الدفتر

القيد 3 من 20

عيلة ميديتشي 7 دقيقة قراءة

لو مش متابع حتي الآن إيه الحوار .. ده البوست التالت في القصة .

الصورة التي نشرها إسلام مع هذا المنشور
254تفاعل 17تعليق 54مشاركة المنشور الأصلي على فيسبوك

إحنا بنحكي عن الإبداع الغربي فيما يٌسمي ب ( عصر النهضة ) :

يعني ( ليوناردو دافنشي ) .. اللي هو رسم الموناليزا .. و لوحة العشاء الأخير .. و مايكل أنجلو .. اللي نحت تمثال ديفيد .. و رافاييل .. و دوناتيلو 🤣🤣 .. و غيرهم بقي من الأسامي المشهورة زي ( شكسبير , دانتي , جاليليو , .... ) و كل الشلة دي .

و لكن ..

الحكاية مش عن قد إيه هما كانوا مٌبدعين جداً .. و جامدين زوحليقة ..

و لكن عن ال : عالم بتاعهم و زمانهم .

العالم اللي هما عاشوا فيه .. و قدر يوفر لهم البيئة اللي تساعدهم يبدعو علي نفسهم بالحرية دي .

من غير ما يكونوا قلقانين ب إقساط عربية أو موبايل أو شقة .. و لا قلقانين ب سعر بنزين 🤣 .

ليوناردو دافنشي مثلاً .. كان عايش واكل شارب نايم و بيلعب بلايستيشن ليل نهار في حضن عيلة إسمهم :

ميديتشي .

في البوستين اللي فاتوا .. بدأنا القصة من الأول ( من أول إزاي و ليه أساساً بنحكي القصة دي .. و تاريخ أوروبا السريع جداً من لما كانت إمبراطورية رومانية .. و بعدين الفايكنج خدوها فوق سطح الواد حمادة ورا مصنع الكراسي .. و بعدين فترة عصور الظلام .. )

و بعدين في البوست التاني ... حكينا سريعاً جداً بالحلمنتيشي قصة : تاجر البندقية .. بتاعت شكسبير .

و السبب .. هو اللي حنشرحه دلوقتي ... و هو : الربا .

عايز تفهم جزء كبير جداً من تاريخ أوروبا ؟!

يبقي لازم تعرف تاريخ الربا ..

أولاً : يعني إيه "الربا - Usury " أصلاً؟

كلمة "Usury" جاية من اللاتيني "Usura" يعني "الاستخدام" أو "الانتفاع" — ووقتها كانت بتتقال على أي فايدة على قرض.

مش زي دلوقتي، اللي بقت كلمة "ربا" = فايدة عالية قوي، إنما زمان كانت أي فايدة = ربا.

يعني الموضوع بدأ كده:

في الأول: أي فايدة = حرام.

بعدين قالك: لا، الفايدة لو عالية قوي تبقى ربا.

ودلوقتي؟ كل الفايدة بقت "بيزنس عادي"، ما عدا اللي بتفقر الناس بسرعة، سموها "استغلال".

يعني باختصار:

كل حضارة كانت تبدأ بمنطق "حرام تربح من معاناة الناس"… وبعدين الاقتصاد يلبس نظارة شمس، ويقولك "بس لازم السوق يتحرّك يا جماعة 😎".

ثانياً : أصل الحكاية – زمان أوي بقى

١- في بلاد ما بين النهرين (العراق القديمة)

الناس كانت بتسلف بعض دهب أو قمح، وياخدوا عليه فايدة ٢٠٪ أو ٣٠٪.

اللي ما يسددش؟ يبيع عياله عبيد.

وبعد كام سنة الدنيا تبوّظ، يقوم الملك يقولك: "يلا نعمل ( Jubilee ) .. يعني عفو شامل عن الديون".

الكلمة دي ( Jubilee ) اللي هي إسم البرنامج المشهور جداً علي يوتيوب حالياً .. و المعني ده أحد أسباب التسمية 😎

٢. مصر أم الدنيا بقي و اليونان :

في مصر القديمة، القروض كانت عادي، بس لازم تكون "بحدود يحددها الكهنة و الفرعون و الناس الطيبين في بنك الفراعنة المركزي 🤣".

