الدفتر

القيد 11 من 20

إختراع الطباعة 12 دقيقة قراءة

النهاردة .. البيتكوين بيساوي تقريباً 4 مليون جنيه و شوية 🙂

الصورة التي نشرها إسلام مع هذا المنشور
1.5 ألفتفاعل 254تعليق 655مشاركة المنشور الأصلي على فيسبوك

من 10 سنين .. يوم ( 23 فبراير 2015 ) .. ده كان اليوم اللي نزّلت فيه أول فيديو علي يوتيوب باشرح فيه يعني إيه ( بيتكوين ) .. و كان يومها تقريباً البيتكوين الواحد بيساوي بالمصري : 250 جنيه 🙂🙂.

و كتبت شوية بوستات طوييييييلة أيامها .. و ناس كتير كسّلت تقرا 🤣😅

ماذا لو كان عندك ( آلة زمن ) إذن ؟! .. تسافر للماضي 10 سنين ؟! ..

طب و بعدين ؟! .. حنفترض إنك فعلاً إشتريت شوية بيتكوين حلوين .. و سقّعتهم .. و جيت النهاردة و طلعتهم من التلاجة و بقيت مليونير ..

لا .. ملياردير ..

يا عم بقيت غني بما فيه الكفاية إنك بقيت بتشتري الجاكيت الشتوي من غير ما تقلش علي تكت السعر و تقول إنه رقم تيليفون المحل 🤣 ..

أمّا بعد ؟!

الحقيقة إنك عند مرحلة معينة .. و بعد ما تشبع كل غرائزك المباشرة السريعة ( حتتجوز اللي نفسك فيها , حتسكن في القصر اللي نفسك فيه , حتاكل بيتزا تشيكن رانش لحد ما تزهق منها 🤣 ) .. بعد كده .. حتكتشف إن في شوية مشاكل في الحياة حواليك .. مهما إمتلكت من فلوس دلوقتي .. صعب جداً .. تغيرها أو تأثّر فيها ..

خليني أقترح عليك إذن رحلة مختلفة شوية .. أطول حاجة بسيطة ..

مش حنرجع في الزمن 10 سنين بس ..

حنرجع 575 سنة بالظبط .. لحد سنة : 1450 .

و إطلاقاً مش عشان نشتري ( بيتكوين 🤣🤣 ) ..

و لكن عشان شيء أهم .. أهم مليارات المرّات من مٌجرد شوية فلوس ..

و لو فهمته ..

حتبقي كسبت أكتر ..

أكتر بكتييييييييير جداً ..

سنة 1450 في ألمانيا .. راجل طيب و إبن حلال إسمه ( يوهانس جوتنبرج ) بيخترع الطابعة ..

آه والله .. بس كده .. الموضوع بسيط خالص ..

إنزل جنب أى محكمة أو مدرسة أو مصلحة حكومية الساعة 9 الصبح .. و شوف في كام مكتبة شغّالين و بيسترزقوا من ( الورقة ب نص جنيه يا فندي ) 🤣 ... سبوبة حلوة و مضمونة 🤣 .

عشان تفهم شوية إحنا بنتكلم عن إيه ..

عايزك تسرح بخيالك معايا و تتخيل العالم قبل ما يتواجد فيه ( مكتبة أبو رحاب لتصوير المستندات ) كان عامل إزاي ..

كان مافيش جرائد ( فبالتالي ماكنش حد بيعرف يلمّع الزجاج إزاي 🤣🤣) ..

لا .. بجد والله .. ماكنش في أى كلام مطبوع إطلاقاً ..

كل حاجة مكتوبة كانت ( بتتكتب ب خط الإيد ) ..

مجهود بشري يدوي .. جبّااااااااااااااار ..

فبالتالي .. كان تمن أى كتاب .. بيساوي تقريباً تمن بيت .. إن لم يكن أغلي ..

اللي هو إنت رايح تتجوز علي مراتك .. تقوم العروسة الجديدة مسبلة في عينيك و قايلة لك ( إكتب لي كتاب ميكي اللي عندك في الخزنة بإسمي عشان أضمن حقوقي ) .

و طبعاً الكتاب ماكنش بيبقي ( ميكي ) .. و لكن أقيم ما يٌمكن أن يٌكتب عموماً .. لأن مش حنفضل نضيع وقتنا إحنا و نجيب كٌتّاب خطهم حلو .. و نعينهم و ندّي لهم مرتب لمدة طويلة فحت .. عشان يكتبوا ميكي .. أو أى قصص عموماً ..

فبالتالي .. الكتب الوحيدة اللي كانت موجودة أيامها كانت أغلبها ( دينية فقط ) .. و بعض كتب التاريخ البسيطة جداً .

لكن .. علوم ؟!!

مين ده المجنون اللي حيكتب علوم ؟! .. و يكتبها ليه ؟! ..

العلوم تٌنقل من الأستاذ للتلميذ مباشرة ( نظام التلمذة المٌلازمة اللي إتكلمت عليه من فترة ) .. و تٌنقل بالممارسة و السماع فقط ..

منطق ؟! فلسفة ؟! أى بتنجان غير دين أو تاريخ ؟! ..

كل ده كان بٌقيقي .. بالبوج .. حنكاً ب حنك 🤣 ..

تخيل كمان حاجة زي ( الخرائط ) ..

إتخيل إن ( جوجل مابس ) بتاعتك .. مختلفة عن ( جوجل مابس ) بتاعت الشخص اللي باعت لك اللوكيشن علي الواتس 🤣 .

إنت معاك خريطة راسمها لك شخص .. مختلفة بالكامل عن خريطة نفس المكان اللي راسمها شخص مختلف .

فمتخيل معاناة الناس تحت الدائري كانت حتبقي عاملة إزاي ؟! ..

بالظبط زي معاناتهم دلوقتي مش حتختلف إطلاقاً .. و ده لأن تحت الدائري عالم لا تخترقه جوجل مابس 🤣

الحقيقة هي إنك كل ما تحاول تتخيل عالم ما قبل ال ( طباعة ) .. كل ما حتكتشف إن ال( طباعة ) هي أحد أهم 3 إختراعات في تاريخ البشرية علي الإطلاق ..

( حاسيبك تخمّن الإتنين التانيين ) .

طيب ..

هما الناس كانوا أغبيا يعني ؟! ..

أنا فاهم إن تشغيل مكنة تصوير المستندات مش ساهل أكيد .. و لكن أبو رحاب ما شاء الله عليه بيشغلها بسهولة لوحده .. و بيصينها كمان ..

إيه الصعب إن الناس كانت تخترع مكنة طباعة ؟!

خليني أشرح لك المكنة الأول شغّالة إزاي ..

إنت حتجيب شوية مكعبات معدن .. و تحفر علي كل مكعب حرف مختلف من 29 حرف بتوع الأبجدية ..

و بعدين ترص الحروف جنب بعض ( علي حسب الكلمة اللي عايز تكتبها .. مثلاً ب ح ب ك ) ..

و بعدين تدهن الحروف دي بالحبر اللي علي مزاجك .. مثلاً بمبي فاقع ..

و بعدين تحط الورقة فوقهم .. و تضغط بكل قوتك .. و شكراً ..

تبص علي الورقة .. تلاقي كلمة ( بلوك ) مطبوعة بكل وضوح .

الموضوع مش صعب .. صح ؟!

غلط .. الموضوع كان صعب .. اوي ..

لأنك إفترضت إنك عارف المكعبات المعدن دي بتتعمل إزاي ( علم سباكة معادن ) ..

و إفترضت إنك عارف الحبر بيتصنّع إزاي ( علم كيمياء ) ..

و إفترضت إنك عارف المكنة اللي حتضغط ب قوة ( تطبع الحبر علي الورق .. من غير ما تقطع الورق ) .. عاملة إزاي .. ( علم هندسة و ميكانيكا ) ..

و الأهم من كل ده ..

إفترضت إنك حيبقي معاك فلوس تقعد تجرّب كل الهري ده ..

ده هو سبب إن ( يوهانس جوتنبرج ) كان فعلاً عبقري ..

الراجل قصته بإختصار شديد فحت كالتالي :

أبوه كان موظف غني أرستقراطي في مصلحة صك عملات معدنية .. و أمه صاحبة أملاك ..

و لكن .. علي أيامهم .. ( زي ما شرحت في بوستات سابقة ) .. كان ورش المهارات اليدوية ب نفس أهمية ال ( VC - شركات الإستثمارات حالياً ) ..

