ف مثلاً .. إنت تثق في ( حمادة ) جداً

ف مثلاً .. إنت تثق في ( حمادة ) جداً .. و (حمادة ) يثق في ( نحمده ) للغاية .. و ( نحمده ) تثق في ( برعي ) ثقة عمياء .. في حين إن ( برعي ) يثق في ( عصام ) بالكامل . . و إنت .. ماتعرفش ( نحمده ) .. و ولا تعرف ( برعي ) .. لكن .. إنت شٌفت ( عصام ) عارض عربيته الرولزرويس ال 128 اللي مغيره نص .. و ب فتحة سقف كابورليه و فابريكا برة و جوة … علي 114 ألف جنيه . و العربية عجبتك و عايز تشتريها . . تقدر تروح مباشرة ل ( عصام ) .. و تقول له .. هيا بنا .. لكن حتبقي مقلّق و قلقان .. مش يمكن يكون لاعب في العداد و مزوّده ؟! .. مش يمكن تكون العربية رشّة خوارج ؟! .. مش يمكن عصام يكون بيحاول يخدعك ؟! . تعمل إيه ؟! … لو مش متابع .. ف أنا أعلنت من أسبوعين عن ( سلسلة = Cellcella ) .. و شرحت إزاي إنها : شبكة إجتماعية كاملة .. بخدمات سوق متكامل .. مٌعتمدة علي سلاسل الثقة .. اللي مٌعتمدة في فلسفتها و تصميمها و خوارزمياتها .. علي مبادئ ال : إسناد , علم الحديث , التواتر , العنعنة , .. و علوم الأنساب . . و لكن .. صديقي ( Mohamed Nada ) النهاردة عالقهوة .. و بعد ما إرتشف رشفة من كٌباية الشاي بتاعته … ضيّق عينيه و قال ليا ما معناه : بس أنا في حد أضمنه في بيع .. ماضمنوش في جوازة .. و في حد يثق فيا .. بس أنا ماضمنوش .. و في حد أثق فيه .. بس مانصحكش تبيع و تتاجر معاه . . و دي فعلاً ملاحظة عبقرية للغاية .. في وسط ما أنا كنت غرقان فتفاصيل الخوارزميات و البرمجة خلال الأسبوعين اللي فاتوا .. كنت نسيت إن النقطة دي ( الضمان الجزئي و الشرطي = أو ما يٌسمي بال : تزكية ) .. هي أحد أهم مبادئ العلاقات الإجتماعية . … ف بالتالي .. رجعت النهاردة .. و بنيتها 😁 . . ( سلسلة = Cellcella ) دلوقتي فيها : نظام التزكية = Tazkiya . . يعني : لو رحت علي أى مٌنتج في السوق .. و ضغطت عليه .. حتلاقي إنك تقدر تطلب ( تزكية ) الأطراف اللي بينك و بين صاحب المٌنتج ده . كإنّك بتختار ( تشهّد ) الناس علي اللي حيحصل بينكم .. . و تقدر تطلب إن ال ( تزكية = شهادة ) دي .. تكون عامة و دائمة .. أو تكون محدودة ب حاجة مٌحددة ( منتج حتشتريه مثلاً ) . . و تحدد الوقت اللي تقدر تستني فيه لحد ما الأطراف اللي بينكم يشهدوا . و حيبان لك و للطرف الأخير .. كل شخص شهد بإيه .. و لو سلسلة ال ( تزكية ) دي إكتملت .. و كل الأطراف شهدت إن الشخص ده ( تمام ) .. حتلاقي السلسلة إتحولت أخضر .. و تقدر تشتري العربية و إنت متطمّن . . و العكس طبعاً صحيح . … ده غير شوية تحديثات كتييييييييييييييييييييييييير تم إضافتها من آخر مرة إتكلمت عن ( سلسلة = Cellcella ) .. زي مثلاً :

• تقدر دلوقتي ت Report = تبلّغ .. لو شفت أى حاجة مش مناسبة أو غلط .
• تقدر ت ( Block ) أى حد 🤣 . . و الأهم .. هو إنك تقدر تبني الصفحة الشخصية بتاعتك ( Profile page ) بكل لينكاتك و أماكن تواجدك أونلاين … بحيث إن يبقي في صفحة واحدة واضحة جداً .. منظمة جداً جداً .. تقدر تبعتها لأى حد .. فيعرف عنك كل اللي إنت محتاج إنه هو يعرفه عنك بكل سهولة و يسر . … رابط ( سلسلة = Cellcella ) في التعليق الأول كالمعتاد . جرّب و عرفني لو في أى شيء تاني من العلاقات البشرية أنا ناسيها كالمعتاد 😅 . . و الله أعلم .