني بدأت بشرح عصر النهضة الأوروبي ( بتاع دافنشي و مايكل أنجلو ) من خلال التركيز علي ( عيلة ميديتشي ) .. و اللي وصل أحد أولادها .. سنة 1513 ميلادياً .. إنه يمسك منصب ( بابا الكنيسة الكاثوليكية ) .

و قبل ده ب 60 سنة تقريباً .. حوالي سنة 1450 .. كان تم إختراع الطباعة ( المميكنة عن طريق الضغط - Printing Press ) لأول مرة في التاريخ .. فألمانيا . ( و كنت كتبت عن ده بوست منفصل قبل ما أبدأ قصة مارتين لوثر ) .

لو إنت خٌلقك ضيّق و عصبي و قدرتك علي القراءة مسافات طويلة مابتتخطّاش 5 جٌمل و إتنين إيموجي مثلاً 🤣 .. خليني بسرعة أوي أحرق لك القصة .. و أقول لك النهاية .. و ماتكملش باقي البوست .. و خٌد بعضك و روح كمّل الحاجات المهمة أوي .. و تخصيب اليورانيوم اللي بوستاتي الطويلة بتشتتك عنها 🤣 .

القصة بإختصار شديد فحت إن :

- الكنيسة الكاثوليكية كانت وصلت لمرحلة شديدة من الفساد الإقتصادي و الأخلاقي .

- مارتين لوثر .. بيدرس الإنجيل كويس جداً .. و بعدين بيكتب 95 مقال .. و بسبب إختراع الطباعة .. بتنتشر المقالات دي ( لأول مرة في التاريخ ) ب شكل فيروسي .. و ينطبع منها مئات و آلاف النسخ .. بشكل يحوّل ( مارتين لوثر ) لإنفلونسر ( حرفياً ) .

- الكنيسة الكاثوليكية بتحس بالتهديد .. بتعزل مارتين لوثر من منصبه .. و تستهدفه لإغتياله .

- مارتين لوثر بيهرب .. و بعدين بيلعب أحد أصيع اللعب السياسية في التاريخ .. و بيترجم الإنجيل ( لأول مرة في التاريخ ) من اللاتينية اللي ماكنش حد بيعرف يقراها .. للألمانية ( الحلمنتيشية بالمناسبة 🤣 = الألمانية الدارجة اللي هي تٌعتبر لغة العامة فألمانيا ) .

- و بسبب الطباعة .. الإنجيل الألماني ده بينتشر .. فالشعب كله فجأة بيكتشف إن الكنيسة الكاثوليكية كانت بتكدب عليه و بتستغل جهله ..

- و لكن أتباع مارتين لوثر بيفضلوا يزدادوا علي مدار السنين .. و أفكاره بتفضل تنتشر ..

- ده بيؤدي إن ( لأول مرة بعد 1500 سنة من وجود الكنيسة الكاثوليكية ) إن قوتها تتهدد بشكل مباشر .. بشكل أخطر من الإنقسام اللي حصل سنة 1000 ( الإنقسام بين الكنيسة الكاثوليكية و الأورسوذوكسية - في قسطنطينية ) ..

- ده أحد الركائز الأساسية اللي بتستند له بعد كدة بريطانيا .. و بتتحرر من سيطرة الكنيسة الكاثوليكية .. و تتحول إنها تكون ( بروتستانت - متمردين يعني ) .

- و ده برضو أحد أهم الإنقسامات في تاريخ ألمانيا ذات نفسها .. لأن جزء منها بيتحول ( كاثوليكي ) .. و جزء ( بروتستانت ) ..

و الإنقسام ده ما زال موجود حتي يومنا هذا .. و هو أحد أهم أسباب وجود ألمانيا مٌقسمة بعد الحرب العالمية التانية .. ( و وجود حائط برلين ) اللي إتهد علي عهد جورباتشوف .

- و إنقسام بريطانيا ( دينياً ) عن باقي أوروبا .. ده أحد أهم الأسباب اللي أدّت إن أمريكا ( بعد ما إستوطن فيها أوروبيين كتير ) تنقسم هي كمان عن التاج البريطاني ..

و بعد كده تتشكل هويتها الدينية .. بالمنظر الإنقسامي الضخم الموجود حالياً ( اللي هو كل شوية بيوت جنب بعضهم بيعملوا لنفسهم كنيسة .. و شكراً 🤣 ) .