و لكن الفلاسفة اليونانيين، زي أرسطو مثلاً ، كانوا شايفين إن الربا ده شيء "مش طبيعي" لأن الفلوس المفروض تُمثل القيمة، مش تولّدها .

٣. الرومان :

الرومان كانت ديموقراطية ب ( سوستة ) ولامؤاخذة 🤣 .

يعني :

فيه قانون يمنع الربا الدنيا تعدل و الناس تستريح لكن الأغنياء يطمعوا ، فيسيبوه شوية .. الدنيا تبوظ و الناس تثور ، بعدين يمنعوه تاني… وكل شوية ثورة وشغب عشان الناس غرقانة في ديون.

يعني باختصار: كل مرة كانوا يدوها حرية شوية، الأغنيا ياخدوا كل حاجة، الفُقرا يثوروا، فيرجعوا يحرموا الربا تاني 😂

ثالثاً : مرحلة المسيحية :

مذكور في التوراة بوضوح:

"لا تُقرِض أخاك بربا." ..

لكن جه ناس زي بتوع أصحاب السبت بالظبط ( اللي بيحبوا يمشوا دماغهم بالفهلوة علي النص الديني ) .. و قالوا تفسير الكلام كالتالي :

إنت ماينفعش تاخد فايدة من "أخوك" تمام .. لكن مين أخوك ؟! .. أخوك في الدين بس .. لكن من الأجانب اللي مش علي نفس الدين بتاعنا ؟

خد ربا براحتك عادي 😂 .

(يعني برضو فيها تحيّز طبقي وديني من بدري 😅)

فلما جاء سيدنا عيسي عليه السلام .. في كل ما نٌقل عنه في المرويات المسيحية القديمة و الجديدة .. ماقالش بالحرف "الربا حرام " ،

و لكن في جُمل بتكسر المنطق الربوي تمامًا، زي:

"اقرضوا ولا تنتظروا شيئًا في المقابل."

و في حادثة متوضحة تاريخياً .. لما دخل الهيكل وطرد الصيارفة ( الناس اللي شغالة في الفلوس و المضاربات و البورصة و وول ستريت يعني 🤣 ) ، كان بيطرد بالرمز فكرة تحويل العبادة إلى تجارة.

فالكنيسة بعدين فهمت الرسالة دي على إنها:

"لو بتحب أخوك، ماينفعش تربح من ضيقته."

وبالفعل، في القرن الرابع الميلادي، الكنيسة طلعت قرار رسمي:

الربا = خطيئة = طريق مباشر لجهنم.

رابعاً : أوروبا الوسطي .. بعد ما الكنيسة و الممكلة بقت إيد واحدة 🤣

الكنيسة كانت واخدة الموضوع بمنتهى الجدية .. و لكن :

الملوك عايزين حروب ،

التجار عايزين سفن ينافسوا بيها .. و ماعهمش يكيشوا 🤣 .. عشان الرزق يحب الخفية و السوق محتاج اللي عضمه ناشف .. صح ؟!

يعني ؟! ..

يعني الناس ( الملوك و التجار ) عايزين فلوس مش موجودة أساساً في السوق ..

عايزين فلوس من الهوا .

وهنا ظهر : عيلة ميديتشي

اللي قالوا ببساطة:

الربا حرام صح ؟! .. آمين يا كنيسة .. و آمين يا ملك .. إحنا تُجار بين دول مختلفة ..

و إحنا مش حناخد فايدة ، إحنا بس حنسلفك .. و لما نقبض .. حنبدّل عملة بعملة…

يعني إيه ؟!

يعني .. أنا حاسلفك 100 جنيه .. و لما تردهم ليا .. ححاسبك علي الجنيه ب سعر الدولار 🤣🤣 .. واخد بالك إنت ؟!

ف الدولار بيزيد .. أقوم قايل لك .. أوعي تفهني غلط .. انا ماقبلش الربا علي نفسي أو علي عيالي ..

لكن .. ال 100 جنيه اللي إنت إستلفتهم مني من شهر .. كانوا بيجيبوا مثلاً 10 دولار ..

و دلوقتي .. ال 100 جنيه .. بيجيبوا 7 دولار بس ..

و أنا تجارتي كلها بالدولار ..

يرضيك خسارتي ؟!

تقوم إنت تقول لي ببراءة .. يعني عايز كام ؟! .. أقول لك .. عايز نفس ال 100 جنيه اللي يجيبوا 10 دولار دلوقتي ..

