صاحي من الساعة 2 صباحاً النهاردة .. و قاعد باجاوب

صاحي من الساعة 2 صباحاً النهاردة .. و قاعد باجاوب و أرد علي رسايل كتييييير من ساعتها .. ( لو لسة ماردتش عليك .. يبقي طالعلك فى السكة إن شاء الله ) .. و لقيت Abdallh Koraitam باعتلي الفيديو ده من أعماق الذكريات ..من 2011 … ربنا يباركلك يا حاج فعلاً .
… 1- ليه تم إختيار إسم مني 😎😎 ؟ “مني” فضل لسنين طويييييلة جداً هو إسم أى أنثي بالنسبة ليا .. يعني أي أنثي جميلة فأى قصة .. المفروض يبقي إسمها “مني ” .. و السبب فده هو روايات رجل المستحيل و أدهم صبري .. الروايات اللى بدأت أقراها من أيام تانية إبتدائي .. و إتربيت و تم تدريب عقلي علي إن ” مني ” هي الصورة الأمثل للأنثي .. مافيش أى إسم تاني ينفع … الحمد لله ده إتغير من زمااااان :) :) .. يمكن من أيام 2011 خصيصاً .. و بعد ما شفت وجهة نظر نبيل فاروق علي كبر .. … 2- الميتنج ده .. كان أول أو تاني مرة يتفق عدد من الشباب محبي الأنيمي إنهم يتجمعوا .. و إتجمعنا فبلازا فإسكندرية .. و من ذكرياتي الرائعة فعلاً . … 3- الموضوع علي ما أتذكر .. إن كان في مسابقة إتعملت علي الجروب بتاع محبي الأنيمي فى الوقت ده .. إن يتكتب قصة مانجا .. و اللى قصته تكسب أكتر بالتصويت .. حيتم رسمها و تحويلها لمانجا .. و القصة اللى كتبتها ( و باحكيها تلخصياً ) فى الفيديو ده .. كانت هى اللي فازت .. و كان بدأ بالفعل رسمها ( بس ماكملش الموضوع .. مش متذكر ليه :) :) ) . … 4- الفترة دي من حياتي .. كانت الفترة اللى كنت بدأت فيها مرحلة بناء طريق مختلف لحياتي مستقل عن إني أعتمد علي نجاح أكاديمي .. حياتي حرفياً كانت ( دراسة , مانجا , أنيمي , فيديوجيمز , دراسة , محاولة تطبيق للي بادرسه , صراع مع الكلية , وهكذا … ) . لما بافتكر الفترة دي من حياتي .. بافتكر مسلسلات الأنيمي اللى كنت باتفرج عليها وقتها .. … 5- الطريقة حتي اللي كنت باكتب بيها .. و إن كان التسلسل الفكرى متشابه .. و لكن الأدوات إختلفت بكل تأكيد .. لينك النوت اللى فيها القصة دي فأول كومنت .. أنا نفسي باقراها و أنا ناسي كل تفاصيلها .. بس ده معتاد بالنسبة ليا .. فى المعتاد بانسي اللى باكتبه أو باعمله بعد أيام من كتابته .. دايماً :( :( .. … 6- و كان الإنجليزي بتاعي واضح إنه كان إنجليزي وضييييييع أيامها ..