الدفتر

القيد 9 من 20

فاصل خارج الترقيم 7 دقيقة قراءة

إتخانقوا بصوت أعلي .. برافو .

الصورة التي نشرها إسلام مع هذا المنشور
42تفاعل 4تعليق 8مشاركة المنشور الأصلي على فيسبوك

فأحد الحوارات مع أحد الأصدقاء قاطني أحد الكمباوندات .. سألني سؤال من أسئلة التريندات 😅.. اللي بتجيب مشاهدات و تعليقات و لايكات😅 .. عن أحد جوانب علاقة الرجل الحديث الحالي .. بالمرأة الحديثة الحالية .. في بيئة العمل و الحياة الحديثة الحالية 😅 .

ف لما رديت عليه بإجابتي اللي إطلاقاً مش للنشر 😎 عشان مابحبش وجع الدماغ 😎 .

رد عليا :

أيوا .. لكن كلامك ده رجعي جداً .. و ماينفعش في عصرنا و زماننا ده .. ولا في الكومباوند بتاعنا ده .

دي مشكلة مشهورة ..

مشكلة ( إنك بتبقي سجين ل شوية ديكورات من ورق ) محيطة بيك .. و الديكورات الورق دي .. بتأثر بشكل ضخم جداً في آرائك و تفكيرك و تصرفاتك .. لأنك بتظن إنها أحجار غير قابلة للكسر .. خالدة منذ قديم الأزل .

الحقيقة هي .. إن علي مدار التاريخ .. الإنسان .. لم يتغير في تركيب وعيه أى شيء .... إطلااااااقاً ..

نفس ما كان ينطبق ( نفسياً و عضوياً ) علي رجل الكهف و إمرأة الكهف .. هو بالظبط نفس ما ينطبق ( نفسياً و عضوياً ) علي رجل الكومباوند و إمرأة الكومباوند .

و لكن ..

لأن ديكور الكومباوند ( الورق الهش ) هو كل ما رآه أعين رجل الكومباوند و إمرأة الكومباوند ..

ف بيظنوا بالخطأ إنهم مختلفين .. و بياخدوا قرارات حياتية مٌعتمدة علي إن الديكورات الهشة دي .. تفضل موجودة ..

و بمجرد ما الديكورات دي .. تتعرّض لأى نسمة هوا بسيطة .. و تتغير أو تقع ..

بيتفاجئوا ..

بيتفاجئوا إنهم في الحقيقة ماختلفوش إطلاااااااااااااااقاً .. عن أجداد أجداد أجداد أجدادهم ..

مثلاً :

فخلال كل ما قرأته و راجعته عن فترة ( عصر النهضة ) فأوروبا مثلاً خلال الأيام اللي فاتت و أنا باكتب سلسلة البوستات عنها ..

واضح جداً إن الإنسان ماختلفش ..

نفس الدوافع ماتغيرتش .. نفس المخاوف .. نفس الأطماع ..

مثلاً .. إيه سبب إن أغلب أسامي ( عصر النهضة ) المشهورين .. كانوا شواذ جنسياً ؟! ..

دافنشي , دوناتيلو , مايكل أنجلو , لورينزو الجامد زوحليقة 🤣, ... و غيرهم كتير .. لحد أكبر المراكز في القوة السياسية ( الأباطرة و الملوك ) .. و لحد أكبر المراكز في القوة الدينية برضو ( الكنيسة الكاثوليكية ) ..

و غير ال ( شذوذ الجنسي ) .. كان في ( ولاد حرام كتير 😅= يعني أطفال نتجوا عن علاقات غير شرعية ) ..

و منهم اللي وصل لأعلي المراكز ( السياسية و الإقتصادية و الدينية ) .. و لكنه كان في الأساس غير معروف النسب .. و ده شكّل جزء كبير جداً من مرجعية قراراته ..

في أبحاث كتير إتعملت عن الجزء ده من حياة و ثقافة أوروبا في عصر النهضة .. عشان تحاول تفهم السبب ..

مثلاً :

إن الزواج العادي ( رجل و إمرأة ) كان صعب جداً جداً .. لأن زي ما شرحت .. مجتمع أوروبا في الفترة دي .. كان مجتمع طبقي جداً جداً ..

و كانت كل أسرة بتعتبر ( عذرية بنتها ) هي التذكرة اللي حتسمح لها بإنها ترتفع درجة إجتماعية .. لما تجوزها ل رجل من درجة إجتماعية أعلي .

