ماذا يحدث لو كان the shape of water من بطولة

ماذا يحدث لو كان the shape of water من بطولة " جعيدى " ؟! ..

AR 3 د

ماذا يحدث لو كان the shape of water من بطولة ” جعيدى ” ؟! ..

لو لسة ماشفتش الفيلم .. كمل قراية عادى … مش حاحرق حاجة جديدة فيه تقريباً .. كل الدنيا أكيد عرفت إن قصة الفيلم قايمة على إن بنوتة حبت الكائن اللى فى الصورة ده .. مش جعيدى لا .. اللى قدامه .. و مش بس كده .. إحم .. هما ولا مؤاخذة عملوا حاجات تانية .. يعنى حاجات من بتاعت الناس الكبار .. يعنى راحوا ورا مصنع الكراسى .. .. أيون .. الكائن اللى إنت شايفه ده دخل دنيا و إنت لسة سنجل .. عادى يعنى .. المهم … أنا شفت الفيلم .. و كالمعتاد الأفلام اللى من النوعية دى بتحرق دمى .. جداً .. خصوصاً لما بيتم الإحتفاء بيها بشكل ضخم و تاخد كذا أوسكار زى ما حصل .. أنا غير مؤهل إطلاقاً إنى أحكم على الفيلم من حيث الإخراج ولا السينيماتوجرافى ولا التصوير ولا المؤثرات الخاصة ” يمكن شوية صغننين هنا ” … بس لا .. أنا حاتكلم بس على ال : قصة . … فأى فيلم من النوعية دى باسأل نفسى .. هل كان الفيلم حيفضل بنفس القوة و التماسك .. لو كنا إستبدلنا البطل و حطينا مكانه ” جعيدى ” ؟! . بس فى الفيلم ده خصيصاً بقى .. أنا حاخلى جعيدى مكان البطلة نفسها .. و بدل ما الكائن هو اللى بيقوم بدور “الذكر” فى الفيلم .. لا ..