و آه .. عشان الناس شديدين المٌلاحظة اللي أخدوا بالهم إن صورة البوست السابق في السلسلة أنا مٌستخدم فيها صورة ( مارتين لوثر كينج ) .. و مش فاهمين ليه 🤣

ف والله العظيم أنا كاتب في البوست .. إن ( مارتين لوثر كينج ) الأسمراني ... أبوه سمّاه علي إسم ( مارتين لوثر ) الأصلي .. لما راحوا لألمانيا و هو ( الأسمراني يعني ) لسة صغنن .

و السبب هو إن أبو مارتين لوثر الأسمراني .. إتأثر جداً بمارتين لوثر الأبيضاني ... و تأثيره الضخم في تحرير أجيال من سيطرة فساد .

بل إن أبوه ( أبو الأسمراني يعني) سمّي نفسه هو كمان (مارتين لوثر ) ..

و أصبح أسامي الأب و الإبن هي :

مارتين لوثر الكبير - Martin luther king senior

مارتين لوثر الصغنن - Martin luther king junior .

تمام كده ؟! ..

هل المفروض كمان أشرح إن إستخدامي ل صورة ( الشيخ عرابي ) .. المقصود بيه هو الإشارة للفساد الديني عموماً ؟! 🤣

و إني ماقصدش إني مفكّر إن دي هي صورة البابا ليو العاشر 🤣🤣 .

ما علينا ..

المهم .. خليني أشاركك إذن أنا لما قرأت و إتعلمت عن المرحلة دي تاريخياً .. عملت إيه ..

ببساطة .. أنا تسائلت ..

أسئلة زي :

1- إشمعني ؟! .. إشمعني بالذات مقالات مارتين لوثر هي اللي تنتشر بشكل فيروسي في الوقت ده ؟! .. و البيئة اللي إنتشرت فيها المقالات دي ( إجتماعياً و نفسياً و مادياً و ... ) كانت معالمها إيه ؟! .

و سبب السؤال ده بالذات .. هو إن علي مدار تاريخ البشرية دايماً .. كان في فساد و ظلم ..

ف إشمعني بقي ؟! .. كلام مارتين لوثر ينتشر بالمنظر ده ؟! ..

في حين إن حد زي ( كارل ماركس ) مثلاً .. إبن بلده بالمناسبة ( ألماني برضو ) .. و جه بعده ب 300 سنة تقريباً ..

لكن كلامه مانتشرش في نفس الدوائر الإجتماعية !! .

2- 1500 سنة من سيطرة الكنيسة الكاثوليكية دينياً علي أوروبا .. في حين إن الناس ماكنتش بتعرف تقرأ و لا تكتب .. و أغلب الرٌهبان حتي ماكانوش قرأوا الإنجيل ..

إذن .. هل كان في محاولات قبل مارتين لوثر لتصحيح الوضع ده ؟!

و حصل إيه في المحاولات دي ( لأنها كانت قبل إنتشار الطباعة ) .

3- الكنيسة كان مٌسيطر عليها تمااااااااااماً فساد عيلة ميديتشي .. لكن الفساد البشري بطبعه هو أكبر عدو لنفسه .. هل ده إختلف كتير عن وضع العالم حالياً ؟! .

4- الفترة دي هي نفس الفترة اللي عاش فيها أحد أشهر العقليات السياسية في التاريخ ( نيكولو ميكيافيللي ) .. الراجل ده كان رأيه إيه في اللي بيحصل ده كله ؟!

5- ال95 مقال اللي كتبهم مارتين لوثير ( خلال أسبوعين تلاتة بالمناسبة 😅) .. كان بيقول فيهم إيه ؟!

6- في أواخر حياة مارتين لوثر بالمناسبة .. كتب أحد أشهر سلاسل مقالاته ( عن إزاي الي8ود دول ولاد ستين في سبعين .. و المفروض يتم إستئصالهم من أوروبا بالكامل ) 🤣🤣🤣..

متخيل ؟!

الراجل اللي قسم الأرض نصين تقريباً بأفكاره .. طلع متفق في آراءه مع شعبان عبد الرحيم في أغنيته الشهيرة ( أنا باكره إ$^يل ) 🤣

طب إيه اللي حصل بناءاً علي الكلام ده ؟!

و هو ليه قال كده أساساً ؟!

و هل ده كان أحد أسباب إن ( 8تلر ) بلدياته .. كان متضايق من الجماعة دول برضو ؟!