و فنفس الوقت .. كانت الكنيسة الكاثوليكية .. بتحرّم الطلاق .. و بتحرّم تعدد الزوجات .

فبالتالي .. أصبحت أى علاقة زواج بالنسبة للرجل القادر .. عبارة عن إستثمار سياسي و إقتصادي .. و مش علاقة مبنية إطلاقاً علي ( حب أو إعجاب نفسي أو جنسي ) ... و طالما مافيش طلاق .. يبقي لازم يختار بعناية جداً .. مين هي اللي ينفع تبقي مراته ( عشان يحافظ علي وضعه المادي و الإجتماعي ) .

و بالنسبة للأنثي زي ما شرحت .. أصبحت علاقة بيع و شراء .

فتكون النتيجة إيه ؟! .

إن الطاقة الجنسية الضخمة الطبيعية عند الإنسان .. تبحث عن مخرج غير طبيعي ..

ف أصبح معظم رسومات و تماثيل الفترة دي .. عبارة عن تعبير مباشر للكبت الجنسي ده ( عند الطبقة المطحونة من الشعب ) ..

و لكن ..

علي الناحية التانية بالكامل ( ناحية الملوك و الأمراء و أعلي طبقات الكنيسة الكاثوليكية ) .. الوضع كان مختلف بالكامل ..

يعني إيه ؟! ..

يعني .. لو إنت غني أو معاك قوة سياسية أو دينية .. فإنت تقدر تمتلك عبيد ( أو إماء ) .. أو تمارس علاقات غير شرعية كما تشاء و أينما تشاء ..

و بالتالي .. أصبحت العلاقات الطبيعية العادية ( رجل و إمرأة في إطار زواج شرعي ) .. علاقات مملة و غير مثيرة إطلاقاً ..

ف بالتالي .. بيختل في عقل الإنسان ( المٌتاح له كل شيء زيادة عن اللزوم ده ) .. مفهوم المتعة الجنسية .. و بيبدأ يتحول في عقله من إنه يكون إرتباط ب مشاعر ( حب و حميمية ) ..

لإنه يكون مرتبط بمشاعر ( قوة و سيطرة ) .

بالظبط زي ما الأكل ( لو أصبح متاح بكثرة و زيادة عن اللزوم و بشراهة ) فأى مجتمع .. بعد فترة .. بيتحول متعة الأكل عند أعلي أفراد المجتمع ده .. لنشاط إستعراضي بحت .. مالوش أى علاقة بغريزة الجوع ..

فكانت النتيجة .. إن طبقة ( الملوك و الأمراء و القوي الإقتصادية و الدينية ) اللي عندهم كل شيء متاح .. بيستخدموا طبقة الشعب المطحونين جداً .. اللي عندهم كبت جنسي فظيع ..

و بيتحول ال ( علاقة الجنسية ) لأغلب منهم .. ل إستعراض و ممارسة سيطرة ..

و أحد أقصي أنواع السيطرة الجنسية .. هي السيطرة الشاذة .. اللي فيها بيفرض رجل سيطرته علي رجل آخر لدرجة إجباره علي دور الخضوع .

و بينتشر الوباء ده بين الطبقة الحاكمة ..

و زي أى موضة .. بتحاول كل طبقة إجتماعية إنها تقلّد الطبقة اللي أعلي منها ..

فبينتشر تدريجياً للطبقات الأقل .. و الأقل ..

لحد ما بيتحول ل نشاط مٌعتاد عليه و مٌتعارف بين المجتمع بالكامل ..

خصوصاً لما يبقي المجتمع ده أساساً .. بيمارس كبت ممنهج للفطرة الطبيعية للبشر .

و لأن زي ما شرحت .. علاقة التلمذة في الوقت ده ( عشان يضمنوا مستقبل ناجح للطفل ) .. كانت بتبقي علاقة (مٌلازمة ) .. و كان التلميذ ( ك طفل عنده 9 سنين تقريباً ) بيروح يعيش بالكامل مع أستاذه ( اللي هو غالباً رجل كبير في ثلاثينياته .. و في الأغلب مكبوت جنسياً .. و بيتم السيطرة عليه من فئات إجتماعية تملكه ) .. فكان الطفل بيتعرض للشذوذ الجنسي بشكل مستمر .. بل مابيعرفش غير الحياة دي تقريباً ..