و زي شركات الإستثمار حالياً برضو .. كان أصحاب الورش دي شلل ( Guilds ) في بعضهم .. و بيعملوا لبعض لايكات علي السوشيال ميديا طول الوقت و يمنشنوا بعض في بوستات شكر و تلييف بسبب و بدون سبب 🤣 .

و عند مرحلة معينة .. ال (Guilds ) دول إتخانقوا مع الأرستقراطيين .. و قالوا لهم إنتوا مالكوش قيمة زينا .. إحنا باشمهندسين .. و إنتوا مش مهندسين 🤣 ..

أو تقدر تقول ( مهندسين الموقع إتخانقوا مع ال HR ) .. و نفوهم من الشركة .

يوهانس ده بقي كان إبن ( HR ) .. و شاف الخناقة دي و إتنفي هو و أهله و فلسوا ..

ف طلع عنده عقدة إنه عايز يثبت إنه ( أجدع من أى مهندس / حرفي ) ..

و طلع درس حدادة .. و صناعة دهب .. و هندسة ميكانيكية ..

و عند مرحلة معينة .. قرر إنه عايز يثبت نفسه ب إختراع .. يخلي كل أصحاب ال ( Guilds - شلل ) دول .. مالهومش أهمية ..

و الإختراع ده هو ( الطابعة ) .. و اللي بيها ممكن يتم طباعة الكتب بشكل مستمر و تلقائي و بعدد كبير ..

فبالتالي ... تنتشر العلوم جداً ..

و بالتالي ( كهنوت أصحاب الguilds ) دول .. يندثر ..

و علي مدار 15 سنة .. بيفضل يجرب معادن مختلفة .. و أحبار الكيمياء بتاعتها مختلفة ( عشان الحبر لازم يكون زيتي .. ينفع يلزق عالمعدن .. و يتنقل علي الورق .. و يفضل عايش مايتمسحش زي الأحبار المائية اللي كانت بتٌستخدم في الكتابة يدوياً ) .

و علي مدار ال15 سنة دول .. بيدخّل مستثمر ك شريك معاه ..

راجل معاه فلوس .. و شايف إن الموضوع ده ممكن يطلع منه سبوبة و لقمة عيش حلوة ..

و لكن .. يوهانس كان لا يٌطاق بالنسبة لأى حد ..

كان معقّد .. و خايف إن أى حد يسرق فكرته .. و عنيد .. و بيكره البشر عموماً ..

فالنتيجة إن بعد ما فكرته خلاص كانت نجحت .. و المكنة طلعت قماش ..

شريكه المستثمر بيرفع عليه قضية .. و يكسبها .. و يطرد يوهانس من كل حاجة ..

و يموت يوهانس مفلس .. و أعمي .. 🥲🥲 .

لكن .. بسبب إختراعه .. يحصل التالي .

خلال 30 سنة بالظبط .. يوصل عدد الكتب اللي تم طباعتها حوالين أوروبا بالكامل .. لأكتر من 30.000 كتاب ..

و بعد 30 سنة تانيين .. يوصل العدد ده ل 8 مليون كتاب تقريباً ..

متخيل ؟!!!!!!!

الكلام ده سنة إيه ؟! .. سنة 1500 ...

علي مدار 200 مدينة أوروبية بالكامل .. كان في 8 مليون كتاب ..

في مٌختلف المجالات بقي ..

( ديني , علمي , ترفيهي , ثقافي , ثقافي +18 🤣🤣 , ...... )

و خلال ال 50 سنة دول ( من 1450 ل 1500 ) .. بيوصل تمن أى كتاب ( زي الإنجيل مثلاً ) ..

من إنه كان ب تمن بيت كامل .. لإنه يكون أرخص من تمن ساندوتش شاورما تومية زيادة ..

متخيل ده معناه إيه ؟!

معناه إن كل ( كهنوت ) العلوم .. تم هدمه تماماً ..

أى طفل فأى قرية أوروبية .. أصبح عنده القدرة إنه يتعلّم ..

و ده هو بالظبط اللي حصل .

بداية من 1500 .. بتبدأ أوروبا رحلة مختلفة بالكااااااااااااااااااااااااامل عن رحلة الشرق الأوسط و العالم الإسلامي في الوقت ده .

لأن .. أثناء ما كان التريند في أوروبا هو إن كل حد يفتح ( ورشة طباعة ) تحت بيتهم ..

كان التريند في العالم الإسلامي وقتها هو : ( إنت مش عارف تحفظ كويس ليه ؟! ) .

العالم الإسلامي كان في الحقيقة سابق أوروبا بكتيييييييييييييييييييييييييييير جداً قبل سنة 1500 .. خصوصاً في مجال الكٌتب و العلوم عموماً ..

و ده لأن المسلمين كانوا أخدوا أسرار صناعة الورق من الصين بعد معركة طلاس ( في عهد الدولة العباسية ) ..

قبل كده .. كان أى حاجة بتتكتب .. كانت بتتكتب علي جلود الحيوانات ..

فبالتالي .. كل ما كنت تحب تكتب جواب لحد مثلاً .. تدبح 🤣 .. و ده شيء مرهق جداً اكيد ..

لكن الصينيين كانوا مكتشفين سر صناعة الورق من زماااااان أوي ( قصة الموضوع ده ممكن أشرحها لوحدها في باقي بوستات تاريخ الصين إن شاء الله ) .

المهم ... المسلمين في أحد عمليات رجل المستحيل العباسي ( ن ع 1 ) 🤣.. أخدوا سر صناعة الورق .. و عملوا 3 مصانع ورق في ( بغداد في العراق , القاهرة في مصر , فاس في المغرب ) .

لو تلاحظ .. حتلاقي إن ال3 أماكن دول .. 3 أماكن إستراتيجيين في الدولة الإسلامية .. بحيث إن أى حد يحب يلاقي ورق .. مايمشيش كتير 🤣 .

و فضل سر تصنيع الورق ده .. سر حربي عسكري من الدرجة الأولي ( أهم من أسرار القنابل النووية حالياً حرفياً ) .

و ماتمش تسريب السر ده لأوروبا ( عن طريق أسبانيا - الأندلس ) غير بعد فترة طويلة أوي ..

و خلال الفترة دي .. كانت أحد أهم المهن في الدولة الإسلامية هي : الكتابة و النسخ ..

و علماء مسلمين كتييييييييير جداً .. في سيرتهم إنهم كانوا بيكتبوا و ينسخوا لحد آخر نفس علي فراش الموت .. لإدراكهم أهمية نشر العلم ..

لكن ...

لكن لما إخترعت أوروبا ( ماكينة تصوير المستندات 😅) ..

قررت الإمبراطورية العثمانية في الوقت ده إن :

لااااااااااااااااااااااااااااااا

ماكينة طباعة لاااااااااااااااااااااااااااااااا

و شيوخ و مُفتيين كتير أوي .. طلعوا في التيليفزيونات و السوشيال ميديا بيشرحوا إن إتجاه الدولة هو ( الطباعة حراااااااااااااااااام ) .. إتجاه مناسب و صحيح تماماً 😡..

و كل اللجان الإلكترونية وقتها شيرت أخبار حقيقية فعلاً عن ( الإنجيل القليل الأدب - wicked bible 🤣😅 ) .. و اللي كان مطبوع فيه بالغلط :

( Thou shalt commit adultery = يعني روح إزني يابني إنت قاعد ليه ؟! 🤣 ) .. بدل ( Thou not* shalt commit adultery ) .

و إزاي إن مٌصيبة زي دي ماينفعش أساساً نغامر فيها و نحاول نطبع القرآن مثلاً ..

و طبعاً الفتاوي دي كانت علي مزاج مزاج الإمبراطورية العثمانية وقتها ..

لأن فنفس ذات الوقت .. كانت أخبار إنشقاق بريطانيا عن الكنيسة الكاثوليكية ( و تحولها للإتجاه البروتستانتي ) كانت وصلت للرئاسة العثمانية ..

و إن أحد أكبر أسباب الإنشقاق ده .. هو الوعي الشعبي نتيجة المنشورات بتاعت ( مارتن لوثر ) .. اللي إنتشرت عن طريق الطباعة .

و علي مدار 350 سنة كاملين تقريباً ..

من 1450 ل 1800 ..

بتفضل أوروبا تطبع .. و تتعلم .. و تكتشف .. و تترجم .. و تغلط .. و تصلح .. و تتعلم .. و تطبع ...

و إحنا هنا في العالم الإسلامي .. بنكتب بإيدينا ..

لحد سنة 1727 تقريباً .. بيتم السماح لأول مسلم إنه يطبع كتاب بالعربي ..

و سنة 1874 .. بيتم السماح بطباعة أول نسخة مطبوعة من القرآن الكريم ..