يعني :

أنا دلوقتي عايز بتاع 143 جنيه علي الأقل عشان بس أجيب نفس ال 10 دولار تاني ..

شايف البراءة ؟! 🤣🤣🤣🤣

لو الحساب اللي فوق ده صعب بالنسبة لك ... ماتشغلش بالك ..

هو هو نفس الربا، بس بـ مكياج ديني .. ب ( فهلوة ) ...

خصوصاً لما تروح رايح بعد كده للملك .. و للكنيسة .. و تتبرع بفلوس كتير عشان إنت راجل كسّيب و بتساعد الناس 🤣🤣 .

وهنا اتولدت فكرة المحاسبة المزدوجة اللي تقدر تخبي بيها الربا جوه ورق رسمي شكله بريء جدًا.

خامساً :

لو كل اللي فوق ده .. حسسك إننا بنتكلم عن اليهود ... إنت صح .

الكنيسة حرّمت على المسيحيين الربا،

بس اليهود ماكانوش خاضعين لقانون الكنيسة،

وماكانش مسموح لهم يشتغلوا في أراضي أو نقابات.

فماكانش قدامهم غير التجارة والتمويل.

ف بقوا هم اللي بيسلفوا الملوك والنبلاء،

وهم نفس اللي المسيحيين بعدين رسموهم كـ "شايلوك الشرير" ( فرواية تاجر البندقية في البوست اللي فات ) .

و لكن المسيحيين نفسهم (زي الميديتشي) يعملوا نفس الربا، بس بكرافتة وشهادة من البابا 🤣

و الخناقة الظريفة دي ( بين الفلوس اليهودية في أوروبا .. و الفلوس اللي شغالة بطريقة اليهود في أوروبا ) .. هي اللي فضلت مستمرة لحد الحرب العالمية الأولي و التانية بالمناسبة .. و حتي يومنا الحالي .

في البوست القادم إن شاء الله ..

حاشرح أكتر ( بشوية تفصيل ) عن تشعب العائلات الحاكمة الحقيقية في أوروبا ( يعني القوي الإقتصادية ) اللي تواجدت زي عيلة ( ميديتشي ) دول ..

و سبب رعايتهم و حنيتهم علي دافنشي و باقي مٌبدعين الزمن ده ..

و تسلسل نمو أوروبا ل خارج أوروبا ( يعني بداية الإستعمار الأوروبي للعالم ) .

و الله أعلم .

*** سبب الصورة :

منين ما باتخيل علاقة دافنشي ب عيلة ميديتشي .. الصورة دي بتيجي في دماغي 🤣🤣 .. و طنط ميديتشي بتقول له بعد ما رسم الموناليزا مثلاً " خد هاتلك عسلية " 🤣🤣 🤣🤣 🤣🤣

تمّ القيد 3

ردود إسلام في التعليقات

ما كتبه إسلام تحت هذا المنشور، مع التعليق الذي ردّ عليه.

  1. عبدالرحمن سالم 4 تفاعل

    البوست الرابع هينزل امتى 🫣 جمدان كم المعلومات بالسردية اللطيفة بتاعتك دي ياريت السلسلة دي تتسجل حلقات برودكاست حتى لو صوت بس..

    إسلام أسامه الجويلي 1 تفاعل

    عبدالرحمن سالم إن شاء الله خلال أيام فعلاً ممكن أنزلها صوتية

  2. محمد علي حسن 1 تفاعل

    منشور هايل (لكن لي ملاحظة بسيطة جدا أتمنى تكون مفيدة، لزيادة دقة السردية) إنبوكس

    إسلام أسامه الجويلي 1 تفاعل

    محمد علي حسن حالقي نظرة علي الرسائل حاضر إن شاء الله

  3. Ahmed Taha

    فى مثال ال 100 جنية وال 10 دولار دا مثال منطقى ومفهوش ربا على حد علمى مينفعش اسلف حد 1000 جنية وبعد 5 سنين اخدهم 1000 زى ما هما لان العملة قيمتها بتنخفض المفروض يكون فى معيار ثابت نحتكم له الدهب نشوف دا كان يجيب دهب قد اية وقتها وتدينى نفس القيمة