و بيبقي طبيعي جداً .. و مٌتعارف عليه بعد كده .. إن ده هو طبيعة الحياة و الميول مثلاً .

علاقات الزواج و الطلاق في الكاثوليكية الأوروبية علي مدار ال 2000 سنة اللي فاتوا .. تقدر ترسم منها خريطة واضحة جداً توضح لك سيطرة المصالح و الأطماع .. علي الفطرة البشرية الطبيعية .. مما يؤدي لإنحرافها .

يعني .. لمئات السنين .. كان كل أعضاء الكنيسة ( من أعلي سلطة لأقلهم ) عندهم حرية الزواج عادي ..

و لكن .. لمصالح سياسية و إقتصادية بحتة .. بيتم تغيير ده .. و يصبح قانون ديني ( مٌستجد ) عليهم هو ال ( عزوبية التامة ) ..

و ده مالوش أى مرجعية فأى أصل ديني ! .

و تكون النتيجة ؟ .. سنين و سنين طويلة من تاريخ إنحرافات مٌسجلة و مشهورة ..

و لكن مابيتمّش محاولة تغيير أى شيء لمقاومة الإنحرافات دي .. إلا لما تتحول لقضية ( سياسية و إقتصادية ) .

تقدر تعمل سيرش بإستخدام أى أدوات الذكااء الإصطناعي الحالية .. و تسأل مثلاً :

- إيه وضع الحياة الجنسية في الحضارات المختلفة في الأزمنة المختلفة ؟! .

يعني مثلاً :

إمبراطورية المغول .. كان إيه طبيعة علاقات الزواج و الحرية الجنسية فيها ؟!

الإمبراطورية الرومانية علي مدار 500 سنة ؟!

أفريقيا قبل الإحتلال الأسباني و البرتغالي ؟!

أمريكا الجنوبية و حضارات الإنكا قبل الإحتلال الأسباني و البرتغالي ؟!

ليه تسأل الأسئلة دي ؟!

عشان تشوف تأثير المصالح الإقتصادية و السياسية علي أدق تفاصيل الفطرة البشرية ( و هي أوضة النوم 😅 ) .

ببساطة ..

الفطرة كما ربنا خلقها هي : الإتاحة و التحليل و التسهيل .. في حدود .

زي ما لما بتجوع بتاكل .. و لكن بمقدار .. إن زاد .. أمرضك .. و إن قل .. أهلكك .

الفطرة الجنسية نفس الشيء .. إن صلحت و إتزنت .. تصلح الفرد و المجتمع ..

و إن إختلّت .. بكل تأكيد .... بتهلك الفرد و المجتمع .

هنا بقي .. حييجي حد فتّاك مٌتربص برضو بيدور علي خناقة 🤣 و يسألني :

مش فاهم برضو ... يعني إنت مع ( كذا ) ولا ضد ( كذا ) ؟! ..

و حط إنت بقي أى تريند مكان ال ( كذا ) دي ..

زي مثلاً ( التعدد , كتابة القايمة , أنواع الزواج المختلفة , الإختلاط بأشكاله و أنواعه , ...... ) و كل ما تتمني من التريندات المشهورة .

و حيكون ردّي عليه هو :

قفلت باب الكهف قبل ما تطلع النهاردة ولا سبته مفتوح 🤣 ؟؟!

و الله أعلم .

**** لو عايز تترعب أكتر ... إعمل سيرش عن تطور تريندات الإباحية و الكلمات المٌفتاحية اللي لها علاقة بالشذوذ خلال آخر 20 سنة ..

تمّ القيد 9

ردود إسلام في التعليقات

ما كتبه إسلام تحت هذا المنشور، مع التعليق الذي ردّ عليه.

  1. Yomna Fadel 1 تفاعل

    الريتش عندك في مشكلة بوستاتك مش بتوصل خالص

    إسلام أسامه الجويلي 7 تفاعل

    Yomna Fadel همممممممم ..

    هو الحقيقة إن جزء كبير من ده .. عن قصد ..

    كل ما بيزداد الريتش عندي .. أو ألاقي عدد المتابعين بيزيد بسبب إن بوست معين إنتشر بشكل فيروسي ..

    باتعمد أقلل الكتابة في الأمور العامة المنتشرة ..

    و أكتب في مواضيع نادراً ما تهم العامة ..

    و أكتب بطريقة عارف إن الفيسبوك بيعتبرها لا تستحق النشر بشكل فيروسي .