متخيل و فاهم ده أدّي لإيه ؟! ..

بالظبط .. أدّي للي إنت شايف كل نتائجه دلوقتي بالكاااااااااامل ..

إن جاليليو .. نيوتن .. باسكال .. بيرنوللي .. كلود شانون .. آلان تيورنج ... و باقي الأسامي دي كلها تكون : أوروبية .

ليه بقي كل الرغي اللي فوق ده مهم فوجهة نظري ؟!

لأن .. العصر الظريف اللي إحنا عايشين فيه حالياً .. مشابه بشكل كبير جداً ل عصر ( جوتنبرج ) ..

جوتنبرج .. قدر يخلي أى طفل عنده القدرة إنه يتعلم ... مجاناً .. و بكل سهولة ..

و علي مدار ال 600 سنة اللي فاتوا تقريباً .. إزدادت المجانية و السهولة دي .. لدرجة ما إنت حالياً في جيب بنطلونك ولامؤاخذة موبايل .. تقدر تقرأ بيه أى كتاب فأى وقت فأي مكان ..

لكن .. القدرة التنفيذية ؟! .. هي دي اللي محدودة جداً ..

من 5 سنين بس .. كان عشان تقدر تنفذ فكرة في ذهنك .. كنت محتاج ( Guild - شلة ) من المستثمرين و المهندسين و الحرفيين ..

لكن دلوقتي ؟!

دلوقتي تقدر تكتب ( برومبط 😅 ) ..

القدرة التنفيذية كل يوم ( بسبب ال ai ) بتبقي أسهل و أسهل لأى حد .. مهما كان مكانه .. حتي لو طفل فقير في قرية لا يملك إلا موبايل مستعمل بالعافية .

إيه اللي حيحصل نتيجة ل كده بعد 50 سنة ؟!!!!

الله أعلم .

و سؤال كمان ... بعد 10 سنين من دلوقتي .. يا تري حاشيّر البوست ده إن شاء الله .. و أقول إيه ؟! .

الله أعلم .

تمّ القيد 11

من تعليقات القرّاء

254 تعليقاً على فيسبوك، كما تظهر هناك للعامة.

  1. Shymaa Alhosany 41 تفاعل

    اسلوبك حلو بس مفيش ترابط بين اللى بتقوله او مش قادر توصل فكرتك ،انا فاهمة ان البيتكوين في البداية مجرد hook بس بردو مقدرتش افهم عايز توصل لايه

    Mohamed Abdallah 17 تفاعل

    Shymaa Alhosany المثل بيقول اللى سبق اكل النبق هكذا فى البيتكوين اللى عدن بيتكوين اصبح مليونير على الاقل و هكذا الى استخدم الطباعه ( اوربا ) اصبحت يسوس العالم لعهود طويله بسبب العلم و المعرفه هو ده الربط اللى بينهم و بيكمل ان الذكاء الاصطناعى هو استثمار و مطبعه الغد

    نور وبودى 1 تفاعل

    Mohamed Habeb وحضرتك رايك نستفاد منو ازاى

    Mohamed Abdallah

    نور وبودى كافرد او دوله نفكر خارج الصندوق ، الذكاء الاصطناعى بيستثمر فى بالمليارات

    Abdelrhman El Hossiny

    نور وبودى اصلا بيقولك اللي سبق اكل النبق ( النبأ ) ده حد ينفع تناقشه او تقراله بوست اساسا ،، بلوك ياعم

    Yasir Habib 1 تفاعل

    خيال واحلام لأنك وقتها طنت لا تقدر ان تشتري ولو كنت تقدر كنت لن تجد المكان الامين الذي تشتري منه وأن وجدت مكان فلن يسمح لك ان تحول ارباحك لأنهم لا يوزعون فملايين على الناس وأن وجدت الطريقة والمكان ووافق على السحب فلن يسمح لك البنك المركزي بالتحويل لانه هيعتبر ده غسيل أموال صباح الخير الحلم خلص

  2. Sherif Rouby 36 تفاعل

    قرأت اول جزء وجدته هطل لان لو الكاتب كان سمع كلام نفسه و اشترى شوية بيتكوين و بأه دلوقتى ملياردير مكنش كتب بوست اصلا

    Marcoo M. Morgan

    Sherif Rouby حصل جدا جدا

    Acc-MOhamed Hamdy

    Sherif Rouby 😂😂😂😂

    Muhammad Essam

    Sherif Rouby ما هو علشان انت قريت أول جزء بس كتبت رد ملوش علاقة بمحتوى البوست😂

    حسن حمدى

    Muhammad Essam ومين هقرأ ده كله ومفيش اى استفادة من البوست فى حاجة اصلا

    Muhammad Essam

    حسن حمدى بناء على ايه بتقول مفيش استفادة؟

    حسن حمدى

    Muhammad Essam بناءا على الكلام اللى حضرتك كاتبه لو اختصرت كان هيبقي احسن انا مقدرتش اقرا البوست كله ومعرفتش استفاد منه

  3. Hesham Moussa 31 تفاعل

    انا قريت اول كام سطر لحد مبتقول انك كتبت بوست من ١٠ سنين طوووويل الناس كسلت تقرأه، فا عملت سكرول تحت لقيت ان ده كمان بوست طوييييل برضو انت كاتبه بعد ١٠ سنين فا كسلت اقرأه والله 🤣

    Youma Saherr 3 تفاعل

    Hesham Moussa جدع والله مكنتش هتفهم حاجة😂😂😂😂

    Hesham Moussa 1 تفاعل

    Mariam Saherr طيب الحمدلله، انا حسيت ان في هري كتير من الاول عشان كدة مكملتش 😂

    Mohamed Saeed

    حصل 🤚+١

    حسن حمدى

    Hesham Moussa انا عملت نفس الكلام برضه 😂😂😂

  4. Ali M El Hussieny 15 تفاعل

    المقالات الطويله والغير مباشره ساعات بتخلى الواحد يكسل يقرأ فأنت مش كاتب قصص ولا روايات انت عاوز توصل المعلومه والفايده فوفر مجهودك واكتب المختصر عشان الفايده تعم على نطاق اوسع بالتوفيق

    Hyma Ashraf

    Ali Mohammed Ali ليه ياعم فيه ناس بتقرا بال 100 صفحة بس احنا في عصر التيك توك

  5. Laila Waleed 14 تفاعل

    ما فهمتش بردو عاوز تقول إيه بخصوص البيتكوين؟

كل التعليقات المحفوظة (246)
  1. Mostafa Samy Shokry 4 تفاعل

    صراحه مقالات طويله حاول تختصر المقال الطويل علي بوستين

  2. Wael Mekky 1 تفاعل

    مقال جيد استمتعت بقرائته

  3. Sayed Shahin

    مقال رائع جدا

  4. Saqr Zaid Shaaban

    تمااااام اوي

  5. Mohamed Gamal

    شابووو👏🏻🤝🏻

  6. Nana Sophia Kathie 4 تفاعل

    يا رب بعد عشر سنين ما ارجع اندم لاني كسلت اقرأ 😂

  7. Muhamed Bakr

    عبقري

  8. Mohammad Saif El Deen 2 تفاعل

    المقال قصير اوي

  9. Ahmed Atabany 2 تفاعل

    انت عاوز تقول ايه يعني من الاخر

    Mohamed Sabri Dowaik

    +1 Ahmed Atabany

  10. Mohamed Saber

    رائع جدا

  11. Ahmed EL Fouly

    مرفق مع التعليق: صورة

  12. Mohamed El-DeeB 1 تفاعل

    خير الكلام ماقل ودل

  13. AbdelHakiem M. Nofal 5 تفاعل

    نزله pdf

  14. Laila Waleed 14 تفاعل

    ما فهمتش بردو عاوز تقول إيه بخصوص البيتكوين؟

  15. Eman Seifelyazal 1 تفاعل

    ملحوظة بس وقت النسخ اليدوى كان فيه كتب علوم و تاريخ و فلسفة و طب و رياضيات و كل حاجة مش كتب دين بس و المخطوطات لسة موجودة لغاية دلوقتى فى المتاحف العالمية .