    Manal Shelkamy

    Ahmed Taha طاب لو العكس حصل ال ١٠٠٠ ج ترجع اقل ؟؟؟ينفع؟

    Ahmed Taha

    Manal Shelkamy لازم يبقى فى معيار ثابت ال اقصده اه حتى لو العملة زادت رغم انى معرفش عملات ورق بتزيد

    Mohamed El-Banna

    Ahmed Taha حبيبي الغالي..اللي انت بتتكلم فيه ده هو الربا اللي يخلد بصاحبه في نار جهنم..انا اخدت منك 100 جنيه ارجعهملك 100 جنيه ..اخدت منك 100 ريال ارجعهملك 100 ريال..اخدت 100 جرام دهب ارجعهملك 100 جرام دهب. الجنيه يقل بقى و تخسر انت او لو استفلت منك دهب و كسبت انت مش مهم بس زي ما استلفت بترجع ايا كانت الصورة او العملة

    Ahmed Obaiedallah

    ده عين الربا .. لو عايز تحسب بالدهب يبقى تسلف دهب من الأول رد القرض بنفس عملة وقيمة القرض نفسه مش قيمة متوهمة

    إسلام أسامه الجويلي 1 تفاعل

    أشكركم جداً علي نقاش النقطة دي .. لأنها مهمة جداً فوجهة نظري .

    الأسلوب اليهودي في الربا : هو إن المٌقرض دائماً و أبداً في النهاية كسبان ..

    وفي حالة عيلة ميديتشي .. معيار العملة هنا متغير بإرادة المٌقرض ... يعني .. كانوا بيطلبوا إسترداد قيمة الديون بأى عملة من إختيارهم .. و العملة اللي تكسّبهم أكتر .. هي دي اللي كان بيوافق عليها الملك و الكنيسة .

    ده هو الأسلوب اليهودي بالظبط ..

    و لكن .. لأن كان بالنسبة للمتشددين دينياً .. علي الورق .. إن المبلغ المٌسترد هو نفس المبلغ المٌقرض .. كانوا مابيلاقوش قدرة علي الإعتراض .. خصوصاً إن قيادات الكنيسة و الدولة كانوا متواطئين .

    و زي ما شرحت .. الربا علي مدار التاريخ .. كان دائماً و أبداً مٌحرم و مكروه ..

    و لكن في كل مرحلة زمنية علي مدار التاريخ .. كان الربا بيسيطر .. كانت النهاية هي هلاك المجتمع اللي سيطر عليه الربا .. حتي لو المجتمع ده عاش إزدهار مؤقت لمدة مئات السنين ( زي حالة عصر النهضة ) .

    في عالمنا الحالي .. النظام الإقتصادي العالمي عمره لم يتخطي ال 150 سنة .. لسة طفل يعني ..

    و لكن لأن مٌعدل عمر الإنسان 70 سنة مثلاً .. بننسي إن العالم المٌختل الحالي .. مش هو الطبيعي إطلاقاً ..

    و الله أعلم .

    Ahmed Gaber

    Ahmed Taha كلامك مظبوط مفيش حاجة اسمها الربا في الفلوس او النقد في الاسلام الربا ما يكون علي ذهب او فضة وهذة هيا عملة الله في الارض انما النقود الورقية لعبة مصرفية ومجرد سلعة

من تعليقات القرّاء

17 تعليقاً على فيسبوك، كما تظهر هناك للعامة.

  1. عبدالرحمن سالم 1 تفاعل

    Mohamed Saber انا عارفك راجل مثقف وفيلسوف والسلسلة دي هتعجبك 😉

كل التعليقات المحفوظة (17)
  1. عبدالرحمن سالم 4 تفاعل

    البوست الرابع هينزل امتى 🫣 جمدان كم المعلومات بالسردية اللطيفة بتاعتك دي ياريت السلسلة دي تتسجل حلقات برودكاست حتى لو صوت بس..

