بوست مش مشروح .. يعنى حاكتب الأفكار زى ما هى

بوست مش مشروح .. يعنى حاكتب الأفكار زى ما هى فدماغى و مش حاشرحها والله أعلم و ربنا يسامح اللى كان السبب 🤣😉😂:

تقريباً وصلت ل 60% من الكتاب .. و مستمتع إستمتاع فائق بكل جوانبه .. و ما يلى شوية من ال reflections على الأفكار اللى إستقيتها منه : 1- أسلوب دائم للتقييم بيكون دراسة الشىء من حيث تأثيره و تأثره … لتفعيل الدراسة دى بيتم اللعب فجميع المتغيرات المحيطة و إجراء تشخيص . الكتاب بيجبرنى إنى أعمل ده على كل شىء مر بالبشرية .. على المحاور (الزمن , الثقافة , الحضارة , نسبة تشبع الغرائز المجتمعية , … ) النتيجة هى إنك بتبدأ تحس بمدى عدم إستقرار كل ما هو تحسبه مستقر .. و بيفكرنى بالحلقة فى بيج بانج ثيورى لما ضربوا براونيز بالحشيش .. و راج تقريباً كان بيقول ” أنا حاسس بدوران الأرض .. بتدور بسرعة أوى .. وقفها شوية ” 2- مع إزدياد كم الفيتشرز و الإمكانيات فى الأجهزة الحديثة .. أحياناً كتير بننسى إن فى زرار باور بيعمل دايركت هارد إنتيرابت على السيركت و يطفيها .. أو يإيدها .. نفس الموضوع مع الإنترفيس الحالى للهيومان مينتاليتى فى المنظومة الحديثة للعالم .. كائن برايمال المجتمع إيفولفد أسرع منه بكتيييييير . 3- إحساس إنك فجأة بتترمى من اللانش فوسط البحر من غير عمق تحتك .. ده الإحساس اللى حاسس إنى المفروض أكون حاسه طول الوقت .. و باسأل نفسى دايماً : إزاى فى حد مستحمل يكون عايش اليومين دول و مش بيدور ال 24 ساعة فى ال24 ساعة على كل المعلومات اللى هو مش عارفها عن كل حاجة ؟!! إتضح إن ده الصح فعلاً .. و إننا كنا تمام التمام زمان و إحنا هانتر جاذررز .. و الزراعة الإستقرار كل اللى عملوه إنهم ضخموا رغبة و طمع الإنسان فى السيطرة على أكتر حاجة هومعندوش سيطرة عليها … ” بكرة ”