  16. Alabbar Emad 2 تفاعل

    كلام جميل واسلوب اجمل تحياتي لكن كان النسخ والنساخ موجودين بكثره في العالم الاسلامي ولهم مكانه العالم و جلال الفقيه وكانت الكتب ثمينه فعلا لكنها ايضا متوفره في بغداد والاسكندريه و غرناطه و إشبيليا وغيرهم المغول فقط القوا في الفرات اكثر من 100.000 كتاب

  17. Khaled Elshabrawy 10 تفاعل

    السؤال بقا انت معاك كام بيتكوين اشتريتهم من ١٠ سنين لما نزلت اول فيديو ده انت تلاقيك ملياردير 🤣🤣

    Raed Ibrahim 2 تفاعل

    Khaled Elshabrawy انا انصح اه انما اشتري لا 😂

  18. Hesham Ahmed 6 تفاعل

    بوستاتك طويلة فعلا .هنكسل تاتي نقراها 🤔

  19. Ahmed Yosif 1 تفاعل

    بذمتك كل ده كتابة ماتختصر يا عم

  20. Mohamed Gamal Prø Êmâmôô

    وتفتكر لو كل الناس رجعت بالزمن وامتلك ما يكفي من البيتكوين هيكون ليها قيمه وسعر زي دلوقتي

  21. Asem Ramadan

    شدنى فعلا صحيح مقال طويل اوى بس فكرة الثروة عموما مرتبطة بالظروف المحيطة مش بقيمة الحاجة نفسها

  22. Ali M El Hussieny 15 تفاعل

    المقالات الطويله والغير مباشره ساعات بتخلى الواحد يكسل يقرأ فأنت مش كاتب قصص ولا روايات انت عاوز توصل المعلومه والفايده فوفر مجهودك واكتب المختصر عشان الفايده تعم على نطاق اوسع بالتوفيق

    Hyma Ashraf

    Ali Mohammed Ali ليه ياعم فيه ناس بتقرا بال 100 صفحة بس احنا في عصر التيك توك

  23. Ayman Elshahat 2 تفاعل

    ماهو بوست طويل بردوا

  24. Ahmed Abdelfattah

    مقال ممتع احسنت

  25. Mahmoud Hamed

    مرفق مع التعليق: صورة

  26. Eman Araby 6 تفاعل

    بوست اكثر من رائع قرأته كامل 👌

  27. Hany Mowafy

    مش متخيل اني قرأت كل كده بس اسلوبك شيق والله واحلي حته كده بين السطور تكتب علي المكنه بحبك تطبع لك الناحيه التانيه بلوك 😂😂 ايوه نعمل ايه بقي دلوقتي يا استاذ غسان 😂😂

  28. Mostafa Kandeel 38 تفاعل

    خد وفرت عليك

    مرفق مع التعليق: صورة

    Abdel Hameed Elkee

    Mostafa Kandeel عملتها بال AI صح؟

    Mostafa Kandeel

    Abdel Hameed Elkee بالضبط

    Fätmà Râmdàn

    Abdel Hameed Elkee شات جي بي تي

  29. شياكة شياكة 2 تفاعل

    هو انا قرأت البوست كله ....بس برضه عرفت ليه الناس كسلت تقرالك بوست البيتكوين من عشر سنين

  30. Amr Hmeda

    احسنت ياعالمى الأسلوب والطرح عسل 😂

  31. John Jhattas 1 تفاعل

    الكلام دا لو انت اللي كاتبه فا انت عالمي في الحته دي و ممكن تعمل حجات جامده لصناع المحتوي

  32. Khaled Abdellatef 4 تفاعل

    القيمة الشرائية لل٢٥٠ جنيه زي أربعة مليون دلوقت فين المكسب !!!

    Amr Ibrahim

    Khaled Abdellatef انت بتهزر !

    أحمد أبو-عيسى 1 تفاعل

    Khaled Abdellatef دا تقريبًا أغبى كومنت قريته في حياتي لحد دلوقتي

    Khaled Abdellatef

    Ahmed Mohammed Ibrahim اسمع منك تاني اغبي كومنت ،، معايا بيتكوين بأربعة مليون ، ابيعه فين ؟؟

  33. Youma Saherr 11 تفاعل

    معنديش مشكلة مع البوستس الطويله ،عندي مشكلة اني مفهمش بعد دا كله انت عايز توصل ايه؟؟ اية الربط مابين الطباعة و البيتكوين؟😅

    Ahmed Elsherif 1 تفاعل

    Mariam Saherr ومش كده وبس لاااا.. إيه علاقتهم بصورة سلام.. 😁

    Moustafa Khalil

    Mariam Saherr هري و خلاص

    Sayed Salah 2 تفاعل

    انا قرأتها علشان اوصل لهو عايز يقول اي والبوست خلص وموصلش لحاجة ، يا ريتني كسلت

  34. Hossam Elhussein

    Khaled Hamdy

    Khaled Hamdy

    Hossam Elhussein لسه هقرأ ده كلو

  35. Taha Mahmoud

    جامد

  36. Ahmed Hussin 1 تفاعل

    ممل وطويل بزيادة

  37. Magdy Ismail

    Ahmed Ezzat Mohamed Sabry اقرو الكلام دا والحتة بتاعة أن الدولة العثمانية حرمت الطباعة وقتها

  38. Ȝomar Khaled 1 تفاعل

    Mohamed Elshamy 👌

  39. Wesam Khaled 15 تفاعل

    انا مهزأه انى اتكيت show more

  40. Mohamed Hegazy 2 تفاعل

    لا طلع عندهم حق لما محدش قرا بوستات البيتكوين

  41. Ta R Ek 1 تفاعل

    مين هيقرا كل ده

  42. Ta R Ek

    عايزين محمد طاهر يلخص البوست ده

  43. Marina Magdi

    مقال رائع حقيقى 👍🏻

  44. Shady M. Mahmoud

    كنت ماشي مع البوست و مبسوط لحد ما قريت "برومبط" فوقتني في الوقت المناسب

  45. Abdelrhman Atef

    اسلوبك جميل ومعلومة جديدة شكرا ليك

  46. Ahmed Gamal

    مع اني مش فاهم ازاي العرب اللي كان معاهم سر صناعة الورق. امال الطباعة في اوروبا كلنت علي ايه 😅 بس انا معايا مطبعة. ودايما بقول ان اعظم اختراع في البشرية هو مكنة التوصير. فعلا. بس الناس فكراني بقول كده علشان شغلي 😂 . وياريت لو تخلي بوستاتك في فيديو هتبقي افضل بكتير من الكتاب الكتير جدا دي اللي مش دايما حد هيكملها للاخر

  47. Abdo ElShark 2 تفاعل

    انا غلطان اني دوست علي show more

  48. Ahmed Alagmy

    جامد

    Ahmed Alagmy

    مرفق مع التعليق: صورة

    Ahmed Alagmy

    عاش

  49. Ahmed Tourk

    العالم الإسلامي وقتها كان عارف قيمة العلم… بس رفض وسيلة نقل العلم.

  50. Noor Mahmoud

    مفهمتش حاجه تعبت نفسك علي الفاضي

  51. Mohammed Nasser 1 تفاعل

    تمام انت اشتريت بيتكوين؟!

  52. Shams Nabil

    اكيد علشان كده محدش قرا بوست البتكوين بتاعك يخربيت كتر التشبيهات والملل والمماطلة يا اسلام

  53. Ahmed Shams

    والله قريت اول سطرين وتعبت الشقه في شيل الرم والاسمنت احسن

  54. Sherif Rouby 36 تفاعل

    قرأت اول جزء وجدته هطل لان لو الكاتب كان سمع كلام نفسه و اشترى شوية بيتكوين و بأه دلوقتى ملياردير مكنش كتب بوست اصلا

    Marcoo M. Morgan

    Sherif Rouby حصل جدا جدا

    Acc-MOhamed Hamdy

    Sherif Rouby 😂😂😂😂

    Muhammad Essam

    Sherif Rouby ما هو علشان انت قريت أول جزء بس كتبت رد ملوش علاقة بمحتوى البوست😂

    حسن حمدى

    Muhammad Essam ومين هقرأ ده كله ومفيش اى استفادة من البوست فى حاجة اصلا

    Muhammad Essam

    حسن حمدى بناء على ايه بتقول مفيش استفادة؟

    حسن حمدى

    Muhammad Essam بناءا على الكلام اللى حضرتك كاتبه لو اختصرت كان هيبقي احسن انا مقدرتش اقرا البوست كله ومعرفتش استفاد منه