و أسئلة تانية كتيييييييييييييييييييييييييير أوي ...

الأسئلة دي كلها لو ملاحظ .. مش الهدف منها إني أعرف ( حصل إيه ) ..

و لكن إني أعرف ( اللي حصل ... حصل ليه ... و حصل إزاي ) .

لأن .. زي ما شرحت ..

الإنسان .. هو نفس الإنسان ماتغيرش ..

و لو مارتين لوثر كان عايش حالياً ... هل كان حينشر ال95 مقال بتوعه .. ك فيديوهات تيكتوك ؟! 🤣

و الله أعلم .

ده كان مٌجرد بوست مٌختصر عشان اللي مستعجل أو خٌلقه ضيّق زي ما شرحت ..

باقي البوستات الطويلة اللي باخد غٌطس فيها في الأسئلة اللي فاتت دي كلها .. لاحقاً إن شاء الله .

>

>

>

** الصورة المٌستخدمة ل ( مارتين لورنس 🤣🤣🤣🤣 ) المرة دي

تمّ القيد 15

من تعليقات القرّاء

28 تعليقاً على فيسبوك، كما تظهر هناك للعامة.

  1. Amr Nawar 3 تفاعل

    الصورة لمارتين لورنس ولكن من الفيلم اللي بيرجع فيه للعصور الوسطى إذن يبقى معنا واحد مارتين+ عصور وسطى= شغال وماشي مع السياق 😂

  2. Toka El Nadeem 2 تفاعل

    أنا متابعاك من فترة قليلة ومش عارفة متابعينك خلقهم ضيق ليه🙂 قلل إيموچيز، جمع البوستات عشان تايهين، البوست طويل، قلل ساركازم .. مش عايزين حاجة تانية مع الأوردر؟ هو حاجة من اتنين ... يا الصفحة مستهدفة فئة عمرها أقل من اللي المفروض تتوجه له أو أكبر من اللي المفروض تتوجه له 😅 عشان الميلينيالز كده كده بيكبروا دماغهم ورايقين ف الفترة دي من عمرهم .. هيتبسطوا ويستكنيصوا بالمكتوب وخلاص من غير وجع دماغ .. كمل يا فندم ربنا معاك😅😅 مستنية البوستات الطويلة اللي هتجاوب فيها على المليون ليه دول

  3. Ghada Abd Elmohsen 1 تفاعل

    لورنس من لوثر مش فارقه بس ياريت ننجز عشان اعرف الباقى 😒😒

  4. وليد حسين عاطف 1 تفاعل

    جهد مشكور و ثقافة عالية استمر يا عزيزي .. لكن لي عندك طلب لو أمكن .. إنك تخفف من الأسلوب الكوميدي لأن ما تكتبه رائع و يستحق الجدية في طريقة عرضه .. مجرد رأي خاص بي ✋

    مرفق مع التعليق: صورة

  5. Mai S Mohammed 1 تفاعل

    اكتر حادثة بتثير اهتمامي في التاريخ حادثة قتل الارشيدوق اللي اتسببت في الحرب العالمية الاولى الراجل حرفيا راح يغتاله ما لحقوش لف من طريق تاني لقاه و السبب مافيش مش عارفه ايه العلاقة بس مخي رابط بين مارتين لوثر و الحادثة دي

كل التعليقات المحفوظة (28)
  1. فوز سلطان

    قبل ما نقرأ شفت التعليق بتاعي بتاع متعدد الشغف

  2. Sa Mi

    تحياتي 😂

  3. Ghada Abd Elmohsen 1 تفاعل

    لورنس من لوثر مش فارقه بس ياريت ننجز عشان اعرف الباقى 😒😒

  4. سامر المصري 1 تفاعل

    Nabil Kotb

  5. وليد حسين عاطف 1 تفاعل

    جهد مشكور و ثقافة عالية استمر يا عزيزي .. لكن لي عندك طلب لو أمكن .. إنك تخفف من الأسلوب الكوميدي لأن ما تكتبه رائع و يستحق الجدية في طريقة عرضه .. مجرد رأي خاص بي ✋

    مرفق مع التعليق: صورة

  6. Emad Aldin Heeba

    اديني متابعك اهو وباحاول اربط المعلومات ببعضها

  7. Muhammad Hassan

    متعه في السرد تسلسل الأحداث وربط المواضيع نحن محظوظين بيك والله ♥️

  8. عصام عياش

    لو مارتين لوثر ده مظهرش وعمل مذهبه الجديد ده كانت المسيحية تقلصت جدا والاسلام توسع جدا

