the walking dead

the walking dead

بناءاً على التقسيمات اللى إتعملناها من د أحمد خالد توفيق .. يتم إعتبار المسلسل من القصص اللى بتدور فعالم ما بعد المحرقة .. post apocalyptic events .. .. التيمة دى من المسلسلات بتعجبى جداً كمهندس لسبب بسيط .. هو إنى “كمهندس برضو” تم تدريبى على إن أحد أمثل الوسائل لحل أعقد المشاكل .. هو تبسيطها لعناصرها الأولية جداً .. و إيجاد حل مبدئى بناءاً على العناصر الأولية دى .. و بعدين محاولة تطبيقة و تعميمه بشكل محسوب نسبياً مع تعقيد المسئلة . ( خد عنصر و كامل :) :) ) .. .. الحياة البشرية فآخر 200 سنة إتعقدت بمعدل لوغاريتمى أو أكتر جداً .. بمعنى إن كمية الحاجات اللى بقيت مطالب إنك تفكر فيها و تحسبها المرتبطة بأى قرار بتاخده .. كتير جداً جداً .. و متعاقدة و متشابكة . .. نتيجة للتعقيد ده .. ناس كتير جداً بتتولد و تعيش و تموت داخل شبكة من ثانويات الثانويات .. بتفصلهم بشكل كلى تقريباً عن الأساسيات .. يعنى ممكن حد يتولد و يعيش طول عمره و يموت تقريباً فنفس الشارع فنفس المدينة محاط بنفس الأفكار و الأشخاص .. و يعتقد بشكل كلى إنه شاف العالم كله .. (you don’t know what you don’t know ) فى حين إنه ممكن يطلع فى الآخر عنصر ضمن عالم إفتراضى صنعه بشر زيه بالظبط .. hypothetical case in point ( truman show ) أو على سبيل المثال برضو .. طفل إتولد لقى أبوه لواء جيش مثلاً و كبر لحد ما بقى هو كمان لواء و مات على كده .. كل اللى شافه فحياته هى حياة بالكامل إفتراضية من صنع أفراد .. .. المشكلة هى طبعاً إن المعتقدات دى حتى و إن كانت بتتفاعل أحياناً مع معتقدات العالم الحقيقى بتاعنا إلا إنها بالتأكيد لأنها متغيرة .. حتتعارض بشكل أساسى فأكتر من نقطة .. نقط التعارض و الإختلاف دى هى اللى ممكن تشوفها دلوقتى فأى قضية محل للجدل بشكل ضخم بين فرق فكرية كل منهم مؤمن بوجهة نظره . .. السؤال طبعاً يبقى .. فين الأساس ؟ .. .. و الإجابة هنا بترجعك لأول البوست تانى .. .. لحظة ما يواجهك شك فأى مسئلة .. زى ما صديق عمرى “اللى عارف نفسه” دايماً كان بيقول .. (إرجع للأساسيات) .. .. شخصياً مثلاً لما باعمل ده .. بامشى على تسلسل أفكار معين .. كل مرة بيوصلنى لأن الحمد لله على نعمة الإسلام .. .. السبب إنى ماكتبتش تسلسل الأفكار ده هنا .. هو إنهم واخدين صفحات وورد كتير .. جداً .. (59 لحد دلوقتى ) .. + إن بمجرد الهدف من البوست ده مش إنى أمشى باللى بيقراه على التسلسل ده .. الهدف هو ..