  55. Ali ELadrosy

    وربنا ما هقرأ اروح افتح ميتاتريدر اسهل واخد صفقه بيتكوين

  56. Mahmoud Eid 1 تفاعل

    بوست أكثر من رائع قريت اول سطر بس وفهمته ❤️

  57. Amr Rabia

    اقسم بالله انا كسلت ققري تاني 🙂

  58. Ghada Aboubakr

    بوست مهم جدا..شكرا جزيلا

  59. Abdel Hameed Elkee 1 تفاعل

    كل ده عشان اتكيت see more؟

  60. Omnia Basbosa

    قرأته كامل حبا ف المعرفه لكن خلاص مش عارفه اندم

  61. Abo Moaaz Altamimy

    مقال طويل اوي اختصر احنا لا نقرا كتاب يا حبيبي

  62. Ahmed Wafa

    الي بين السطور مهم

  63. Mohamed MohSen 1 تفاعل

    المهم انتا اشتريت

  64. Khaled Mustafa Bakr

    طريقه سردك مستفزة جدا أي ده

  65. Hesham Moussa 31 تفاعل

    انا قريت اول كام سطر لحد مبتقول انك كتبت بوست من ١٠ سنين طوووويل الناس كسلت تقرأه، فا عملت سكرول تحت لقيت ان ده كمان بوست طوييييل برضو انت كاتبه بعد ١٠ سنين فا كسلت اقرأه والله 🤣

    Youma Saherr 3 تفاعل

    Hesham Moussa جدع والله مكنتش هتفهم حاجة😂😂😂😂

    Hesham Moussa 1 تفاعل

    Mariam Saherr طيب الحمدلله، انا حسيت ان في هري كتير من الاول عشان كدة مكملتش 😂

    Mohamed Saeed

    حصل 🤚+١

    حسن حمدى

    Hesham Moussa انا عملت نفس الكلام برضه 😂😂😂

  66. Mohamed Shefa

    حاول تعيد النظر ف كلامك انت مش عارف تربط الاحداث بي بعضها وده بيخلي موضوع في ملل وبصراحة كمان واحد ممكن يندم انه قراء كل ده ع اساس هيطلع ب حاجة مفيدة

  67. Shymaa Alhosany 41 تفاعل

    اسلوبك حلو بس مفيش ترابط بين اللى بتقوله او مش قادر توصل فكرتك ،انا فاهمة ان البيتكوين في البداية مجرد hook بس بردو مقدرتش افهم عايز توصل لايه

    Mohamed Abdallah 17 تفاعل

    Shymaa Alhosany المثل بيقول اللى سبق اكل النبق هكذا فى البيتكوين اللى عدن بيتكوين اصبح مليونير على الاقل و هكذا الى استخدم الطباعه ( اوربا ) اصبحت يسوس العالم لعهود طويله بسبب العلم و المعرفه هو ده الربط اللى بينهم و بيكمل ان الذكاء الاصطناعى هو استثمار و مطبعه الغد

    نور وبودى 1 تفاعل

    Mohamed Habeb وحضرتك رايك نستفاد منو ازاى

    Mohamed Abdallah

    نور وبودى كافرد او دوله نفكر خارج الصندوق ، الذكاء الاصطناعى بيستثمر فى بالمليارات

    Abdelrhman El Hossiny

    نور وبودى اصلا بيقولك اللي سبق اكل النبق ( النبأ ) ده حد ينفع تناقشه او تقراله بوست اساسا ،، بلوك ياعم

    Yasir Habib 1 تفاعل

    خيال واحلام لأنك وقتها طنت لا تقدر ان تشتري ولو كنت تقدر كنت لن تجد المكان الامين الذي تشتري منه وأن وجدت مكان فلن يسمح لك ان تحول ارباحك لأنهم لا يوزعون فملايين على الناس وأن وجدت الطريقة والمكان ووافق على السحب فلن يسمح لك البنك المركزي بالتحويل لانه هيعتبر ده غسيل أموال صباح الخير الحلم خلص

  68. NOo Nour

    لسه شايفة سعره من يومين فوق 90k 😶 يرحم ايام لما كان ب ٧٠ فقط

    NOo Nour 1 تفاعل

    حطيت كومنت عشان اعرف اوصل للبوست ويحينا ربنا واقراها بكرة ويارب نعرف ننام بعد تقليب مواجع وتعوايم وناس اللي رفضت تشتري لما كان ب ٧٠ نصيب نصيب

    Beshoy Nabil Kadamos 1 تفاعل

    Noo Raa انا خسرت فيه كتير لما نزل من 40 ل 18 , و رجع طلع ل 70 بعد ما كنت بعت كل اللي معايا , عادي الفرص كتير

    عمرو العربى

    مش المفروض إن تداوله ممنوع في مصر

  69. Ahmed Elsharkawy 1 تفاعل

    حضرتك اشتريت بتكوين ايام كان رخيص؟ ولا لا

  70. Mohamed Abdallah

    هو مش من اهم ٣ اختراعات ولا حاجه هو اهم اختراع فى التاريخ و بيحلق لوحده منفردآ

  71. Eko Renji

    دنت رغاي

  72. احمد طه

    الدنيا هتكتر فيها الفلوس وفيه ناس كتير هتهتم تجمع فلوس اكتر الانتقاد هيكتر المشاعر هتبقي سعرها غالي لان مش هتبقي موجوده العنوسه هتزيد ولا سبيل إلا للإنسان يحتمي بالمبادي بتاعته

  73. Mohamed Zaid

    ابعتلي البوست دا pdf

  74. Yahia Anwar

    عمارة جديدة خمس ادوار ١٧٠م للبيع بها عدادات مياه وكهرباء سكن ممتاز ومصيف في اجمل شواطئ اسكندريه 01281909816 والواتس 01118111526 التصال للجادين فقط

  75. Mu Bary

    واد انت بتكبر المواضيع

  76. Mohammed Gomaa Aly

    لو انت معاك بيتكوين مكنش هيطلع للسعر دا

  77. Ahmed Elatrees

    👏👏👏

  78. Belal Zuaiter

    من تحريم الطباعة وصولا لتحريم التليفون ابو كاميرا ، ما زالت هذه الأمة في ذيل الأمم طالما سلمت عقولها (تسليم أهالي) لشوية (علماء دين) جهلة يعيشون في العصور الوسطى محاولين اقناع بهائمهم انها افضل الحقب و علينا العودة الى تلك العصور و نهج السلف (الصالح) ان أردنا النهوض و مقارعة الغرب و الشرق و الصين و كوريا و اليابان بينما فعليا احنا حدّنا مقارعة توغو و بنين و غينيا بيساو و بوركينا فاسو !

  79. Yousef Rashad

    روحت انتا اروبا هي مش هتيجي 😅😘

  80. TaHa YaSsin

    متفكرنيش واحد صاحبي قالي يلا نشتريه كان ب 2000 جنيه في 2017 قولتله اشتغالة وفكك دلوقتي لو سمعت كلامه كان زماني مبردش علي البوست بتاعك 😒

  81. Yousef Rashad

    وبعدين مفيش ثرواات في مصر تتسرق بترول دهب كله راح للمتحف والحمدلله يبقي معرض افضل 😅

  82. MO GH

    معلش هو ايه علاقة البوست بصورة مسلسل محمد سلام؟

  83. Shady Ibrahim

    هو واضح ان فيه حاجه بس قريت كتير والأسلوب غير واضح

  84. Ahmed Ahmed 1 تفاعل

    انا ماقدرتش اكمل اكتر من خمس سطور بس شكرا علي مجهودك الرائع

  85. أبو ياسين 1 تفاعل

    اتعرض علي بجنيه🤣😭

  86. Mohamed Elsayeed

    أنا مقرتش بس انت اشتريت ساعتها طب تصدق أنا كان معايا بيتكوين ونسيت الموضوع وبعت الفون

  87. Moustafa Khalil

    انت مسمعتش كلام الريس لما قال بطلو هري 😂😂 بتهري ليه بقا اروح ابلغ عنك 😂

  88. Omar Hassan 1 تفاعل

    خير الكلام ما قل ودل فبلاش هرى كتير

  89. Ben Alister 2 تفاعل

    مهو دا السبب ان محدش سمع كلامك.. محدش هيقرا كل دا

  90. Mahmoud Khaled

    يا ابني اقسم بالله لو حعمل ١٠٠ الف مش حقرا كل هاد اذا الموضوع اكثر من ٣ سطور اعملو فيديو ونزلو يوتيوب انتا بالمكان الغلط 🤣

  91. LO TR RW

    ما هو انت برضه غلطان مافيش حد يكتب بوست كبير كده كنت اختصر وقولهم اشتروا 😅

  92. Yousef Junior 1 تفاعل

    انا قعدت 10د اقرأ فالبوست فالأخر لقيتني لسه في نصه يخربيت طولة بالك

  93. Moohamed Medoo

    و كسلت أقرأ ده كمان

  94. ياسمين الكيلاني 3 تفاعل

    قرأته كله

    Ahmed Ashour

    ياسمين الكيلاني عاش 👏😅

  95. Yasmin Hany 2 تفاعل

    عرفت ليه بقي من ١٠ سنين محدش قرأ البوست بتاعك عن البيتكوين !!!!!