  9. Mai S Mohammed 1 تفاعل

    اكتر حادثة بتثير اهتمامي في التاريخ حادثة قتل الارشيدوق اللي اتسببت في الحرب العالمية الاولى الراجل حرفيا راح يغتاله ما لحقوش لف من طريق تاني لقاه و السبب مافيش مش عارفه ايه العلاقة بس مخي رابط بين مارتين لوثر و الحادثة دي

  10. Khaled Salem

    أمتعتنا بأسلوبك وسرديتك الممتعه تحياتي لحضرتك

  11. Dina Abdallah

    تم

  12. Dina Abdallah

    تم

  13. Amr Nawar 3 تفاعل

    الصورة لمارتين لورنس ولكن من الفيلم اللي بيرجع فيه للعصور الوسطى إذن يبقى معنا واحد مارتين+ عصور وسطى= شغال وماشي مع السياق 😂

  14. Ahlam Marwan

    ..

  15. AL MitwalLey

    أيموشنات الضحك اللى بتكتب بيها بضنتني جدا وانا بقرأ ي صديقى وخلتني مكمل وانا متضايق وحاسس بسطحية، أسلوبك الساخر ف بعض النقاط وصلنى كويس من غير الايموشنات المبتذلة دى على فكرة وكمان التبسيط ف المعلومة حلو.. بس ابوس ايدك بلاش ايموجي عشان فقيعة أوى ولو ضاقت بيك اوى ابقى حط واحد ولا اتنين بكتيرك أوى😑 وانا مبعدّلش عليك إنما رأي وقلته 🙏🏽

  16. مدحت عماره 1 تفاعل

    منتظرين

  17. Jehad Abdulmagid

    بصراحة البوستات حلوة لكن مفرقة وضايعة من بعض انا اول مرة اتابعك لكن مش عارفة امسك موضوع على بعضه ياريت في اخر بوست لكل موضوع حط روابط كل البوستات المتعلقة مترتبة عشان يبقى سهل نقرا من الاو

  18. Noor S Adeeb

    انت عظيم ما شاء الله السرد و ربط المواضيع ممتع ومفيد جدا 🙏🏻🙏🏻

  19. Ahmed Sultan

    لو امكن حضرتك تضيف لينكات للاجزاء السابقة

  20. Alaa Metaweh

    شكرا للمعلومات القيمة و الأسلوب الممتع بس ناس كثير وانا منهم مستنيين التفاصيل مهما كان البوست طويل لان الموضوع بالنسبة لى جديد و مهم

  21. Neama Magrbia

    حضرتك مفكرتش تعمل فيديوهات زي الدحيح 🤔

  22. Toka El Nadeem 2 تفاعل

    أنا متابعاك من فترة قليلة ومش عارفة متابعينك خلقهم ضيق ليه🙂 قلل إيموچيز، جمع البوستات عشان تايهين، البوست طويل، قلل ساركازم .. مش عايزين حاجة تانية مع الأوردر؟ هو حاجة من اتنين ... يا الصفحة مستهدفة فئة عمرها أقل من اللي المفروض تتوجه له أو أكبر من اللي المفروض تتوجه له 😅 عشان الميلينيالز كده كده بيكبروا دماغهم ورايقين ف الفترة دي من عمرهم .. هيتبسطوا ويستكنيصوا بالمكتوب وخلاص من غير وجع دماغ .. كمل يا فندم ربنا معاك😅😅 مستنية البوستات الطويلة اللي هتجاوب فيها على المليون ليه دول

  23. Yaso Jnidi

    عاوزين حاجة مترابطة بدون تشتيت لو سمحت

  24. محمد علي

    متابع

  25. ابوطالب عبد الحميد

    ما وجه الاستفادة من هذا المقال

  26. Dena Mhmoud Mahll

    م

  27. Nourhan Elessily

    لأ هو اللي مضايق متابعينك اني خلصت البوست الطويل ومطلعتش بمعلومة مفيدة لانها قشور معلومات وبتستفيض في الفكاهة لحد ما بتبوخ البوست كان هيبقى جميل لو مركز على جانب عاوز تقوله ومرتب افكارك فيه كويس ومتحشرش الفكاهة فيه حشر.. وحاول توفي اي مارتن من المارتنات حقه في البوست بدل اللغبطيطة