    الهدف :

    هو إني ماكونش إنفلونسر 😅

    في قاعدة منطقية أساسية .. و هي :

    الأكثرية دائماً علي خطأ .

    فبالتالي .. أى إنسان بيتحول وجوده علي السوشيال ميديا ل وجود يتابعه الأكثرية .. ده معناه وجع دماغ مستمر .. و فتنة لا تنتهي .

    ف أنا قدر المستطاع باحاول أعمل اللي عليا في إني أكتب بما يرضي ضميري و إخلاصي ل نيتي .

    و فنفس الوقت .. باتعمّد إني أهرب من ضوء السوشيال ميديا الحارق .

    و الله أعلم .

  2. فاطمة نور الدين 1 تفاعل

    ايوه انت ليه متعملش سلسله حلقات تناقش فيها موضوع معين

    إسلام أسامه الجويلي 1 تفاعل

    فاطمة نور الدين قدر المستطاع باحاول اعمل ده بين الحين و الآخر ..

    و لكنه بيكون مرهق بالنسبة ليا .. لأني بافقد الإهتمام بسهولة .. و بانسي بسهولة جداً جداً ..

    فبالتالي .. ما لم يتم توجيه أسئلة ( تحفيز خارجي ) ليا بشكل مستمر في موضوع بعينه .. في الأغلب بانتقل لموضوع تاني .

    كما أن : في عقلي .. كل المواضيع مترابطة .. و مابعتبرش إني لما باتكلم عن الفيزياء مثلاً .. إني كده باتكلم في شيء مختلف عن الإجتماعيات أو الدين ..

    في عقلي .. هما غالباً نفس الموضوع .. و لكن من وجهات نظر مختلفة 😅 .. و كتابتي بتكون مجرد محاولة لشرح ده ..

    و الله أعلم .

تعليقات القرّاء

4 تعليقاً على فيسبوك، كما تظهر هناك للعامة.

كل التعليقات المحفوظة (4)
  1. Yomna Fadel 1 تفاعل

    الريتش عندك في مشكلة بوستاتك مش بتوصل خالص

    إسلام أسامه الجويلي 7 تفاعل

    Yomna Fadel همممممممم ..

    هو الحقيقة إن جزء كبير من ده .. عن قصد ..

    كل ما بيزداد الريتش عندي .. أو ألاقي عدد المتابعين بيزيد بسبب إن بوست معين إنتشر بشكل فيروسي ..

    باتعمد أقلل الكتابة في الأمور العامة المنتشرة ..

    و أكتب في مواضيع نادراً ما تهم العامة ..

    و أكتب بطريقة عارف إن الفيسبوك بيعتبرها لا تستحق النشر بشكل فيروسي .

    الهدف :

    هو إني ماكونش إنفلونسر 😅

    في قاعدة منطقية أساسية .. و هي :

    الأكثرية دائماً علي خطأ .

    فبالتالي .. أى إنسان بيتحول وجوده علي السوشيال ميديا ل وجود يتابعه الأكثرية .. ده معناه وجع دماغ مستمر .. و فتنة لا تنتهي .

    ف أنا قدر المستطاع باحاول أعمل اللي عليا في إني أكتب بما يرضي ضميري و إخلاصي ل نيتي .

    و فنفس الوقت .. باتعمّد إني أهرب من ضوء السوشيال ميديا الحارق .

    و الله أعلم .

  2. فاطمة نور الدين 1 تفاعل

    ايوه انت ليه متعملش سلسله حلقات تناقش فيها موضوع معين

    إسلام أسامه الجويلي 1 تفاعل

    فاطمة نور الدين قدر المستطاع باحاول اعمل ده بين الحين و الآخر ..

    و لكنه بيكون مرهق بالنسبة ليا .. لأني بافقد الإهتمام بسهولة .. و بانسي بسهولة جداً جداً ..

    فبالتالي .. ما لم يتم توجيه أسئلة ( تحفيز خارجي ) ليا بشكل مستمر في موضوع بعينه .. في الأغلب بانتقل لموضوع تاني .

    كما أن : في عقلي .. كل المواضيع مترابطة .. و مابعتبرش إني لما باتكلم عن الفيزياء مثلاً .. إني كده باتكلم في شيء مختلف عن الإجتماعيات أو الدين ..

    في عقلي .. هما غالباً نفس الموضوع .. و لكن من وجهات نظر مختلفة 😅 .. و كتابتي بتكون مجرد محاولة لشرح ده ..

    و الله أعلم .