  96. كريم البنا

    انته كتر خيرك انك اتكلمت من 10 سنيين بس اللي كان هيصدقك هيصدقك ليه

  97. Mohamed Ashraf Serag

    لو البوست كان بنفس الطول ده ف انا عرفت الناس ما قرأتهوش ليه 😂

  98. Mãĥmôŭð Åŀ Mąşřÿ

    رغي رغي رغي هو دا ملخص البوست انت اشتريت كام بيتكوين من 10 سنين واستفدت من اللي كنت بتقوله للناس ولا بردو كان رغي وخلاص

  99. Alaa Ali

    هو حضرتك ليه ما خدتش طريق الهرم اتكلمت عن صناعة البردي عند الفراعنة بتوعنا والا طريق الهرم زحمة

  100. محمد إبراهيم أبوشنادى 12 تفاعل

    الطباعة ثالث أعظم اختراع بعد اتنين وهما : الموبايل فى المرتبة التانية والفياجرا فى المرتبة الأولى 😂😂

  101. عبد الجبار

    احا مهى الناس ال زيك تكره الواحد فى البيتكوين و البوتمين كمان معقول فى حد قاعد يكتب ده كله انا زهقت من الاسكرول

  102. Bassem El Qassabi

    نسيت أهم جزء لهويتك لو انت مصري توقيت اكتشاف الورق تقريبا نفسه مابين مصر والصين لأنهم اول اول دولتين ومعرفش ايه ودا العرب الصين ايام الدولة العباسية صراحة لكن واضح انك مهتم بتاريخهم اكتر من التاريخ المصري وبقول ده لان اوربا كانت في عصر ظلمات لغايات لما وصلها رسائل أو شافت الورق في مصر ودي كانت بدايه لاروبا منفتحه جديدة والله اعلم وعلى ما أتذكر لكن العرب راحوا الصين مش عارف في معركة ايه ومصر حداهم على ترعه عشان يكتشفوا الورق اللي راح أروبا بسببنا اصلا فهذا والله إنه عجيب لكن أتمنى تكون إشتريت بت كوينانه كدا عشان نرجع للموضوع الأساسي..

  103. Ali Fayz

    انا كسلت اقرأه تعالي كمان ١٠سنين 🙂

  104. Zuzu Chan

    المنشورات بتاعتك بتشبه فقرة الرابط العجيب وهذا مدح والله🙂

  105. Ahmed Ehab

    انت كاتب ممتاز ماشاء الله انا قرأت البوست كله بدون ملل

  106. Abdallah Elnahas

    انا عمومآ كسلت أقرا تاني من البوست بتاعك الطويل دا

  107. Islam Elbaroudy 1 تفاعل

    بغض النظر عن البيتكوين والافكار الكتير اللي ضاعت وسط القلش اللي ملوش لازمه اوي حاول بس تقلل من الكلام ( لأنه رغي كتير اوي ) وتبقى فكرتك مركزة عشان توصل للي بيقرالك واعتقد واضح من الكومنتات ان الناس مش فاهمة انتا عايز ايه ... وده من كتر الكلام الكتير ... وادخال هزار مش في محله لما يكون الواحد بدأ يركز معاك في جزئية وحتى الاسلوب بصراحه مفيهوش اي جاذبية في الكتابة اساسا ان الواحد يضغط على نفسه ويكمل جزء كبير ... وده كمان بسبب التشتت

  108. Mahmoud El Masry

    عندى سؤال بره الموضوع انت من ١٠ سنين كتبت عن البيتكوين والناس كسلت تقرا هل انت اهتميت بالموضوع وبقيت مليونير ؟

  109. Ethar Sultan 1 تفاعل

    انتا رغاي اوي يا صديقي ومعظم كلامك ممكن يتم اختصارة في ربع الكلام دا ومعظمه حشو .. حسن طريقتك ف التعبير شوية

  110. Lolo Ali

    البوست بتاعك طويل اوي كسلت اقرأه

  111. Mohamed Ahmed

    هتتكلم عن pi network

  112. Amir Mohammed

    بقالي كتير مقرأتش حاجة باستمتاع كده 👏🏻

  113. أحمد عبدالشافي

    كدا اهم 3 اختراعات الطباعة الكهرباء الانترنت

  114. سيد أبو حرب

    ايه السرد الممتع ده 🌹

  115. سيد أبو حرب

    تعلم ال ai هو الحل ده قصده 👍 الاستثمار فى الذكاء الاصطناعي هو بكره

  116. Mohamed A. Gbr

    Abdelrahman الله يمسيك بالخير

  117. Omar Muhammed

    عالمي

  118. Amr Al Weshahy

    الناس اللي عاملة لايك، قريتوا البوست كله ؟

  119. EmRan

    انت بوستاتك يعني روايات 😂😂

  120. Ramadan Shaker

    ايه الفكرة يعني نعمل ايه النهاردة نكسب منه زي الطباعة

  121. احمد سامي

    انت ايامها اشتريت كام حبة !!

  122. مصطفي محمد

    انت عايز تقول ايه

    مرفق مع التعليق: صورة

  123. Sandy Maged

    بوست رائع 👏🏻

  124. شريف محمد عنتر

    فكرتني لما حاولت اقنع ابويا وامي انهم يستثمروا فيها ..لكن قعدوا بتريقوا عليا ولما لقيوني مصمم ومتضايق جابولي شباب العيله عشان يطلعوا من دماغي الفكره ..والحمد لله صرفوا المبلغ اللي كان معانا في حاجات تافهه وضاعت الفرصه عليا .وقدر الله ماشاء فعل

  125. Ramy Khalil

    اكيد محدش قرا مقال البيتكوين اللي كتبته من عشر سنين لان حضرتك حاطط كلام في الفاضي يخلي المقاله اطول من نهر النيل ومن غير اى داعي ممكن توصل المعلومات بكلمات اقل ومقال اشيك من كده

  126. Amr Khalifa

    ياصديقي دخلت في ٥٠ موضوع ومفهمتش انت عايز ايه

  127. Ahmed Yehia

    المشكله هنكسل نقرا البوست ده كمان 😅 بعد ١٥ سنه ابقى فكرنا بيه

  128. Drash Bhaa

    احب اقولك ام كل المقال الي المكتوب مجرد بلح سايس طالع من عقليه منسحقه أمام الغزو الغربي مولعه بتقليد الغرب وقبل ما تزعل وتشتمني باقبح الشتائم احب اقولك أن اولا البيتكوين هو قمه الصناعه الغربيه في الاقتصاد الوهمي فهو عباره عن سيرفرات ممكن تتحرق في أي وقت وارقام بتمتص عقول الغلابه وجريهم وراء الغنا السريع زيها زي الاسهم والسندات وشركات التعدين الوهمي الي كل شويه ينصبون علي الناس وزي برده العملات الورقيه الي ملهاش اي قيمه في حد ذاتها ولكن تكسب قيمتها من قوه الدوله وهيمنتها وأشهر مثال هو الدينار الكويتي وقت غزو العراق نرجع بقي للخلف مع اختراع المطبعه الي كتير من الآراء شايفه أنه مجرد اختراع سرقه الغرب من الحضاره الاندلسيه حتي االامريكتاين ذات نفسهم بحوث كتير بتأييد وصول الأندلسيين ليهم قبل الاسبان ولكن وصلو كتجار بعكس الاسبان الي حرقة وقتلوا السكان الأصليين بالظبط ذي ما الصهاينه عملو في الفلسطينيين طب سيبك نرجع للدوله العثمانيه الي بعد اختراع المطبعه وعلي مدي قرنين فضلت فاسخه أوربا حرفيا وحاصرت فينا مرتين الا ان الحبر المستعمل في المطبعه كان مصنوع من دهن الخنزير والعثمانيين خشو من تحريف القرأن واللغه العربيه بيد المطبعجيه الغربيين ده غير أن كان فيه آلاف الخطاطين بيكتبو جميع الكتب في جميع العلوم ومكتبه زي مكتبه بغداد بتحتوي علي مليون مخطوطه قبل هدمها بواسطه المغول اخيرا السبب الأساسي في تقدم الغرب كان نهب وسلب الامريكتان والهند وافريقيا

  129. Tito Tours Egy Pt

    مبروك يا عم اكيد دلوقتي انت مليونير و البلية لعبت

  130. Ahmed Marouf 3 تفاعل

    الفكرة انى كنت هشترى منين اصلا ولا ازاى و لو معايا دلوقتى هبيع لمين و هاخد فلوسى ازاى و الدعبسة ورايا من بتوع من اين لك ذلك مش هيحلونى