    إسلام أسامه الجويلي 1 تفاعل

    عبدالرحمن سالم إن شاء الله خلال أيام فعلاً ممكن أنزلها صوتية

  2. عبدالرحمن سالم 1 تفاعل

    Mohamed Saber انا عارفك راجل مثقف وفيلسوف والسلسلة دي هتعجبك 😉

  3. Samaah Zohair 1 تفاعل

    عبقري والله👏🏻👏🏻

  4. محمد علي حسن 1 تفاعل

    Usama Ahmed

  5. محمد علي حسن 1 تفاعل

    منشور هايل (لكن لي ملاحظة بسيطة جدا أتمنى تكون مفيدة، لزيادة دقة السردية) إنبوكس

    إسلام أسامه الجويلي 1 تفاعل

    محمد علي حسن حالقي نظرة علي الرسائل حاضر إن شاء الله

  6. Tamer Elewady 1 تفاعل

    You're just AMAZING..WOW

  7. Ahmed Taha

    فى مثال ال 100 جنية وال 10 دولار دا مثال منطقى ومفهوش ربا على حد علمى مينفعش اسلف حد 1000 جنية وبعد 5 سنين اخدهم 1000 زى ما هما لان العملة قيمتها بتنخفض المفروض يكون فى معيار ثابت نحتكم له الدهب نشوف دا كان يجيب دهب قد اية وقتها وتدينى نفس القيمة

    Manal Shelkamy

    Ahmed Taha طاب لو العكس حصل ال ١٠٠٠ ج ترجع اقل ؟؟؟ينفع؟

    Ahmed Taha

    Manal Shelkamy لازم يبقى فى معيار ثابت ال اقصده اه حتى لو العملة زادت رغم انى معرفش عملات ورق بتزيد

    Mohamed El-Banna

    Ahmed Taha حبيبي الغالي..اللي انت بتتكلم فيه ده هو الربا اللي يخلد بصاحبه في نار جهنم..انا اخدت منك 100 جنيه ارجعهملك 100 جنيه ..اخدت منك 100 ريال ارجعهملك 100 ريال..اخدت 100 جرام دهب ارجعهملك 100 جرام دهب. الجنيه يقل بقى و تخسر انت او لو استفلت منك دهب و كسبت انت مش مهم بس زي ما استلفت بترجع ايا كانت الصورة او العملة

    Ahmed Obaiedallah

    ده عين الربا .. لو عايز تحسب بالدهب يبقى تسلف دهب من الأول رد القرض بنفس عملة وقيمة القرض نفسه مش قيمة متوهمة

    إسلام أسامه الجويلي 1 تفاعل

    أشكركم جداً علي نقاش النقطة دي .. لأنها مهمة جداً فوجهة نظري .

    الأسلوب اليهودي في الربا : هو إن المٌقرض دائماً و أبداً في النهاية كسبان ..

    وفي حالة عيلة ميديتشي .. معيار العملة هنا متغير بإرادة المٌقرض ... يعني .. كانوا بيطلبوا إسترداد قيمة الديون بأى عملة من إختيارهم .. و العملة اللي تكسّبهم أكتر .. هي دي اللي كان بيوافق عليها الملك و الكنيسة .

    ده هو الأسلوب اليهودي بالظبط ..

    و لكن .. لأن كان بالنسبة للمتشددين دينياً .. علي الورق .. إن المبلغ المٌسترد هو نفس المبلغ المٌقرض .. كانوا مابيلاقوش قدرة علي الإعتراض .. خصوصاً إن قيادات الكنيسة و الدولة كانوا متواطئين .

    و زي ما شرحت .. الربا علي مدار التاريخ .. كان دائماً و أبداً مٌحرم و مكروه ..

    و لكن في كل مرحلة زمنية علي مدار التاريخ .. كان الربا بيسيطر .. كانت النهاية هي هلاك المجتمع اللي سيطر عليه الربا .. حتي لو المجتمع ده عاش إزدهار مؤقت لمدة مئات السنين ( زي حالة عصر النهضة ) .

    في عالمنا الحالي .. النظام الإقتصادي العالمي عمره لم يتخطي ال 150 سنة .. لسة طفل يعني ..

    و لكن لأن مٌعدل عمر الإنسان 70 سنة مثلاً .. بننسي إن العالم المٌختل الحالي .. مش هو الطبيعي إطلاقاً ..

    و الله أعلم .

    Ahmed Gaber

    Ahmed Taha كلامك مظبوط مفيش حاجة اسمها الربا في الفلوس او النقد في الاسلام الربا ما يكون علي ذهب او فضة وهذة هيا عملة الله في الارض انما النقود الورقية لعبة مصرفية ومجرد سلعة

  8. Ayman Victor

    مرفق مع التعليق: صورة

  9. حسن محمد عبد الوهاب 1 تفاعل

    سردية جميلة