  131. Sabry Wafa

    كسلت اقرأ من 2015 وكسلت دلوقتي برضو 🙂

  132. Bi Ko

    وانت تعرف تبيع اصلااااااا

  133. Omer Jameel Lamam 12 تفاعل

    تلخيص النص: اليوم وصل سعر البيتكوين لحوالي 4 مليون جنيه، بينما منذ 10 سنوات فقط (2015) كان سعره 250 جنيه. كثير من الناس وقتها لم تهتم أو لم تفهم. لكن الفكرة ليست: “يا ريت نرجع بالزمن ونشتري بيتكوين”… لأن حتى لو صرتَ مليونيراً، ستكتشف أن المال لا يحل كل مشاكل الحياة. الكاتب يقترح رحلة أعمق: الرجوع بالزمن 575 سنة إلى سنة 1450، حيث حدث شيء أهم من البيتكوين بمليار مرة: اختراع الطابعة على يد يوهانس جوتنبرغ. العالم قبل الطباعة كان مختلفاً: لا وجود لكتب مطبوعة، فقط نسخ بخط اليد. الكتاب الواحد كان أغلى من ثمن بيت. معظم الكتب دينية فقط، وغياب شبه كامل للعلوم المكتوبة. الخرائط بدائية ومختلفة من شخص لآخر. المعرفة محصورة داخل "كهنة العلم" (الـ Guilds). جوتنبرغ… لماذا كان عبقرياً؟ اختراع الطباعة كان يحتاج: علم المعادن الكيمياء الميكانيكا المال والتجارب واستغرق منه 15 سنة من المحاولات. ورغم نجاحه، خسر كل شيء في قضية مع المستثمر ومات فقيراً وأعمى. لكن اختراعه غيّر العالم. نتيجة اختراع الطباعة؟ خلال 50 سنة فقط: تم طباعة 8 مليون كتاب بأوروبا. أصبح العلم متاحاً للفقراء. بدأ عصر النهضة والصناعة والعلوم. أوروبا قفزت للأمام. بينما العالم الإسلامي؟ كان متقدماً جداً في صناعة الورق والكتب قديماً. لكنه توقف أمام الطباعة: فتاوى التحريم والخوف من الأخطاء. تأخر السماح بالطباعة بالعربية 350 سنة. طباعة القرآن بالعربية لم تتم إلا سنة 1874. هذا التأخر جعل أوروبا تنتج علماء مثل: غاليليو – نيوتن – باسكال – شانون – تورنج… بينما العالم الإسلامي توقّف. الدرس الحقيقي: نحن اليوم نعيش لحظة مشابهة تماماً لـ عصر جوتنبرغ، لكنها ليست الطباعة… إنه الذكاء الاصطناعي AI. الذكاء الاصطناعي يجعل التنفيذ سهلاً مثل الطباعة في الماضي. اليوم طفل معه هاتف يستطيع أن ينجز ما كان يحتاج شركات كاملة. السؤال الآن: بعد 10 سنوات، من سيستفيد؟ ومن سيقف يتفرج مثل العثمانيين زمان؟ ومن سيُسجّل اسمه مع أول المستفيدين من “طباعة العصر الجديد”؟ 📌 خلاصة الخلاصة: النص يقارن بين: ثروة البيتكوين (ثروة قصيرة المدى)، وثروة الطباعة (ثروة غيرت مصير الأمم)، ثم يقول إن الذكاء الاصطناعي اليوم هو الطباعة الجديدة. ومن يفهمه الآن… سيكسب أكثر من البيتكوين بملايين المرات.

    Mohamed Atef

    Omer Jameel Lamam افادك الله

  134. Mousa Gheith Mousa

    مقال رائع وأسلوب شيق ومعلومات قيمه

  135. Mohamed Shabaan

    انت عبقرى ❤️❤️❤️

  136. Michael Sadek

    انت بقي اشتريت بيتكوين لما عملت الفيديو من عشر سنين ؟ 🤣

  137. عبدالرحمن مصطفى

    انت معاك كام بيتكوين ؟

  138. Mohamed Sayed Zaki

    انت لازم تبتدي تفكر تكتب قصص ، لو تعرف يوسف معاطي انت بتفكرني بيه جدا في كتاباتك بعيدا عن الاختلاف في الموضوعات بينك و بينه بس بالنسبة لي الشئ المشترك بينكوا اني كنت احب اقراه وما بيجليش ملل من طول مقالاته في الكواكب

  139. Kero Sadak

    ياة فكرتني كان نفسي اشتري بوقتها بالف دولار بيتكوين لكن محدش ردي يسمعني او يساعدني تخيل لو كنت فعلا اشتريتهم واللي قولتلهم سمعوا كلامي

  140. Al Nadeem

    انزل أعمل ايه برده مافهمتش

  141. Khaled E. Mohamed

    منا لسة برضه هكسل اقري محدش بيكتب دا كله ياعم

  142. Hany Attih

    معلش سؤال هو ورق البردي مش كان موجود في مصر وبنكتب عليه كل حاجه

  143. Tamer Nabil

    🥲

  144. Ahmed Elsayed

    مقال طويل جدا و أغلبه هزار وقلش بيخرج القارئ بره سياق الموضوع مش بقول تمنعهم بس حاول تقلل من الهزار والقلش شوية هيخلي المقال اقصر و القارئ مش هيزهق ويمل

  145. Mohamed Darwesh

    عارف المشكلة ف اية الناس كسلت تقرأ القديم و كسلت تقرأ الجديد عشان انت مش بتلخص

  146. Mohamed Saeed 1 تفاعل

    عارف المشكله في ايه ..البوست طويييل فعلا .. عارف مش عايز اعرف ايه اللي حصل 🤚😁🤣

  147. Mohamed Ragab

    بصراحة اسلوبك يتوه

  148. Abbas Sha'lan

    ما تختصر شوية وبلاش رغي

  149. حوده خطاب

    انا مفهمتش حاجه...اي المطلوب بقا .... هو منين. بيودي.....على فين.......نص ساعه بقرأ البوست.. ومفهمتش حاجه. ينفع كده.،🫴🫴

  150. Ahmed Sayed

    كسلت اقراه برضو تفتكر هندم بعد 10 سنين كمان ؟

  151. Mohamed Ahmed

    مقرتهرش برضوا 🥺🥺

  152. Osama Taha M.

    انت لفتت انتباهي في أول كام سطر وبعدين لقيت لك كتير فزهقت وفريت لآخر سطرين وفهمت اللي انت عايز تقوله ... ده معناه إن كل الكلام اللي بينهم كان ممكن تختصره كتير وت فر وقتك ووقت اللي حيقرأ

  153. Ahmed Emam

    هو كان نفسي اكمل قرأة بس بصراحة البوست طويل جدا فحاول تختصر لأن صعب الواحد يفضل يقرأ كل ده الفكرة من البوست هو المختصر المفيد وجوهر الفكرة يظهر ببساطة انما المقالات مش مناسبة انها تتنشر عالفيس

  154. Khaled Abdelfatah

    المشكله ان كسلت اقرا البوست ده كمان

  155. Belal M. Abuzed

    انا ضيعت الفرصه لما كان ب واحد دولار والدولار كان ب ٧ او ٨ جنيه 🙃🙃

  156. Ahmed Allam

    ماهو الصراحه اسلوبك فى الكتابه طويييل وممل

  157. Eslam Mahmoud

    من تالت مره قابلني ايموجي ضحك اتبضنت

  158. Ali Zein

    لا انا كسلت صراحة زي ما كسلت اقرا البوست كله

  159. Khaled Elsayed

    طيب تمام حضرتك عملت كام مليون من البيتكوين؟

  160. Mohamed Ashraf 1 تفاعل

    سعر البيتكوين في اخر ٢٠١٥ كان ب ٤٦٠ دولار مش ب ٢٥٠ جنية زي م انت كاتب

  161. ابو عمر احمد

    بوستات طويله ضجيج بدون طحين

  162. مروان محمد

    مكسل اقرئه بردو 😂

  163. Mohamed Gehad

    تصدق بالله.ولا هقرا دة كمان

  164. الديفا صافيناز

    ممتاز ممتاز ممتاز

  165. Alsayed Mohamed Hassan

    المهم دلوقتي أنت طمنا عليك بقيت ملياردير وفاضي تعملنا بوستات، فيك الخير والله الصراحه

  166. Ahmed A Fattah Shalaby

    ده أكتر تلخيص مختصر ومفيد للموضوع كله: الفكرة الأساسية: الناس بتتخيل إن الثراء الحقيقي كان هييجي لو رجعوا 10 سنين فاتوا واشتَروا بيتكوين. لكن الحقيقة؟ في اختراعات أهم من الفلوس نفسها… زي اختراع الطباعة سنة 1450 اللي غيّر تاريخ البشرية تماماً أكتر مليون مرة من أى مكسب مالي. قبل الطباعة: الكتب كانت بتتكتب بإيد بشرية → غالية جداً زي تمن بيت. مفيش علم بينتشر، كله سماعي. مفيش خرائط موحدة. المعرفة محصورة على فئة قليلة. بعد جوتنبرج: الطباعة خلت الكتاب أرخص من سندوتش. خلال 50 سنة اتطبعت ملايين الكتب. العلم اتنشر فكل أوروبا. بدأ عصر النهضة والاكتشافات الكبرى. العالم الإسلامي وقتها: كان متقدم في صناعة الورق والعلوم. لكن رفض الطباعة 300 سنة بسبب فتاوى ومنع سياسي. النتيجة: أوروبا طارت للسماء… وإحنا وقفنا. الدرس المهم دلوقتي: إحنا في عصر جديد شبه عصر الطباعة زمان بالظبط. الـ AI النهارده بيخلي أي حد ينفّذ فكرة كانت محتاجة زمان فريق كامل من مهندسين ومستثمرين. المعرفة بقت مجانية… والتنفيذ بقى أسهل من أي وقت فات. الخلاصة: المهم مش ترجع 10 سنين وتشتري بيتكوين… المهم تستغل الاختراع اللي هيغيّر العالم خلال الـ 10 سنين الجايين: الذكاء الاصطناعي. ولو عملت كده… هتكسب أكتر مليون مرة من أى “تجميد” بيتكوين في الماضي.

  167. Ali Hanot

    استمر و اكتب أكتر

  168. محمد غيضان

    المهم انتا عملت بي النصيحه دي واشتريت كان واحد عرفنا

  169. Hassanen Slama

    هو انا ليه قرأته بصوت الدحيح؟ انا شايفك تفنع كوبي رايتر جدا جدا بالذات للدحيح كمان اقدر اسرق الاسكريبت ده واعمل بيه فيديو؟

  170. حسينى وجدى

    فعلا والله مكسل اقرا

  171. Taha Hussein

    ياعم دا كان ب٧٠ و٦٠

  172. Ali Sabry

    انا عارف البيتكوين من ٢٠١٥ مكنش ب ٢٥٠ جنيه خالص

  173. Mohamed M Hamza

    مجهود يحترم بصراحة بس انا كسلت اقرأ دلوقتى برضو 😢

  174. Refat Abdelhakem

    Mohamed Talaat Hassan Omar فاكر لما كنت بتشرح لي يعني اييه بيتكوين واحنا واقفين خدمه ف المنيا يا ريتني كنت سمعت كلامك 🤔🤔

  175. Mohammed Mosa

    انا واقف عند اخر كلمه بس هي مش فاهمها

  176. احمد ربيع فكري

    يا جدعان محد ينزل المختصر من البوست ده والله كسلت اقراه 😂😂😂

  177. عبد المحسن عبد الستار

    بس الحفظ فالعهد الاسلامي اتي ثمارة وقراننا من ١٤٠٠ سنه لدلوقت زي ماهو

  178. Mohamed Ramadan

    طبعا كلام ملوش دعوه باى واقع عايشينه البتكوين فى ٢٠١٥ فى اقل نقطه ليه كان ب ٢٥٠٠ جنيه مش ب ٢٥٠ جنيه طبعا انت معتمد ان محدش هيراجع وان الكلام متغلف فتمام 😁 شلت انت صفر كده بالسلامه يعنى ✌🏻

  179. Shady Essam Askar

    كان العلق نفع نفسه

  180. هشام هشام اتش

    ياعم مين فاضى يقرأ كل الكلام ده

  181. Abdelrhman Aziz

    ممكن اقتبس اجزاء من البوست دا في بوست عندي مع الاشاره ليك كمصدر ؟

  182. ازهر المدريدي

    ايوا يعني انت عاوز ايه ؟

  183. Ahmed Ewida

    انا مستغرب الناس اللي بتقول اية علاقه البيتكوين بالبوست ..ومش عارفين يربطو الكلام ببعض .. الكاتب يقصد زي ما دلوقتي نادمين اننا م اشتريناش بيتكوين من 10 سنين . وقبلها ب 500 سنة ندمنا اننا مجريناش العصر ووقفنا نتفرج ع التطور حوالينا ومتحركناش معاه.. زي ما في ايدينا حاجه المفروض نعرف قيمتها ونستخدمها صح عشان منندمش كمان 10 سنين ونقول ياريت وهو ال "AI"

  184. زمردة الموسوي

    إن عشنا وعشتم

  185. Helmy Rashad

    المهم طمني عليك بقيت ملياردير من البيتكوين ولا عملت زينا

  186. Ahmed Haggag

    انا قريت اول سطرين واخر سطرين فقط 😂

  187. Amir Elemam

    ايه البوست الي الواحد لازم يقول دعاء السفر قبل ما بقراه دا بوست ٣ كيلو ماهو طبيعي الناس تكسل تقرالك واتمني تمون اشتريت بتاع ١٠ بيتكوين كدا في ٢٠١٥

  188. Mark Grges

    اية علاقة البيت كوين بالموضوع ؟؟!؟؟؟

  189. Yousof W. Hamam

    من احلى الحاجات قريتها

  190. Mohamed Aboyadak

    مش فاهم الغرض من البوست حقيقي .. كلامك كويس بس مش مربوط ب بعضه ولا فاهم انت عايز توصل ل ايه

  191. Mohamed Atef

    كنسلت القراءه من كتر الافيهات خف افهات شويه😊

  192. Môstàfà Gàmàl

    لا البوست ده طويل بردو هقراه بعدين🥲

  193. Galal Saleh

    يا طوووول بالك كل ده كلام!!!!

  194. Magdy Elhorishy

    رغاى

  195. Hazem Sentro

    تحياتي

  196. DrMustafa El Sheikh

    روعة الروعة. حضرتك فكيت أكبر الالغاز في نهضة أوروبا

  197. Ahmed Hatem

    قبل ما اكمل البوست، احب اقولك اني عرفت حضرتك بسبب الفيديو بتاع البيتكوين ده صدفة وهو اللي دخلني المجال..

  198. Mohammed Khamis

    افهاتك هي السبب اللي خلت الناس متشرتيش من عشر سنين قدم ف مسرح مصر موهبة مدفونة

  199. Yasir Habib

    خيال واحلام لأنك وقتها طنت لا تقدر ان تشتري ولو كنت تقدر كنت لن تجد المكان الامين الذي تشتري منه وأن وجدت مكان فلن يسمح لك ان تحول ارباحك لأنهم لا يوزعون فملايين على الناس وأن وجدت الطريقة والمكان ووافق على السحب فلن يسمح لك البنك المركزي بالتحويل لانه هيعتبر ده غسيل أموال صباح الخير الحلم خلص

  200. Ahmed Mohmed

    يا تري حضرتك بقيت ملياردير من البيتكوين

  201. Ahmed Amr

    طريقه شرحك شيقه و جميله كمل يا فنان

  202. Marwa Maghawry

    انا مقرتش البوست دا كمان والسلام عليكم ورحمه الله وبركاته

  203. Sherif Hassan

    بصراحه هكسل اقراء المقال دا وهستنى المقال التانى اللى هينزل بعد.١٠ سنين

  204. Mahmoud Negad Sharif

    سؤال مهم ليك .. من عشر سنين حوشت كام بيتكون ؟ ولا كنت بتتكلم بس 😂

  205. مصطفى احمد

    المهم في حالة قدرت ارجع بالزمن يعني ٢٥٠٠ جنية تعمل كام بتكوين علشان احسب الرقم لما ارجع ويقدر يغطي مصاريف الرحلة والعصير والسندوتشات ولا لا

  206. Abdallah Al-Fayad

    بوست مممتاااز و أسلوووب راااائع

  207. Mohamed Gaber

    ياعم احااا ك...م الفراغ انا مكملتش البوست اصلا كل دا كلام نفسي افهم جايبين تلفراغ دا منين

  208. Mody Mody

    انا كسلت اقرا تاني

  209. Abd El-Rahman Saad

    البوست بتاعك رغاي فشخ زيك

  210. Mustafa Fathy

    اللي فهمته من كل كلامك ان الموضوع كله مرتبط بالقدرة التنفيذية بس.. صح كده 🤔

  211. Mohamed Sabri Dowaik

    مثال طويل ومش فاهم منه حاجة مترابطة 😏